နိင်ငံတော်ခေါင်းဆောင်သော သားသမီးများကို နှိုင်းယှဉ်ကြည့်ခြင်း

သားသမီးမကောင်း ၊ မိဘခေါင်း ဆိုသကဲ့သို့ ယခုမြန်မာနိုင်ငံမှာ အပုပ်နံ့တွေနဲ့နာမည်ကြီးနေတဲ့ လူငယ်များကိုကြည့်မယ်ဆိုရင် ဗိုလ်မှုး၊ ဗိုလ်ချူပ်တွေရဲ့ သား၊ သမီးများဖြစ်နေတာ ကိုတွေ့ရပါလိမ့်မယ်…သူတို့တွေဟာ လူငယ်တွေမို့လို့ဆိုးတယ်လို့ပြော တာထက် မိုက်ရိုင်းတယ်လို့ပြောတာပိုမှန်ပါလိမ့်မယ်…ရှေးလူကြီးတွေရဲ့ဆိုရိုးစကားသာမှန်
တယ်လို့ပြောရင် သေချာပေါက် မိဘ ဖြစ်တဲ့ ဗိုလ်မှုး၊ ဗိုလ်ချူပ် တွေမကောင်းတာပါလို့ပြော ရပါလိမ့်မယ်…ဘာကြောင့်လဲဆိုတော့ နှုတ်ကြမ်းရင် အမိယုတ်လို့ ၊ ကိုယ်ကြမ်းရင် အဖ ယုတ်တယ် လို့ဆိုရိုးစကားရှိပါတယ်…အခု ဆိုးသွမ်းပြီးမိုက်ရိုင်းတဲ့ လူငယ်တွေဟာဖြင့် နှုတ်ရော ကိုယ်ရော ကြမ်းတာကြောင့် အမိကော ၊ အဖ ကော ကမျိူးမစစ်ဘူးဆိုတာ အတိုင်းသာပေါ်လွင်နေပါတယ်…ဒီလို လူငယ်တွေရဲ့ဘ၀ က အမှန်တကယ်တော့ အလွန်ကိုသနားစရာကောင်းပါတယ်…မိဘ ရယ် စည်းစိမ်ရယ် အာဏာရယ်က ၀ိုင်းပြီး ထိုးနှက်လိုက်ချိ်န်မှာတော့ သူတို့တွေဟာ လူဆိုးဘ၀ နဲ့ ပြည်သူတွေနှာခေါင်းရှုံ့ရတဲ့ဘ၀ မျိူးရောက်သွားရတာပါ…
နအဖ ဗိုလ်ချူပ်သား၊ သမီးတွေနဲ့အပြိုင် ဆိုးသွမ်းနေသူများကတော့ ပိုက်ဆံရှိသားသမီးများပင်ဖြစ်ပါတယ်…အဲဒီထဲမှာ ၀န်ကြီးသားတွေ၊ အဆိုတော်တွေ ၊ဖော်လံဖားနေတဲ့ လူကြီးသားသမီးများလည်းပါပါတယ်…သူတို့တွေဟာ နိုင်ငံထဲမှာ ဆိုးသွမ်းလို့ မ၀ဘဲ နိင်ငံခြားကို ပါလှည့်ပြီး မကောင်းတဲ့ အကျင့်စရိုက်တွေကို မြန်မာလူမျိူးသိက္ခာကျလောက်အောင် လုပ်ပြပါတော့တယ်…ဗိုလ်ချူပ်သားတွေ သမီးတွေမိုက်ရိုင်းတာ ကတော့ သိနေလို့ အဖတ်လုပ်ပြီး ပြောမနေချင်ပေမယ့် တချိူ့ လူငယ်တွေအတုခိုးနေတဲ့ ရုပ်ရှင် အနုပညာရှင်တွေ နိုင်ငံခြားရောက်ရင် အားလုံးပဲချွတ်လိုက်ပါတော့ လို့မပြောရုံတမယ် လုပ်နေတာကတော့ မြန်မာနိုင်ငံကို ဖာနိုင်ငံဖြစ်နေပြီလို့ ကမ္ဘာကို ကြေငြာနေသလို
ပါပဲ..အရမ်းကို ရုပ်ဆိုးလွန်းပါတယ်…ကိုယ့်နိုင်ငံထဲမှာတော့ ယာဉ်ကျေးတဲ့ အသိုင်းအ၀ိုင်း
ဖြစ်နေလို့ မလုပ်ရဲပေမယ့် ပြင်ပ နိုင်ငံလည်းရောက်သွားရော သွေးက စကားပြောတော့
တာပဲလေ…….ပြည့်တန်စာ မတစ်ယောက်လို ဆိုပြမှ၊ ဖာသည်တစ်ယောက်လို တင်လှုပ်ပြ
မှ အထင်ကြီးမှာလားဗျာ……..
ဒါဆိုရင် ကျွန်တော်တို့နိုင်ငံမှာ ပိုက်ဆံလည်းရှိ၊ အာဏာလည်းရှိုပြီး မပျက်ဆီးတဲ့ သူတွေမရှိတော့ဘူးလားလို့မေးစရာရှိပါတယ်…..ရှိပါ့ဗျား……
တကယ့်ကို စစ်တပ် အသိုင်းအ၀ိုင်း ဗိုလ်ချူပ် ရဲ့ သမီး…..တကမ္ဘာလုံး ကလူတွေ တအား
လိုချင်တဲ့၊ အမေရိကန်သမ္မတတောင် ဒီဆုကိုရဖို့အရမ်းကိုကြိုးစားခဲ့ရတဲ့ နိုဘယ်လ်ဆုကို
ရရှိထားသူ……ဘ၀ရဲ့ ဆယ်စုနှစ်တစ်ခုကို ပြည်ပ နိုင်ငံမှာဖြတ်သန်းခဲ့ရပေမယ့် ချိတ်ထမိန် နဲ့ ချိ်တ်အင်္ကျီကိုသာဝတ်ဆင်သူ၊ သူ့ရဲ့ အစွမ်းအစတွေ အားမန်တွေကို ရိုက်ချိူးပြီး ထိန်းသိမ်းခံထားရပေမယ့် ရန်သူကို အပြူံးနဲ့ ပဲရင်ဆိုင်ခဲ့သူ၊ မြန်မာအမျိူးသမီးတစ်ယောက်
ဟာ ယောက်င်္ကျားတွေနဲ့ ရင်ဘောင်တန်းပြီး ပြည်သူတွေရဲ့အခွင့်အရေးကို ဘ၀အဆုံးခံပြီး
ယူပေးနေသူ…………….အမေစု (ခေါ်) ဒေါ်အောင်ဆန်းစုကြည် ပါပဲခင်ဗျာ….......ကျွန်တော် ချီးမွမ်းတာ လွန်နေရင်ပြောပါဗျာ…….အခု ဗိုလ်ချူပ်ကြီးရဲ့ သမီး စိန်စီပြီး ဒေါ်လာတွေခဲဖိုးပေးနေချိန်မှာ သူဟာ ပြည်သူတွေရဲ့ အကျိးစီးပွားအတွက် ၇တတ်မအေးဖြစ်နေတာပါ……..စင်ပေါ်တတ်ပြီး ကိုယ့်အနုပညာကို ဖင်ပေါ်၊ ခေါင်းပေါ် နဲ့ဖြစ်နေတဲ့အချိန်မှာ သူဟာ နိုင်ငံရေးစင်မြင့်ပေါ်မှာ မြန်မာလူမျိူးပီသစွာ အနောက်တိုင်းဝတ်စုံတောင်မ၀တ်ဘဲ ရိုးရာ အကျီင်္နဲ့ နိုင်ငံကိုကိုယ်စားပြုခဲ့တာပါ........
ကျွန်တော်တို့နိုင်ငံဟာ သူများတွေထက် အတော်ကြီးကိုနောက်ကျနေခဲ့ပါပြီ
ကိုယ်ကျင့်သီလ နဲ့ ယာဉ်ကျေးမှုပါ ပျောက်ရင်တော့ မြန်မာလူမျိူးဆိုတာ မရှိတော့ပါဘူး…
ရေဆာနေတဲ့ လူကို ရေတိုက်မှ အငတ်ပြေမှာပါ…ရေမတိုက်ဘဲနဲ့ ထမင်းကျွေးရင် စားပိုးနင့်ပြီးသေသွားမှာပါ…အနောက်နိုင်ငံတွေ မှာ အတုယူစရာတွေဒီလောက်အများကြီး
ရှိရက်နဲ့ မကောင်းတဲ့ အပြုအမှုကိုမှ ရွေးယူတာကိုး…….သူတို့ရဲ့ တစ်ဦးအပေါ်တစ်ဦးလေး
စားပုံတွေ..လူတစ်ယောက်ရဲ့အခွင့်အရေးတွေကို အသုံးချပုံတွေ..အစားအသောက် အနေအထိုင်ဆင်ခြင်ပုံတွေ..Gentleman တစ်ယောက်ရဲ့ ထိန်းသိမ်းအပ်တဲ့ အချက်တွေ…
အများကြီးရှိနေပါတယ်……
အတွေးအခေါ်ပညာရှင်ကြီး ကွန်ဖြူးရှပ်ကတော့ ကိုယ်ကျင့်တရားဆိုတာ အိနြေ္ဒ နှင့် အရှက် ကို လုံခြုံစွာစောင့်ထိန်းခြင်းလို့ဆိုထားပါတယ်…မြန်မာ လူမျိူးတွေမှာအိနြေ္ဒ တွေ အရှက်တွေ ရှိပါသေးရဲ့လားဗျာ…..ရှိတဲ့လူတွေကျတော့ ထောင်ထဲမှာဘဲ သက်တမ်းစေ့ သွားအောင်ချ၊ မနေနိုင်အောင် အမျိူးမျိူးလုပ်၊ နအဖရဲ့ လက်ပါးစေတွေက
သားကောင်း၊ သမီးကောင်းတွေကိုဖျက်ဆီး၊ နအဖက လည်းသူ့ ထိုင်ခုံက်ိုမြဲဖို့အတွက်
အပြစ်မဲ့တဲ့ပြည်သူတွေကို မကောင်းတဲ့အရာမျိုးစုံနဲ့ ဖျက်ဆီး၊ ဒီလို မကောင်းတဲ့အရာတွေ
လွယ်လွယ်ကူကူလုပ်နိုင်ဖို့အတွက် မူးတဲ့အရာတွေကို ဖော်ဖော်သီသီရအောင် လုပ်၊ အဲလိုနဲ့ ပြည်သူတွေရဲ့ ကိုယ်ကျင့်တရားကို ဖျက်ဆီးနေပါတယ်….အဲလို ဖျက်ဆီးနေတာကို တော်လှန်တဲ့ သူရဲကောင်းများကိုတော့ ဂျပန်နှိပ်စက်တာ အများကြီးသက်သာတယ်လို့ပြောလို့ရတယ်…စာသင်နေတဲ့ ကျောင်းသားလေးတွေ၊ သမာဓိရှိတဲ့ ဘုန်းဘုန်းတွေဟာ သူတို့ရဲ့ စစ်ဖိနပ်အောက်မှာ သွေးထွက်ခဲ့ရပါတယ်…ပြည်သူကိုယ်ကျင့်တရားမရှိလို့ ဆိုးသွမ်းတဲ့ အစိုးရတတ်တယ်လို့
ဆိုလို့ရှိရင် ဒီလိုဆိုးသွမ်းတဲ့ အစိုးရရှိလို့လည်း ပြည်သူတွေ ကိုယ်ကျင့်တရားပျက်ရတာပါ..

ဒါကြောင့် မြန်မာပြည်သူတွေဟာ ဘယ်ဘာသာဝင်မဆို ဘာသာတရားကို
အလွန်ပဲ ယုံကြည်လေးစားလိုက်နာကျပါတယ်..အဲဒါကြောင့် ဘာသာတိုင်းမှာ ပြဠာန်းထား တဲ့ ကိုယ်ကျင့်တရား သီလကို လက်နက်သဖွယ်အသုံးပြု၍ ဘာသာမဲ့ နအဖ အစိုးရကို တိုက်ထုတ်ကြပါစို့လို့ ဒီဆောင်းပါးလေးနဲ့တိုက်တွန်းလိုက်ပါတယ်…
ကိုသီလ

အောင်ပွဲကိုမယူရဲသူဟာ ရှုံးနိမ့်မှာသေချာတယ် ( နပိုလီယံ)

"He who fears being conquered is sure of defeat."( Neapolion Bonaparte)
အောင်ပွဲကိုမယူရဲသူဟာ ရှုံးနိမ့်မှာသေချာတယ် ( နပိုလီယံ)

ဝ တပ်ဖွဲ့  တွေ ပြန် တိုက်ဖို့ ပြင်ဆင်နေ ပြီ

ဝ တွေ တပ်ပြင်နေပြီ။ ပြန်တိုက်ဖို့ အဆင့်အနေထားမှာရှိနေတယ်။ ဗိုလ်မူးချုပ်ဟောင်း ကျော်ဇော ကတောတော့ ကမ္ဘာမှာ အကောင်းဆုံးတပ်ကို ပြပါဆိုရင် ၀ တပ်မတော်ကိုပဲပြရမှာပဲလို့ ပြောဘူးပါတယ်။ ၀ တပ်ဖွဲ့  တွေက အမိန့် နာခံမှုကောင်းတာရယ်၊ အကြမ်းခံနိင်မှု ၊ နယ်မြေဒေသကျွမ်းကျင်မှု မှာ အလွန်နာမည်ကျော်ကြားတဲ့ တပ်မတော်တခုဖြစ်ပါတယ်။

ပြည်တွင်းက သူတို့စီးပွားရေးလုပ်ငန်းတွေကို ပြန်လည်ရုတ်သိမ်နေတယ်။ ရုတ်သိမ်းပြီးပါက ပြန်လည်ထိုးစစ်ဆင်လာမဲ့အနေထားမှာရှိတယ်။ ၀တပ်ဖွဲ့ တွေက နယ်ခြားစောင့်တပ်ဖွဲ့ စည်းရေးကို လက်မခံ။ဝပြည်နယ် ရရှိရေးကိုဆက်လက်တောင်းဆိုနေသည်ဟုသိရပါတယ်။ နအဖက ၀တွေကိုနယ်ခြားစောင့် တပ်အဖြစ်သာ လိုက်လျောတယ်။ နအဖ က ၀ တွေကို မတ်လ ၂ ရက်နေ့  နောက်ဆုံးထားပြီးနယ်ခြားစောင့်တပ်အဖြစ် လက်ခံရန်တောင်းဆိုထားတယ်။

လက်ခံပါက မတ်လ ၂၇ ရက်နေ့ တပ်မတော်နေ့ မှာ မြန်မာ တပ်နဲ့ အတူ ၀ တပ်တွေပါ ချီတက် ဖို့ စီစဉ်နေတယ်လို့ သိရ တယ်။ ၀တပ်အဖွဲ့ အနေနဲ့  နယ်ခြားစောင့်တပ်ဖွဲ့ ဖွဲ့ စည်းရေးကိုလက်ခံလိုက်ပါက။ ၀ တွေဟာ န အဖ တပ်ရဲ့ လက်အောက်ဘ၀ သို့ လုံးဝ ကျရောက်သွားနိင်တယ်။ ၀ တပ်ပျက်သွားမဲ့အနေထားရှိတယ်။ တိုင်းရင်းသားတွေတောင်းဆိုနေတဲ့ ဖယ်ဒရယ်ပြည်ထောင်စုဖွဲ့ စည်းရေးကို ရည်မှန်းချက်ပျက်ဆီးသွားနိင်ပါတယ်။ ၀၊ ကချင်၊ မွန်နဲ့ အခြားတိုင်းရင်းသားတွေအနေနဲ့  နယ်ခြားစောင့်တပ်ဖွဲ့  စည်းရန်သဘောမတူကြဖို့ ကြံကြံခံရပ်တည်ကြဖို့ လိုပါတယ်။

ဖြည်းဖြည်းလေး အနှေးယာဉ်ရထား (ကာတွန်း ဟန်လေး - ဧရာဝတီဝက်ဘ်ဆိုက်)

စက်ဝိုင်း (ခင်ငြိမ်းသစ် )

မြန်မာပြည်မှာ H.I.V ပိုးကူးစက်ခံနေတဲ့ နှုန်းနည်းသွားပြီဆိုတာ တ ကယ်လား၊ စစ်တမ်းထုတ်ထားတဲ့ ကိန်းဂဏန်းတွေကရော အမှန်ပဲ လား၊ အဲဒီစစ်တမ်းတွေကို ဘယ်လိုပုံစံနဲ့ကောက်ထားတာလဲ၊ ဒီအ ချက်တွေကို ဘယ်သူမှတိကျစွာ ဖြေဆိုနိုင်တာမရှိပါဘူး။ ဘာကြောင့် ဒီလိုပြောနိုင်တာလဲဆိုတော့ ထိန်းချုပ်မှုတွေရဲ့ ကြားထဲမှာ ဘယ်အဖွဲ့ အစည်းမှ စစ်တမ်းအမှန်ကို ကောက်ယူဖို့မလွယ်လို့ပါ။ မြန်မာပြည် မှာ H.I.V ပိုးကို လိင်ဆက်ဆံမှုကနေ အများဆုံး ကူးဆက်ပါတယ်။ ၂ဝဝ၅ ခုနှစ်တုန်းက ကျမ အင်းစိန်ထောင်မှာ ရှိနေစဉ်တုန်းကပါ။ ဈေးအပေါဆုံး ပျော်တော်ဆက်ကလေးတွေကို ၁၃ (ဃ) ဆိုတဲ့ ပုဒ်မ နဲ့ ပျမ်းမျှထောင် ၃ လ ချလေ့ရှိပါတယ်။ အဲဒီ ၁၃ (ဃ) ဆိုတာတွေ က ထောင်ထဲမှာအများကြီးပါ၊ ဝင်လာလိုက် ပြန်လွတ်သွားလိုက်၊ နောက်ထပ်ဝင်လာလိုက်နဲ့ သံသရာလည်နေကြ သူတွေပါ။

ကျမတို့ရှေ့မှာပဲ ဘာရောဂါဖြစ်မှန်း မသိဘဲ သေဆုံးသွားကြလေ့ရှိ ပါတယ်၊ ဘယ်သူကမှလဲ သူတို့ဖြစ်နေတဲ့ ရောဂါကို စိတ်မဝင်စား ကြပါ၊ အရေးတယူလည်း မရှိကြပါ၊ သူတို့တွေက ကျမတို့ရဲ့တိုက်တွေမှာ သန့်ရှင်းရေးလုပ်ကြရတဲ့ သူတွေမို့လို့၊ သူတို့နေမကောင်းရင် ကျမတို့ဆီက ဆေးတောင်းနေကျပါ။ သူတိုမှာ အနာကြီးကြီးတွေ ဖြစ်တတ်သလို၊ ရေယုန်တွေလည်း ပေါက်နေကျပါ။ အမြဲတမ်း ချောင်းဆိုးနေ တာကိုလည်းတွေ့ရလေ့ ရှိပါတယ်။ တခါတရံပရုတ်လုံးတောင် တောင်းတတ်ပါတယ်။ ပထမတုန်းကတော့ ပရုပ်လုံးကို ဘာလုပ်တာမှန် မသိပေမယ့်၊ နောက်တော့သိလာပါတယ်၊ ကာလသားရောဂါကြောင့်ရတဲ့ အနာထဲကို ပရုပ်လုံးကြိတ်ပြီးသိပ်ကြတာပါ၊ အစာအဟာရကလဲမပြည့်ဝတော့ သူတို့ဟာအမြဲတမ်း ပိန်ညှောင်ညှောင် လေးတွေများပါတယ်။ လူနေမှုအဆင့်အတန်းကလည်း အနိမ့် ဆုံးကလူတွေ ဖြစ်တာမို့ နေရာအတည်တကျမရှိကြပါဘူး၊ ကြုံရာအိပ်ကြုံရာစားကြရပါတယ်။ ဝမ်းသွားတဲ့ရောဂါကိုလည်း မကြာခဏ ခံစားရလေ့ ရှိပါ တယ်။

ကျမနဲ့ အေးမိုးက သူတို့ကိုမေးကြည့်ဘူးပါတယ် "နင်တို့ဆေးမစစ်ဘူးလား" လို့ပါ၊ သူတို့က "ရဲစခန်းကတော့ ဖမ်းတိုင်းသွေးဖောက်တာ ပါပဲ၊ ဒါပေမယ့် ကျမတို့ကိုတော့ တခါမှဘာမှမပြောဘူး" တဲ့၊ အဲဒီမိန်းခလေးတွေဟာ H.I.V ကိုသိလည်းမသိသလို အန္တရာယ်ဘယ် လောက်ကြီးတယ်ဆိုတာကို နားမလည်ပါဘူး။ ယုတ်စွအဆုံး ကာလသားရောဂါကြောင့် ဘာဖြစ်နိုင်တယ်ဆိုတာကိုတောင် သေချာမသိ ပါဘူး။ တချို့ဆိုရင် အသက် ၁ဝ နှစ်လောက်နဲ့ မှောင်ရိပ်ခိုကြတာပါ၊ ထောင်ထဲကိုရောက်လာရင် သီချင်းလေးတအေးအေးနဲ့ ကျွေးမယ့် လူရှိရင်စားပြီး ကျွေးမယ့်လူမရှိရင် ပုံစံဝင်စွဲကြပါတယ်။ ဒီလိုနဲ့ဝင်ထွက်သံသရာလည်ပြီး တချို့လည်းသေသွားကြပါတယ်၊ နောက်ထပ် အသစ်တွေနဲ့ ၁၃ (ဃ) တွေနည်းသွားတာ လျှော့သွားတာမတွေ့ရဘဲ ပိုလို့သာတိုးလာနေပါတယ်။

ထောင်ထဲမှာက ဆေးထိုးပြွန်၊ ဆေးထိုးအပ်အပါအဝင် ခွဲစိတ်ပစ္စည်း၊ သွားနဲ့ခံတွင်းအတွက် သုံးတဲ့ပစ္စည်း ကရိယာတွေကို ဆေးကြော သုတ်သင်လေ့မရှိပါဘူး။ တခါက ကျမသွားကိုက်လို့ သွားဆရာဝန်ထွက်ပြပါတယ်၊ ကျမရှေ့ကလူတွေကို လုပ်တာကြည့်ရင်းနဲ့ ကျမဆုံး ဖြတ်လိုက်ပါတယ်၊ သွားကိုက်လို့တော့မသေနိုင်ဘူး H.I.V ကူးစက်ရင်သေတတ်တယ် ဆိုပြီးမပြတော့ပါဘူး၊ လူတိုင်းကို ဒီပစ္စည်းနဲ့ သုံးပြီး ပါးစပ်ထဲကိုကြည့်ပါတယ် အပ်ကောက်တွေကိုလည်း ဖြုတ်မလဲပါဘူး။ ပစ္စည်းတွေကကြည့်ရုံနဲ့တင် အရမ်းညစ်ပတ်တာ သိ သာနေပါတယ်။ အဲဒီပစ္စည်းကရိယာတွေနဲ့ပဲ သွားဝေဒနာခံစားရသူတိုင်းကို ကုသနေတာပါ။

ကျမတို့နိုင်ငံရေး အကျဉ်းသားတွေထဲမှာလည်း မသန့်ရှင်းတဲ့ဆေးထိုးအပ် အပါအဝင်ဆေးဘက်သုံး ကရိယာတွေကြောင့် H.I.V ပိုးကူး စက်ခံရပြီး ထောင်ထဲမှာတင် သေဆုံးသွားသူတွေရော၊ ပြန်လွတ်လာပြီးတော့မှ သေတဲ့လူတွေမနည်းလှပါဘူး၊ အခြားအကျဉ်းသားတွေ မှာလဲဒီလိုမျိုး ကူစက်ခံရမှာပါပဲ။ ကျမ မှတ်မှတ်ရရ ဖြစ်နေတာက တခါတုန်းက ကျမ နေမကောင်းလို့ ဆေးထိုးရမယ်ဆိုတော့ ဆေးမှူး က ဆေးထိုးပြွန်နဲ့အပ်ကို တခါတည်းတပ်ပြီး ဆေးစုပ်လာပါတယ်။ ကျမတို့တွေက ထောင်ဝင်စာမှာတခါသုံး ဆေးထိုးအပ်တွေကို ရုံး ခန်းမှာ အပ်ထားပြီးသားပါ။ ကျမရှေ့မှာဖွင့်တာမဟုတ်တဲ့ ဆေးထိုးအပ်နဲ့ ကျမ ဆေးထိုးမခံနိုင်ပါဘူး၊ ဒါကြောင့်ထောင်ထဲမှာ ကျမ ဆေးမ ထိုးတော့ပါဘူး၊ ဒီလိုဖြစ်ရပ်မျိုးတွေဟာ အကျဉ်းသားတွေကို သေဒဏ်စီရင်လိုက်သလိုပဲလို့ ခံစားမိပါတယ်။

နောက်တမျိုးက ပြည့်တန်ဆာလောကမှာ ကျင်လည်နေတာကြာပြီဆိုတော့ တန်ကြေးကျလာတဲ့ ပြည့်တန်ဆာတွေပါ၊ သူတို့ကိုခပ်ပေါ ပေါ "ဘိ" တွေကနေဖမ်းလာတာပါ၊ ထောင်ဒဏ်ကလဲ ၁ နှစ် (သို့) ၂ နှစ်ကျတတ်ပါတယ်။ သူတို့က ပညာလေးတွေကလည်း မတောက် တခေါက်တော့တတ်ကြပါတယ်။ သူတို့ကလည်း ရောဂါပိုးတော်တော်များများ ငြိတွယ်ခံနေရသူတွေပါ၊ သူတို့လဲ H.I.V ပိုးကိုမကြောက် နိုင်သူတွေထဲမှာ ပါဝင်ပါတယ်။ သူတို့တွေဟာ ရှေ့တန်းဖြန့်ဖြူးရေးသမားတွေပါ။ သူတို့ရဲ့တန်ကြေးက အရမ်းမမြင့်သလို၊ အရမ်းလည်း မနိမ့်လှပါဘူး၊ ရုပ်ရည်အားဖြင့်လည်း သိပ်အဆိုးကြီးတွေ မဟုတ်ပါဘူး။

ကျမတို့တိုက်ထဲ အလုပ်လာလုပ်တဲ့ ကောင်မလေးတွေနဲ့ စကားကြည့်ဘူးပါတယ်၊ သူတို့ကိုကောင်းရောင်း ကောင်းဝယ်လုပ်စားဖို့ အကြံ ပေးကြည့်တော့ သူတို့ကရယ်ပါတယ်၊ ပြီးတော့ပြောတာက "အမရယ် အခုလိုခေတ်ကြီးထဲမှာ အရင်းအနှီးများများမရှိပဲနဲ့ ဘယ်လိုလုပ် ဈေးရောင်းလို့ရမှာလဲ" တဲ့။ ကျမကရတဲ့ပိုက်ဆံစုထားပေါ့ ဆိုတော့၊ ကျမတို့ကအများကြီးမရပါဘူး၊"ခေါင်း" တွေကလည်း ဖြတ်သေး တာတဲ့၊ ကျမ ထင်တယ်လေ ငွေရှာရလွယ်ကူတဲ့ ဒီလုပ်ငန်းထဲမှာသူတို့ကိုယ်တိုင် ပျော်နေတာဖြစ်နိုင်တယ်။ သူတို့မှာလည်း H.I.V နဲ့ ပတ်သက်တဲ့ အယူအဆအမှားတွေ ရှိနေကြပါတယ်။ သူတို့က H.I.V ပိုးကနယ်စပ်သွားတဲ့ လူတွေမှာဖြစ်တာတဲ့လေ၊ ကျမနဲ့ အေးမိုးက မဟုတ်ဘူး မြန်မာပြည်ထဲမှာလဲ ရှိတယ်ဆိုတော့ သူတို့ လက်မခံပါဘူး ပြန်မပြောသာလို့မပြောပေမယ့် သူတို့ မယုံဘူးဆိုတာ သိသာ ပါတယ်။

နောက်တမျိုးက ကြေကြီးတဲ့လူတွေပါ၊ ကျမတို့ အင်းစိန်ထောင်မှာရှိနေတုန်း ၁၉၉၅ ခုနှစ်က ဗိုလ်ချုပ်ထွန်းကြည် အိမ်ကိုငှားပြီး "ဘိ" ထောင်ထားတဲ့ ဒေါ်သီတာဆိုတဲ့ မိန်းမနဲ့ကောင်မလေး ၇ ယောက်ကိုဖမ်းလာပါတယ်။ ကောင်မလေးတွေက ခပ်မိုက်မိုက်လေးတွေပါ၊ သူတို့ကကြေးကြီးပါတယ်၊ တော်ရုံလူတွေမကပ်နိုင်ပါဘူး၊ ဖွင့်ထားတဲ့ပုံစံကလည်း အတော်လေးကို လျှို့လျှို့ဝှက်ဝှက်လုပ်ထားတာပါ၊ အပြင်ကကြည့်ရင် export-import ရုံးခန်းလိုပြင်ဆင်ထားပါတယ်။ ကောင်မလေးတွေကို မြေတိုက်ခန်းထဲမှာထားတာပါ၊ ဧည့်သည်က လာမယ်ဆိုရင် ဖုန်းနဲ့အရင်ချိန်းရပါတယ်၊ ပြီးမှလက်ခံတွေ့ဆုံပါတယ်၊ ဧည့်သည်အသစ်ဆိုရင် ရင်းနှီးတဲ့ဧည့်ဟောင်းမပါရင် လက်မခံပါ ဘူး။ ကောင်မလေးနဲ့ ပေးမတွေ့ခင်မှာ ကောင်မလေးတွေရဲ့ဆေးစစ်ချက်ကို ပြပါတယ်။ ကျမတို့က ကောင်မလေးတွေကိုမေးကြည့်ပါ တယ် ဘယ်လိုဆေးစစ်ချက်ကို ပြတာလဲသိချင်လို့ပါ။ ကောင်မလေးတွေက "သူတို့ကိုဆရာဝန်နဲ့ မှန်မှန်ပြပြီး၊ ဆေးထိုးဆေးစားခိုင်း တယ်" တဲ့၊ ဒါနဲ့ကျမတို့ကဆက်ပြီး ကွန်ဒုံရောသုံးကြလားလို့ မေးတော့သူတို့က"သုံးတဲ့လူကသုံးပြီး မသုံးတဲ့လူတွေမသုံးကြဘူး" တဲ့။

ဒါပေမယ့် အဲဒီလိုအမှုနဲ့ ဖမ်းထားတဲ့လူတွေကို ရဲစခန်းမှာသွေးဖော်စစ်ပြီး ထောင်ကိုသွေးအဖြေ ထည့်ပေးလိုက်ပါတယ်။ အဲဒီသွေး အဖြေ အရမိန်းခလေး ၂ ယောက်မှာ H.I.V ပိုးကူးစက်နေပြီတဲ့၊ ထောင်ထဲမှာတော့ အဲ့ဒီသတင်းဟာ ပျံ့နှံ့နေပါတယ်၊ အစားအသောက် သေချာ စားသောက်နေထိုင် နေတာဆိုတော့ AIDS လက္ခဏာစုတွေ မပြသေးပါဘူး၊ သူလိုကိုယ်လိုသာမာန် လူတွေပါပဲ၊ ဘာပဲဖြစ်ဖြစ် ကာယံ ရှင် တွေလဲသူတို့ရဲ့ သွေးအဖြေကိုသူတို့ကြားမှာပါဘဲ၊ ဘယ်သူကမှတော့ သူတို့ကိုတရားဝင်သွေး အဖြေကိုပြောမပြကြပါဘူး။

ကျမတို့ကထောင်ဆေးမှူး အန်တီဖောကိုမေးကြည့်ပါတယ်။ ထောင်ထဲမှာပြန့်နှံနေတဲ့ သတင်း ကာယကံရှင်ကို တရားဝင်ပြောပြလားလို့ လေ၊ ဒီတော့အန်တီဖောက "ငါတို့က နှင့်သိမ့်ဆွေးနွေး ပညာပေးဋ္ဌာန မဟုတ်ဘူး၊ ဒီတော့ ပြောမနေနိုင်ဘူး" တဲ့၊ ကျမကပဲဆက်ပြီး တော့ "အခုလွတ်ရင် ဆေးမှတ်တမ်းပေးမှာလား" ဆိုတော့ အန်တီဖောကပဲ "ဌာနဆိုင်ရာလုပ်ငန်းအရပေးစရာ မလိုဘူး"၊ အေးမိုး က ထပ်ပြီး "တခြားလူတွေကူးကုန်ရင် ဘယ်လိုလုပ်မလဲ" လို့မေးပါတယ်၊ အဲဒီတော့ အန်တီဖောက "ဝါသနာပါတဲ့လူတွေခံပေါ့၊ ပိုက်ဆံ ပေးပြီး ရောဂါဝယ်တ ငါတော့မသနားပါဘူး" တဲ့။ တကယ်ကသူတို့ အတွေးတိမ်တာပါ ဒီကိစ္စဟာအမျိုးသားရေးပါ၊ ပိုက်ဆံပေးပြီး ရောဂါဝယ်တဲ့ လူတွေကြောင့် သူတို့ရဲ့အိမ်ရှင်မတွေကို ကူးစက်မယ်၊ အိမ်ရှင်မတွေကတဆင့် အပြစ်မရှိ၊ အပြစ်မသိသေးတဲ့ ကလေး တွေကိုကူးစက်မယ် အရှည်ကြီးစဉ်းစားကြရင် ဒီစကားကိုပြောမှာ မဟုတ်ပါဘူး။

ကောင်မလေးတွေက ၁ နှစ်ခွဲပဲကျတာဆိုတော့ သူတို့ပြန်လွတ်မယ့်ရက်မှာ ကျမတို့ကိုလာနှုတ်ဆက်ပါတယ်၊ ကျမတို့ကအခုဘယ်ကို ပြန်မလည်းလို့မေးတော့၊ သူတို့မာမီရဲ့ယောက်ျားက မန္တလေးမှာအိမ်းငှားထားပြီးပြီတဲ့၊ ရန်ကုန်မှာက အမှုကိစ္စဖြစ်သွားတော့ ဆက်နေ လို့ မကောင်းတော့လို့ မန္တလေးတက်ပြီး၊ လုပ်ငန်းခွင်အသစ်ပြန်စမယ်တဲ့၊ ဒါဆိုရင်အသစ်ဆိုပြီး ဈေးတောင်ပိုရသေးတယ်တဲ့၊ သူတို့ မာမီက ၇ နှစ်ကျတာဆိုတော့ ဘယ်သူထောင်ဝင်စာလာတွေ့မှာလဲလို့ မေးလိုက်မိသေးတယ်၊ မာမီကလူလည်မ သူ့သားသမီးတွေ ကိုတော့ သူ့ လုပ်ငန်းနဲ့ ပတ်သက်မခံဘဲနဲ့ သီးသန့်ထားထားတာ၊ သူ့သမီးအရင်းတွေ လာတွေ့လိမ့်မယ်တဲ့၊ ကျမတို့လည်း သက်ပြင်းချ ယုံမှတပါး အခြားမရှိတော့ပါ။

အခုစက်ဝိုင်းဟာ ပုံမှန်လည်ပတ်နေကြပါတယ်။ ဘယ်သူကမှကိုယ့်ရဲ့ ရောဂါရာဇဝင်ကို အမှန်ထုတ်မပြောသလို၊ တာဝန်ယူနေတဲ့လူ တွေလည်း ဘာမှထိထိရောက်ရောက် မလုပ်နိုင်ပါဘူး၊ ဒီအခြေအနေကို မရှင်းနိုင်သေးဘဲ ဘယ်လိုလုပ် H.I.V ဦးရေလျှော့နည်းလာမှာ လဲ။ ဝေဘာဂီကူးစက်ဆေးရုံမှာ ဆေးရုံအုပ်ကြီးလုပ်ခဲ့တဲ့ ကျမအဒေါ်ရဲ့အပြောအရ သူတို့ရဲ့စာရင်းဇယားဟာ ဆေးရုံကိုရောက်မလာတဲ့ လူတွေ၊ ဘာဖြစ်လို့ဖြစ်မှန်းမသိတဲ့ လူတွေအများကြီးရှိပါတယ်တဲ့။ ရပ်ကွက်တွေထဲမှာလည်း H.I.V နဲ့ သေဆုံးသူတွေကို မကြာခဏမြင် တွေ့နေရပါတယ်၊ များသောအားဖြင့် အလုပ်လုပ်နိုင်သေးတဲ့ အရွယ်တွေပါ၊ သူတို့ရဲ့ရောဂါဝေဒနာကြောင့် အိမ်မှာရှိတဲ့ မိသားစုလည်း ငွေကုန်ကြေးကျများပြီး ဒုက္ခရောက်ကြရပါတယ်။

ဆေးထိုးအပ်ကြောင့် H.I.V ပိုးကူးစက်ခံရတဲ့ ၁၇ နှစ်အရွယ်ကောင်းလေး အကြောင်းကိုလည်း ကျမအဒေါ်ပြောပြလို့ သိရပါတယ်။ ကောင်လေက ပညာတော်ပါတယ် ပခုက္ကူဘက်ကလာတာဖြစ်ပြီး၊ နိုင်ငံခြားပညာသင်ခွင့်ရလို့ ဆေးစစ်ဖို့အတွက် ရောက်လာတာပါ။ ကောင်လေးပုံစံက ရိုးရိုးအေးအေးနဲ့ အညာသားလေးမှန်းသိသာပါတယ် ဆေးလာစစ်တုန်းကတော့ သူ့ရဲ့အနာဂတ်အတွက် တက်ကြွ ပျော်ရွင်နေခဲ့ပါတယ်။ ဒါပေမယ့် ဆေးစစ်ချက်ကိုရတော့ မယုံနိုင်အောင်ပဲ သူ့ဘဝပြောင်းလဲသွားခဲ့ပါတယ်။ အဲဒါက သူ့မှာ H.I.V ပိုးကူး စက်ခံနေရပြီတဲ့၊ ကျမအဒေါ်လည်း အရမ်းစိတ်ဝင်စားသွားလို့ သူ့ရဲ့ကိစ္စကိုသူနဲ့ရော အုပ်ထိန်းသူတွေနဲ့ပါ သေချာဆွေးနွေးမေးမြန်းခဲ့ပါ တယ်။ တကယ်ကသူဟာ ဆေးထိုးအပ်ရဲ့သားကောင် ဖြစ်ခဲ့ရသူပါ၊ သူတို့ရွာလေးမှာ ဆရာဝန်မရှိပါဘူး၊ ဆရာဝန်ရှိတဲ့တိုက်နယ်ဆေးရုံ ကိုသွားမယ်ဆိုရင် ၃ မိုင်လောက်တော့သွားရပါတယ်။ ဒါပေမယ့်ရွာတွေမှာ သူတို့အခေါ်ဆေးထိုးဆရာ (ကွန်ပေါင်ဒါ) တွေရှိပါတယ်။ တော်ရုံတန်ရုံအသည်းအသန် မဟုတ်ရင် ဆေးရုံမသွားဘဲ ကွန်ပေါင်ဒါနဲ့ပဲ ကုသလေ့ရှိပါတယ်။ ကွန်ပေါင်ဒါကလည်း ဆေးထိုးပေး လိုက်တာပါပဲ၊ ဒီလိုနဲ့ ကျန်းမာရေးချူချာတဲ့ သားငယ်ဟာ ကွန်ပေါင်ဒါနဲ့ မကြာခဏဆေးထိုးရလေ့ရှိတယ်တဲ့၊ သူ့မိဘတွေက ပြော ပြတာပါ၊ ကောင်လေးကတော့ သူဘာကြောင့် H.I.V ကူးစက်ခံရတယ်ဆိုတာကို နားမလည်ပါဘူး။

ဆေးထိုးအပ်ကနေ H.I.V ပိုးကူးစက်ခြင်းကတော့ ဒုတိယအများဆုံးပါပဲ၊ အဲဒီအထဲမှာသွားဝေဒနာကို ကုသတဲ့ပစ္စည်းတွေ ပါဝင်ပါ တယ်၊ တတိယ တမျိုးကတော့ မများပေမယ့်ရှိနေပါတယ်၊ သွေးသွင်းကုသခြင်းကနေ ပိုးကူးစက်ခံရတာပါ၊ ကလေးဆေးရုံမှာ ကလေး ၁ ယောက်ကို ကျမ တွေ့ခဲ့ဘူးပါတယ်။ တကယ်တော့ ဒီကိစ္စတွေရဲ့အရင်းအဖြစ်ဟာ ဘာတွေလည်း၊ ဘာကြောင့်ဒီလောက် ပရမ်း ပတာဖြစ်နေရတာလဲ ကျမတို့နိုင်ငံရဲ့ အနာဂတ်ဟာ တောင်အာဖရိက နိုင်ငံတွေလို မဖြစ်ပါစေနဲ့လို့ ဆုတောင်းပေးရုံမှတပါး ....
ဘာမှမတတ်နိုင်ခဲ့ ပါ။

ခင်ငြိမ်းသစ်
Friday, December 18, 2009
မူရင်း (နေ့သစ်)

အန်အယ်ဒီ ခေါင်းဆောင်မှု ပြင်ဆင်ရေး တိုင်းရင်းသားများ ကြိုဆို

-မြင့်မောင်-

နယူးဒေလီ (မဇ္ဈိမ)။ ။ အမျိုးသား ဒီမိုကရေစီ အဖွဲ့ချုပ် ဗဟိုအလုပ် အမှုဆောင်အဖွဲ့ ပြင်ဆင်ဖွဲ့စည်းမည့် အပေါ် ပြည်တွင်းရှိ တိုင်းရင်းသားများနှင့် ဝါရင့်အဖွဲ့များက ကြိုဆို လိုက်ကြသည်။

အဖွဲ့ချုပ် အထွေထွေ အတွင်းရေးမှူး ဒေါ်အောင်ဆန်းစုကြည်နှင့် ဥက္ကဋ္ဌ ဦးအောင်ရွှေ၊ အတွင်းရေးမှူး ဦးလွင်၊ ဗဟိုအလုပ်အမှုဆောင် - CEC အဖွဲ့ဝင် ဦးလွန်းတင်တို့ ယမန်နေ့က တွေ့ဆုံပြီးနောက် CEC တိုးချဲ့ ပြင်ဆင်ဖွဲ့စည်းရန် သဘောတူညီခဲ့ကြသည်ကို ပြည်တွင်းရှိ ဝါရင့် နိုင်ငံရေးသမားကြီးများ အဖွဲ့နှင့် တိုင်းရင်းသား ခေါင်းဆောင်များက ကြိုဆိုလိုက်ခြင်း ဖြစ်သည်။

“ဦးအောင်ရွှေ၊ ဦးလွန်းတင်၊ ဦးလွင်ကို ဒေါ်စုက ပြောတဲ့ စကားကို လူကြီးတွေကလည်း ကြည်ကြည်ဖြူဖြူနဲ့ သဘောတူတယ်။ အဲဒီလို ပါတီ ပြင်ဆင်ဖွဲ့စည်းမယ် ဆိုတာက ကောင်းတဲ့ လက္ခဏပါပဲ။ အဲဒီ အခြေအနေမှာ ကြိုဆိုထောက်ခံပါတယ်။ ပါတီအတွက် လူငယ်တွေနဲ့ သွေးသစ် လောင်းသင့်တယ်။ တိုက်ပွဲက ဘယ်လောက် ကြာဦးမယ်ဆိုတာ မသိနိုင်သေးတဲ့အတွက် ပါတီ သွေးသစ်လောင်းဖို့ လုပ်တာက မှန်ကန်တယ်လို့ ယူဆပါတယ်” ဟု ဝါရင့် နိုင်ငံရေး သမားကြီး သခင်ချန်ထွန်းက မဇ္ဈိမကို ပြောသည်။

CRPP ခေါ် လွှတ်တော် ကိုယ်စားပြု ကော်မတီ အတွင်းရေးမှူး ဦးအေးသာအောင်က “ဥက္ကဋ္ဌ အပါအဝင် CEC အဖွဲ့ဝင် ၃ နဲ့ တွေ့တဲ့အခါကျတော့ သဘောတူညီမှု ရတာကို ကြိုဆိုပါတယ်။ လက်ရှိ CECတွေ အပါအဝင် နောက်ထပ် တိုးချဲ့ ဖွဲ့စည်းမယ်လို့တော့ ကြားတယ်။ ပထမအဆင့်အနေနဲ့ ကောင်းတဲ့ အလားအလာလိုတော့ ကျနော့်အနေနဲ့ မြင်ပါတယ်” ဟု ပြောသည်။

ZNC ခေါ် ဇိုမီးအမျိုးသား ကွန်ဂရက် ဥက္ကဋ္ဌ ပူကျင့်ရှင်းထန်ကလည်း “မြန်မာနိုင်ငံမှာ အင်အားအကောင်းဆုံး ပါတီကလည်း ဖြစ်တယ်။ သူတို့ ပါတီထဲမှာ အသက်ကြီးတဲ့ သူတွေ၊ အလုပ် မလုပ်နိုင်တဲ့သူတွေ အနားပေးပြီးတော့ လုပ်ဖို့ဆိုပြီး အမျိုးမျိုး ပြောပြဆိုကြတယ်။ အခုလို ဂါရဝပြုပြီးတော့ ဦးအောင်ရွှေ၊ ဦးလွန်းတင်၊ ဦးလွင် နေရာကို အစားထိုးဖို့ ဒေါ်စုက လုပ်တာကို ဟိုဘက်အားလုံး လက်ခံတယ်ဆိုတော့ ကောင်းတဲ့လက္ခဏာပါ။ အဖွဲ့တခုထဲ အတွက် မဟုတ်ဘဲနဲ့ ကျနော်တို့ နိုင်ငံတခုလုံးအတွက်ပါ မျက်နှာကို ထောက်တယ်၊ အပြုသဘော ဆောင်တယ်လို့ မြင်ပါတယ်” ဟု ပြောသည်။

ဒေါ်အောင်ဆန်းစုကြည်သည် သက်ရွယ်ကြီး ပါတီခေါင်းဆောင် ၃ ဦးကို ရန်ကုန်ရှိ အစိုးရ ဧည့်ဂေဟာ စိမ်းလဲ့ကန်သာ ဂေဟာတွင် ယမန်နေ့က တနာရီခန့်အကြာ တွေ့ဆုံပြီး CEC တိုးချဲ့ရေးကို အကြံပြု တောင်းဆိုခဲ့ရာ ခေါင်းဆောင်ကြီးများက သဘောတူခဲ့ကြသည်။

လက်ရှိ အဖွဲ့ချုပ် ဥက္ကဋ္ဌ ဦးအောင်ရွှေသည် အသက် ၉၂ နှစ်၊ CEC အဖွဲ့ဝင် ဦးလွန်းတင်သည် ၈၈ နှစ်နှင့် အတွင်းရေးမှူး ဦးလွင်မှာ ၈၅ နှစ်အရွယ် ရှိပြီဖြစ်သည်။

သခင်ချန်ထွန်းက “အသက်အရွယ်ကြီးပြီး ကျန်းမာရေးအရ ဦးဆောင်ဦးရွက် မပြုနိုင်တဲ့သူတွေ နားသင့်တယ်။ ဘာဖြစ်လို့လဲဆိုတော့ စိတ်သွားတိုင်း ကိုယ်မပါတော့တာကြောင့်မို့လို့ပါ။ သူတို့နေရာမှာ လုပ်နိုင်ကိုင်နိုင်တဲ့ သူတွေကို အားဖြည့်ပြီး၊ သူတို့က နောက်ကနေ အကြံဥာဏ်ပေးပြီး လုပ်သင့်တယ်” ဟု အကြံပြုပြောဆိုသည်။

ဦးအေးသာအောင်ကလည်း “နောက်တက်လာမယ့် လူငယ်တွေ၊ လုပ်ရည်ကိုင်ရည် ရှိတဲ့သူတွေနဲ့ တိုးချဲ့ပြီးတော့ ကျန်းမာရေး မကောင်းတဲ့သူ၊ ဒါမှမဟုတ် လုပ်ရည်ကိုင်ရည်ကျ သွားတဲ့သူတွေရဲ့ နေရာကို အစားထိုးပြီးတော့ လဲလှယ်တာက ပါတီတိုင်းမှာ လုပ်ရိုးလုပ်စဉ်တခုပါပဲ။ အဲဒီလို လုပ်ခြင်းအားဖြင့် မြန်မာပြည်အတွက်၊ ဒီမိုကရေစီရေအတွက် ကောင်းတဲ့ လုပ်ဆောင်ချက်တွေနဲ့အတူ အလုပ်လုပ်နိုင်တဲ့ ပါတီတခု ဖြစ်လာမယ့်လို့ ယုံကြည်ပါတယ်” ဟု ပြောသည်။

ပြီးခဲ့သည့်လ ၁၁ ရက်နေ့တွင် ဒေါ်အောင်ဆန်းစုကြည်က နိုင်ငံခြား ပိတ်ဆို့အရေးယူမှုများ ပယ်ဖျက်ရေးအတွက် စစ်တပ်အကြီးအကဲ ဗိုလ်ချုပ်မှူးကြီး သန်းရွှေနှင့် ပူးပေါင်း ဖြေရှင်းပေးမည်ဟု ကမ်းလှမ်းခဲ့သော စာထဲတွင် ပါတီ၏ CEC များနှင့် တွေ့ဆုံ ဂါရဝပြုခွင့်ကိုပါ တောင်းခံထားခဲ့ပြီးနောက် စစ်အစိုးရက ပါတီခေါင်းဆောင်များ တွေ့ဆုံပွဲကို စီစဉ်ပေးခဲ့ခြင်း ဖြစ်သည်။

အဖွဲ့ချုပ်၏ လက်ရှိ CEC တွင် ဦးအောင်ရွှေ (ဥက္ကဋ္ဌ)၊ ဦးတင်ဦး (ဒုဥက္ကဋ္ဌ)၊ ဒေါ်အောင်ဆန်းစုကြည် (အထွေထွေအတွင်းရေးမှူး)၊ ဦးလွင် (အတွင်းရေးမှူး) နှင့် အဖွဲ့ဝင်များမှာ ဦးဝင်းတင်၊ ဦးသန်းထွန်း၊ သခင်စိုးမြင့်၊ ဦးလှဖေ၊ ဦးလွန်းတင်၊ ဦးညွန့်ဝေ၊ ဦးခင်မောင်ဆွေတို့ ဖြစ်သည်။

(ရဲရင့်အောင် တည်းဖြတ်သည်။)

နောင်တ အဓိပါယ်ဖွင့်ဆိုချက်

နောင်တ = လုပ်သင့်သည်ကို မလုပ်မိ ၊ မလုပ်သင့်သည်ကိုလုပ်မိ၍ အချိန်လွန်မှပူပန်ရ ခြင်း ။
( မြန်မာစာ အဘိဓိဌာန် ကျမ်း မှ )

လှိုင်သာယာ စက်မှုဇုံ က အလုပ်သမားများ ဆန္ဒပြ နေပြီ

ကြာသပတေးနေ့ က  လှိုင်သာယာစက်မှုဇုံမှာ စက်မှုဇုံ ၃ မှ  အလုပ်သမား တရာကျော်  ဆန္ဒပြကြကြောင်းသိရပါတယ်။ ဆန္ဒပြတဲ့ရည်ရွယ်ချက်ကတော့ လုပ်ခနဲ့ လစာ မလောက်ငဲ့ခြင်း

လုပ်ငန်းခွင် အတွင်း ဖိနိပ်ချုပ်ချယ်မှုများကြောင်း ဆန္ဒပြ ကြခြင်းဖြစ်တယ်လို့ ဆိုတယ်။  ပြီးခဲ့တဲ့အပတ်က ဘိုကလေး မြို့ မှာလည်း ဆန္ဒုပြမှုများ စတင်ဖြစ်ပွားနေကြောင်းသိရပါတယ်။

အဖွဲ့ချုပ် ခေါင်းဆောင်ပိုင်း အပြောင်းအလဲအပေါ်ဗဟိုအလုပ်အမှုဆောင်ကော်မတီဝင် ဝါရင့်သတင်းစာဆရာကြီး ဦးဝင်းတင်ရဲ့ အမြင်

အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင်ကော်မတီဝင် ဝါရင့်သတင်းစာဆရာကြီး ဦးဝင်းတင်


အဖွဲ့ချုပ် ခေါင်းဆောင်ပိုင်း အပြောင်းအလဲအပေါ်ဗဟိုအလုပ်အမှုဆောင်ကော်မတီဝင် ဝါရင့်သတင်းစာဆရာကြီး ဦးဝင်းတင်ရဲ့ အမြင်

ဘီဘီစီ အင်တာဗျူး

ဒီဇင်ဘာ ၁၇၊ ၂၀၀၉

ဒေါ်အောင်ဆန်းစုကြည်ကတော့ အန်အယ်ဒီခေါင်းဆောင်ပိုင်းကို ပြန်လည်ပြင်ဆင် ဖွဲ့စည်းမယ်လို့ ပြောလိုက်ပါပြီ။ ခေါင်းဆောင်လူကြီးတွေကလည်း သဘောတူတယ်လို့ သိရပါပြီ။ ဒီကနေ့ကာလ အခြေအနေနဲ့ကိုက်ညီတဲ့ ပါတီ ခေါင်းဆောင်မှုကို ဘယ်လိုပုံစံမျိုး ဖွဲ့စည်းသင့်ပါသလဲ။ အန်အယ်ဒီပါတီ လက်ရှိ ဗဟိုအလုပ်အမှုဆောင်တဦးဖြစ်တဲ့ ဦးဝင်းတင်ကို ဘီဘီစီက ဆက်သွယ်ပြီး ဒေါ်အောင်ဆန်းစု ကြည် စတင်ပြောဆိုလာပြီဖြစ်တဲ့ ပါတီခေါင်းဆောင်မှု ပြောင်းလဲမယ့်ကိစ္စနဲ့ပတ်သက်ပြီး ဘယ်လိုသဘောထားရပါလဲလို့ မေးကြည့်တော့ …

ဦးဝင်းတင်။ ။ ဒီဟာက ဖြစ်လာရမယ့် ကိစ္စပဲလို့ ကျနော် ယူဆပါတယ်၊ ဘာဖြစ်လို့လဲဆိုတော့ ဒီပုဂ္ဂိုလ်ကြီးများလည်း ပါတီမှာ ထမ်းဆောင်လာခဲ့တာ နှစ်ပေါင်းကို ဆယ်စုနှစ်ကို ကျော်သွားပြီနော်၊ အသက်တွေလည်းကြီးလှပြီ၊ ကျန်းမာရေး တွေကလည်း ချို့တဲ့လာပြီ ဆိုတဲ့အခါကျတော့ ဘာပဲပြောပြော သူတို့က အနားယူရမယ့် အချိန်လည်းရောက်လာတယ်။ အဲဒီအခါကျတော့ စီအီးစီက တိုးချဲ့တယ်ပဲခေါ်ခေါ်၊ အားဖြည့်တယ်ပဲခေါ်ခေါ်၊ လုပ်ရတော့မယ့်ကိစ္စပဲဗျ။

ဘီဘီစီ။ ။ ဟုတ်ကဲ့ပါ။ ကျနော်တို့လေ့လာစုံစမ်းမိသလောက် အန်အယ်ဒီ လူလတ်ပိုင်းနဲ့ လူငယ်ပိုင်းတွေက ပါတီ ခေါင်းဆောင်မှုအပိုင်းကို စနစ်တကျ ရွေးကောက်တင်မြှောက်တဲ့ပုံစံနဲ့ သွားချင်တယ်ဆိုတဲ့သဘောမျိုးတွေ တွေ့ရပါတယ်။ အဲဒါရော တကယ်လက်တွေ့မှာ ဖြစ်လာနိုင်ပါ့မလား။ ဒေါ်အောင်ဆန်းစုကြည်နဲ့ ခေါင်းဆောင်တွေက အဲလိုမျိုးဖြစ်ဖို့ကို သဘောတူမယ်လို့ ထင်ပါသလားခင်ဗျ။

ဦးဝင်းတင်။ ။ ဟာ ထင်တာပေါ့ခင်ဗျာ။ ထင်တာပေါ့၊ ဘာဖြစ်လို့လည်းဆိုတော့ ကျနော်တို့အဖွဲ့အစည်းက နာမည်ကိုက အမျိုးသား ဒီမိုကရေစီအဖွဲ့ချုပ် ဗျ၊ ဒီမိုကရေစီအဖွဲ့အစည်း။ ကျနော်တို့က အာဏာရှင်အဖွဲ့အစည်း မဟုတ်ဘူး။ အဲဒါကြောင့် ဒီမိုကရေစီကျင့်ထုံးတွေ၊ ဒီမိုကရေစီလုပ်ရပ်တွေ၊ ဒီမိုကရေစီမျှော်မှန်းချက်တွေ ရည်မှန်းချက်တွေ၊ ဒီမိုကရေစီလုပ်ဟန်တွေကို ကျနော်တို့ မူအားဖြင့်တော့ အားလုံးလက်ခံမှာပဲဗျ။

နောက်တခုက ဒေါ်အောင်ဆန်းစုကြည်တို့၊ ဦးတင်ဦးတို့ စသည် ဒီခေါင်းဆောင်တွေရှိနေတဲ့ (အကျဉ်းကျနေတဲ့ခေါင်းဆောင်တွေပေါ့ဗျာ) ဒီခေါင်းဆောင်တွေထဲမှာ လည်း (ခေါင်းထဲမှာလည်း၊ ရင်ထဲမှာလည်း) ဒီမိုကရေစီရေးအတွက် လုပ်လာခဲ့သူတွေ။ ဒီလူတွေဟာ မနေ့တနေ့ကမှ တက်လာတဲ့လူတွေ၊ ကြားဖြတ်ပြီးတော့မှ ဝင်လာတဲ့ လုပ်တဲ့လူတွေ မဟုတ်ဘူး။ ၁၉၈၈ ဒီမိုကရေစီအရေးတော်ပုံကြီး ထဲကနေ ပေါက်ဖွားလာတဲ့ ခေါင်းဆောင်တွေဖြစ်တယ်။ ဆိုတော့ အဖွဲ့ချုပ်ကိုယ်တိုင်ကလည်း ဒီမိုကရေစီအရေးတော်ပုံကြီး ကနေ ပေါက်ဖွားလာတဲ့ အဖွဲ့အစည်းဖြစ်တယ်။ အဲဒီအခါကျတော့ ကျနော်တို့က ဒီမိုကရေစီနည်းဟန်တွေနဲ့ ပတ်သက်ပြီးတော့ တွန့်ဆုတ်ခြင်း ဘာဆိုဘာမှ မရှိဘူးလို့ ပြောနိုင်တယ်။

အဲ … တခုပဲရှိတယ်။ လူငယ်တွေ အင်အားသစ်တွေကနေပြီးတော့ မျှော်မှန်းနေတဲ့ ဒီမိုကရေစီနည်းကျတင်မြှောက်ခြင်း၊ ဒီမိုကရေစီနည်းကျရွေးချယ်ခြင်း ဆိုတာတွေက တခါတလေကျတော့ အခု ဗမာပြည်မှာ အနေအထားက ဘယ်လိုဖြစ်နေလဲဆိုတော့ ကျနော်တို့ကသာ ဒီမိုကရေစီ စိတ်ထားနေတာ၊ ဒီမိုကရေစီ ရှေးရှုနေတာ။ တိုင်းပြည်ရဲ့အနေအထားက ဒီမိုကရေစီနဲ့က ကျနော်ထင်တယ် တယူဇနာ မဟုတ်တောင်မှ အတော် ကွာကွာလှမ်းလှမ်းကို ရှိနေတယ်လို့ ကျနော်တို့ ပြောရမလိုဖြစ်နေတယ်။ ဘာဖြစ်လို့လဲဆိုတော့ ကျနော်တို့မှာ ဘာလွတ်လပ်ခွင့်မှမရှိဘူးဗျာ။

ဘာပဲပြောပြော ကျနော်တို့က အားနဲ့မာန်နဲ့၊ ခွန်အားနဲ့ စိတ်ဓာတ်နဲ့ တွန်းတွန်းတိုက်တိုက်ကလေး လုပ်မယ်ပေါ့ဗျာ။ ထားရာနေ စေရာသွားဆိုတဲ့ စိတ်မဟုတ်ဘဲနဲ့ လုပ်ကြမယ်ဆိုရင်တော့ ကျနော်ထင်တယ် အခုခင်ဗျားပြောခဲ့တဲ့ ခေါင်းဆောင်သစ် ဖော်ထုတ်ရေးတို့၊ အင်အားသစ်ဖော်ထုတ်ရေးတို့၊ လုပ်ငန်းသစ်များ ဖော်ထုတ်ရေးတို့ဆိုတာတွေဟာ တနည်းမဟုတ်တနည်း အနှေးနဲ့အမြန် ပေါ်လာမှာပဲလို့ ကျနော်ကတော့ အဲဒီလိုယုံကြည်ပါတယ်ဗျာ။

ဒီဇင်ဘာလ ၁၆ ရက် ၂၀၀၉ ခုနှစ်၊ ဘီဘီစီ(မြန်မာပိုင်း) ညပိုင်းအစီအစဉ်မှ ကောက်နုတ်ဖော်ပြပါတယ်။

ဂျူး - ကျမတော်တော်ညံ့ခဲ့ပါတယ်

Wednesday, December 9, 2009
ကျမတော်တော်ညံ့ခဲ့ပါတယ်
ဟောပြောသူ- ဂျူး

ကြွရောက်လာကြတဲ့ ပါမောက္ခများ၊ ဆရာ ဆရာမများ၊ စာပေ၀ါသနာရှင်များ၊ ကျောင်းသူကျောင်းသား များကို အခုလို မျက်နှာချင်းဆိုင်ပြီးတော့ ရင်းနှီးစွာ စကားပြောခွင့်ရတဲ့အတွက် အထူးပဲ ကျေးဇူးတင် ၀မ်းမြောက်တယ်ဆိုတာ ပထမဦးစွာ ပြောကြားလိုပါတယ်။ (သြဘာသံများ)


ဒီကနေ့ည ကျမ ဟောပြောဖို့ ရွေးချယ်ထားတဲ့ခေါင်းစဉ်က 'ကျမ တော်တော်ညံ့ခဲ့ပါတယ်' ဆိုတဲ့ ခေါင်းစဉ် ဖြစ်ပါတယ်။ ဒီခေါင်းစဉ်ကို ကြားလိုက်ရတဲ့အခါမှာ ဒီစာပေဟောပြောပွဲကို တကူးတကန့် လာရောက်နားထောင်လိုတဲ့ ပရိသတ်အနေနဲ့ အံ့သြချင် အံ့သြမိမယ်။ စိတ်ပျက်လက်ပျက် ရီမိချင် ရီမိလိမ့်မယ်။ ဒီစာပေဟောပြောပွဲကို လာပြီးတော့ နားထောင်တာဟာ နင်တို့တွေ၊ ခင်ဗျားတို့တွေဆီက တော်တာတွေများ ကြားရမလား၊ အဲဒီမျှော်လင့်ချက်ကလေးနဲ့ လာပြီးနားထောင်တာ၊ ညံ့တာတွေတော့ ငါတို့ မကြားချင်ဘူး၊ စိတ်ပျက်လက်ပျက် ရီမိချင် ရီမိလိမ့်မယ်။ ကျမကလဲ ကျမ သိတ်တော်တဲ့အကြောင်းကို ပြောပြချင်ပါတယ်။ ဒါပေမယ့် ကံဆိုးချင်တော့ ကျမဟာ ဘ၀မှာ တခါမှ မတော်ခဲ့ဘူးသေးပါဘူး။ (အော်ဟစ်သံများ)

ဒီတော့ ကျမ ပြန်ကြည့်လိုက်တဲ့အခါမှာ ကိုယ့်ကိုယ်ကို ညံ့နေတာပဲတွေ့တော့ ကျမရဲ့ ပရိသတ်ရှေ့မှာ ကျမညံ့တဲ့အကြောင်းကိုပဲ ၀န်ခံတာဟာ ရိုးသားမှု အရှိဆုံး ဖြစ်လိမ့်မယ်လို့ ကျမ တွေးပါတယ်။ အဲ့ဒါကြောင့် အခုလို စင်မြင့်ပေါ် တက်လာပြီး တော့ ကျမညံ့တဲ့အကြောင်းတွေ ပြောရတာ ကျမ အများကြီး ၀မ်းလဲနည်းမိပါတယ်။ (လက်ခုပ်သံများ) ဒါပေမယ့် မတတ်နိုင်ပါဘူး၊ ကျမ ညံ့တဲ့အကြောင်းကတော့ ပြောရမှာပဲ။
ကျမကတော့ ညံ့တဲ့အကြောင်းတခုပဲ ပြောစရာ ရှိလို့ပါ။ ဒီတော့ အဲဒီလို စိတ်ပျက်နေတဲ့သူ၊ ဒေါသထွက် နေတဲ့ သူတွေအတွက် ကျမ အကြံကောင်းလေးတခုတော့ ပေးနိုင်ပါတယ်။ တော်တာတွေကို မြင်ချင် ကြားချင်ရင်တော့ စာပေဟောပြောပွဲကို လာစရာမလိုပါဘူး။ တော်တာတွေကို မြင်ချင်ကြားချင် ဂုဏ်ယူချင်တယ် ဆိုရင် မြန်မာ့ရုပ်မြင်သံကြားကို ကြည့်ကြပါ။ (အော်ဟစ် လက်ခုပ်သံများ) အခုအချိန်က စပြီးတော့ 'ဂျူး' ရဲ့ ညံ့ဖျင်းမှုတွေကို ၀န်ခံပါတော့မယ်ရှင်။

ကျမဟာ အများသိကြတဲ့အတိုင်း ဆရာဝန် စာရေးဆရာ ဖြစ်ပါတယ်။ (အော်ဟစ်သံများ) ကြွားတာ မဟုတ်ပါဘူး။ အဲ့ဒီတော့ ဆရာဝန်အလုပ်လဲ တပြိုင်နက်လုပ်တယ်။ စာရေးတဲ့အလုပ် လဲ တပြိုင်နက်လုပ်တယ် ဆိုတော့ ဘယ်အလုပ်မှာများ ကျမ ညံ့ပါသလဲလို့ မေးခဲ့ရင် ကျမ ဖြေချင်လို့ပါ။ ကျမဟာ အလုပ်နှစ်မျိုးစလုံးမှာ ညံ့ဖျင်းပါတယ်။ အဲ့ဒီတော့ ကျမ ညံ့ခဲ့တဲ့အကြောင်းတွေကို ပြောပြပါမယ်။ ကျမဟာ ငယ်ငယ်ကလေးကတည်းက ညံ့ပါတယ်။ ကျမ ငယ်ငယ်တုန်းက မြန်မာနိုင်ငံအကြောင်း ပထ၀ီဝင်ဘာသာမှာ သင်ရသော်လဲ မြန်မာနိုင်ငံရဲ့ စီးပွါးရေးအမြင် ဘာမှ မရှိခဲ့ပါဘူး။ (လက်ခုပ်သံများ) ကျမ တတိယတန်းအရွယ် လောက်မှာ မြန်မာ့ ပထ၀ီဝင်ဘာာသာကို သင်ရပါတယ်။ အဲ့ဒီမှာ မြန်မာနိုင်ငံရဲ့ သံယံဇာတတွေအကြောင်း စာသင်ရပါတယ်။ မြန်မာနိုင်ငံဟာ သယံဇာတ အလွန်ပေါများကြွယ်ဝတဲ့ နိုင်ငံဖြစ်ပါတယ်။ ဆန်စပါးတွေ ထွက်တယ်။ ကျွန်းသစ်တွေ ထွက်တယ်။ ရေနံတွေလဲ ထွက်ပါတယ်။ ရေနံထွက်တာလဲ ကျမ မျက်မြင်ကိုယ်တွေ့ ပါပဲ။ ကျမက ရေနံချောင်းသူ ဖြစ်ပါတယ်။

ရေနံချောင်းသူဆိုတော့ ကျမတို့ ရေနံမြေကနေ ဖြတ်သွားတဲ့အခါမှာ ရေနံတူးစင်ကြီးနဲ့ ရေနံတူးနေတာ တွေ၊ တူးပြီးသား ရေနံတွင်းတွေကနေ ပိုက်လုံးတွေနဲ့ မောင်းတံတွေနဲ့ စုပ်ယူပြီးတော့ ရေနံလှောင်ကန်ထဲ ထည့်နေတာတွေ ကျမ မျက်မြင်ကိုယ်တွေပါပဲ။ အဲ့ဒီ ရေနံလှောင်ကန်တွေထဲက များပြားလှတဲ့ ရေနံတွေ ဘယ်ရောက်သွားလဲဆိုတာတော့ ကျမက မမြင်ရဘူးပေါ့။ (လက်ခုပ်သံများ) ကျမ မြင်ရတာက ရေနံလှောင်ကန်ပဲ မြင်ရတာကိုး။ အဲ့ဒီတော့ အဲ့ဒါ ရေနံနဲ့ ပါတ်သက်တဲ့ အပိုင်းပါ။ နောက်ထပ် သံယံဇာတတွေ အများကြီး ထွက်တယ်လို့ သိရပါတယ်။ ဥပမာ တွင်းထွက်ပစ္စည်းတွေ၊ ကျောက်မီးသွေးလဲ ထွက်ပါတယ်။ ပတ္တမြား၊ နီလာ၊ ရွှေ၊ ရွှေကြောကြီးတွေလဲ မြန်မာနိုင်ငံမှာ အများကြီး ရှိပါတယ်။ ဒီတော့ ဒီ ရွှေ၊ ငွေ၊ ကျောက်သံပတ္တမြားတွေ အပြင် ကျောက်မီးသွေး၊ ခဲမဖြူတို့၊ အဖြိုက်နက်တို့ မြန်မာနိုင်ငံမှာ မထွက်တဲ့ တွင်းထွက်ဆိုတာ မရှိသလောက် အများကြီး ထွက်ခဲ့ပါတယ်။ နောက်ပြီးတော့ မြန်မာ့ပိုင်နက် ပင်လယ်ရေပြင်ဆိုတာ အများကြီး ရှိပါတယ်။ ပင်လယ်ပြင်ကထွက်တဲ့ ငါးပုစွန်တွေဟာ မြန်မာပြည်သူလူထု စားသုံးလို့တောင် မကုန်တဲ့အတွက် စည်သွတ်ဗူး တွေနဲ့ ဒါမှမဟုတ် ရေခဲရိုက်ပြီးတော့ နိုင်ငံခြားကိုတောင် တင်ပို့ရောင်းချလို့ ရပါတယ်တဲ့။ ဒီတော့ တတိယတန်း ကျောင်းသူ ကျမဟာ ကျမနိုင်ငံကို ကျမ တော်တော် ဂုဏ်ယူခဲ့ပါတယ်။ (လက်ခုပ်သံများ) သယံဇာတတွေ သိပ်များတာပဲပေါ့။ ဒါပေမယ့် တနေ့ကျတော့ ကျမက ကျောင်းစာအပြင် တခြားပြင်ပမဂ္ဂဇင်းတခုကို သွားဖတ်မိပါတယ်။ သွားဖတ်တော့ အဲဒီအချိန်မှာ ကျမ စာတော့ ဟုတ်တိပတ်တိ မဖတ်ဖူးသေးပါဘူး။ ဒါပေမယ့် ဆောင်းပါးတို့ ပုံပြင်တို့ဆိုရင် တကြောင်းစ နှစ်ကြောင်းစ ဖတ်တတ်နေပါပြီ။ အဲ့ဒီမှာ ကံဆိုးစွာနဲ့ စာကြောင်းလေးတကြောင်း သွားတွေ့ပါတယ်။ အဲ့ဒီ စာကြောင်းလေးကို ကျမ အခုထိ မမေ့နိုင်သေးပါဘူး။'မြန်မာနိုင်ငံသည် ကမ္ဘာ့အဆင်းရဲဆုံး နိုင်ငံများတွင် တတိယမြောက် လိုက်ပါသည်တဲ့'။ (အော်ဟစ်သံများ၊ လက်ခုပ်သံများ)

အဲ့ဒီတော့ ကျမက ပထ၀ီ သင်ခါစ တတိယတန်းကျောင်းသူ အမြင်နဲ့ဆိုတော့ ကျမ ဒီလိုပဲ မြင်တာပေါ့။ တကယ်တမ်းတော့ နိုင်ငံတခု တိုးတက်ကြီးပွါးဖို့ သယံဇာတ ထွက်ရုံနဲ့တင် မလုံလောက်ပါဘူး။ (လက်ခုပ်သံများ) ဒါ ကျမရဲ့ အပြောမဟုတ် ပါဘူး။ ကမ္ဘာ့စီးပွါးရေး ပညာရှင်တွေပြောတဲ့ အပြောပါ။ သူတို့က ဘယ်လိုပြောသလဲဆိုတော့ နိုင်ငံတခု တိုးတက်ကြီးပွါးဖို့ အချက်ကြီး (၄)ချက် လိုပါတယ်တဲ့။ သယံဇာတ၊ သဘာဝသယံဇာတ (Natural Resource) လို့ခေါ်တဲ့ သဘာဝသယံဇာတတွေ ပေါများဖို့တဲ့။ နံပါတ် (၂)ကတော့ အစဉ်အဆက်က ကြီးပွါးခဲ့တဲ့၊ အစဉ်အဆက်က ရှိခဲ့တဲ့ အရင်းအနှီး၊ နံပါတ် (၃) က Technology လို့ခေါ်တဲ့ နည်းပညာအသစ်အဆန်းတွေ၊ နံပါတ် (၄) ကတော့ အဲ့ဒီနည်းပညာကို ကျွမ်းကျင်သူတွေ၊ အဲဒီ လေးမျိုးလုံး ရှိတဲ့ နိုင်ငံဟာ (သို့မဟုတ်) လေးမျိုးမှာ သုံးမျိုးလောက် ရှိတဲ့နိုင်ငံဟာ အဲ့ဒီ နိုင်ငံဟာ ချမ်းသာပါတယ်တဲ့။

အဲ့ဒီတော့ ကျမတို့ မြန်မာနိုင်ငံက (၁) သယံဇာတတွေတော့ ပေါများကြွယ်ဝပါတယ်။ နောက် နံပါတ် (၂) (၃) (၄) ရှိ မရှိတော့ ကျမ မသိပါဘူး။ (လက်ခုပ်သံများ) အဲ့ဒီတော့ ကျမ ညံ့တဲ့အကြောင်းက အဲ့ဒီက စ ပါတယ်။ နောက်ထပ် ကျမ ညံ့တဲ့အကြောင်းကို ပြောရရင်တော့မြန်မာနိုင်ငံရဲ့ နိုင်ငံရေးနဲ့ ပတ်သက်လို့ ကျမ ညံ့တာပါ။ နိုင်ငံရေးအမြင် ဘာမှ မရှိခဲ့တဲ့ ကျောင်းသူတယောက်အကြောင်း ကျမ ပြန်ပြောပါမယ်။ စတုတ္ထတန်း (ဒါမှမဟုတ်) ပဉ္စမတန်း အရွယ် လောက် ကလေးဘ၀မှာ ကျမတို့ နိုင်ငံမှာ အရေးအခင်းတခု ဖြစ်ခဲ့ပါတယ်။ အဲ့ဒီ အရေးအခင်းမှာ မြို့ကြီးတွေ၊ ရန်ကုန်၊ မန္တလေးတွေကနေ ပြီးတော့ စတင် ဖြစ်ပွါးခဲ့ပြီးတော့ ကျမတို့ဆီကို တဖြည်းဖြည်းနဲ့ ပျံ့နှံ့လာခဲ့ပါတယ်။ အဲ့ဒီ အရေးအခင်းကတော့ တရုတ်-ဗမာ အရေးအခင်းပါ။ တရုတ်တွေနဲ့ ဗမာတွေ ချကုန်ပြီးလို့ (ရီသံများ) ကျမတို့ ကြားရပါတယ်။

ကျမတို့ ရေနံချောင်းမှာ တရုတ်လူမျိုးတွေ အများကြီး ရှိပါတယ်။ ကျမတို့ ရေနံချောင်းက တရုတ်လူမျိုးတွေနဲ့ ဗမာလူမျိုးတွေတော့ မချကြပါဘူး။ ကျမတို့ အချင်းချင်းတော့ ခင်ခင်မင်မင်ပါပဲ။ ကျမတို့ ကျောင်းမှာ အတန်းထဲမှာ ကျမတို့နဲ့ စာပြိုင်ဖက် တရုတ်မလေး ၃ - ၄ ယောက် ရှိပါတယ်။ သူတို့နဲ့ ကျမတို့လဲ စာမေးဖော် မေးဖက် ရင်းရင်းနှီးနှီး ခင်ခင်မင်မင်ပါပဲ။ ဒါပေမယ့် မြန်မာနိုင်ငံမှာတော့ တရုတ်-ဗမာ အရေးအခင်း ဖြစ်နေပြီလို့ သိရပါတယ်။ ဒီတော့ ကျမတို့လဲ လက်ခံလိုက်ရုံပဲပေါ့။ တရုတ်တွေနဲ့ ဗမာတွေ ချကုန်ပြီ၊ ဒီလောက်ပဲ သဘောထားလိုက်ပါတယ်။ တရက်တော့ ကျမတို့ ကျောင်းတက်နေတဲ့အချိန်မှာ ဆရာမက ကျမတို့ကို ပြောပါတယ်။ တို့တတွေ မနက်ဖန် ရောက်လို့ရှိရင် ဒီမြို့ရဲ့ လမ်းတွေပေါ်မှာ ကျောင်းသားတွေ အားလုံးတန်းစီ လမ်းတလျှောက် ချီတက်ရမယ်တဲ့ (လက်ခုပ်သံများ) အဲဒီတော့ ကျမက ကျောင်းစာသင်တဲ့အချိန်မှာ အပြင်ထွက် ရမယ်ဆိုတော့ သိပ်ပျော်သွားပါတယ်။ (ရီသံများ) အဲ့ဒါနဲ့ပဲ ကျမတို့ တက်တက်ကြွကြွနဲ့ပဲ လိုက်ဖို့ စီစဉ်ပါတယ်။ ဆရာမက ပြောတယ်။ နင်တို့အားလုံး စည်းကမ်းရှိရှိ သေသေ၀ပ်ဝပ် ချီတက်ရမယ်နော်တဲ့။ နှစ်ယောက်တတွဲ တွဲလို့ရတယ်။ နင်တို့ ကြိုက်တဲ့လူနဲ့ နင်တို့ တွဲကြပါတဲ့။ အဲ့ဒါနဲ့ ကျမကလဲ ကျမရဲ့ လက်တွဲဖော်အဖြစ် တရုတ်မလေးကို ရွေးလိုက်ပါတယ်။ ကျမနဲ့ ကျမသူငယ်ချင်း တရုတ်မလေးဟာ တရုတ်ဗမာအရေးအခင်း မှန်ကန်ကြောင်း ထောက်ခံဖို့ မြို့ထဲမှာ ချီတက်လမ်းလျှောက်ခဲ့ပါတယ်။ (ရီသံများ လက်ခုပ်သံများ) အဲ့ဒီတော့ ကျမတို့က ၂ ယောက်တတွဲ လမ်းလျှောက် လမ်းတွေပေါ်မှာ ချီတက်ကြတယ်။ ရိုးရိုးတန်းတန်း ချီတက်ကြတာ မဟုတ်ဘူး။ ရှေ့က တယောက်က စာရွက်တွေနဲ့ တိုင်ပေးတယ်။ ကျမတို့က နောက်ကနေပြီး လိုက်အော်ရတယ်။ လိုက်အော်တော့လဲ တို့အရေး၊ တို့အရေး ပေါ့။ ရှေ့က ဘာအောသလဲတော့ ကျမတို့ ကောင်းကောင်း မကြားရဘူး။ (ရီသံများ) အဲ့ဒီလိုနဲ့ ရှေ့ကတယောက်က တိုင်ပေးလိုက်၊ ဘာမှမသိပဲ နောက်က တို့အရေး အော်လိုက်၊ အော်ရင်းနဲ့ပဲ လမ်းတကာကို ရောက်ခဲ့ပါတယ်။ အဲ့ဒီမှာ ကျမတို့ ကျောင်းသားတွေကို လမ်းလျှောက်ရတာ၊ အော်ရတာ မောရင် ရေသောက်ရအောင်၊ အအေးသောက်ရအောင် ဆိုပြီးတော့ အိမ်တွေကနေပြီး အိမ်ရှေ့မှာ စာပွဲလေးတွေ ခင်းပြီးတော့ ကျမတို့ကို အစားအစာတွေ ကျွေးမွေးပါတယ်။ ကျမတို့လဲ အလကားရတာမှန်သမျှ အကုန်စားပါတယ်။ (ရီသံများ) အကျင့်က ပါနေတာကိုး (ရီသံများ)
ဗမာက ကျွေးကျွေး၊ တရုတ်က ကျွေးကျွေး အကုန်စားပါတယ်။ (ရီသံများ) ဒီလိုနဲ့ပဲ နည်းနည်း နေမြင့်လာတဲ့အခါမှာ ကျမတို့ ကျောင်းကို ပြန်ရပါတယ်။ ကျောင်းရှေ့မှာ အင်မတန် ကျယ်ဝန်းတဲ့ မြေတလင်းပြင်ကြီး ရှိပါတယ်။ အဲ့ဒီမှာ အားလုံးစုရုံးပြီးတော့ အတန်းလိုက် အတန်းလိုက် ကိုယ့်လူစုနဲ့ကိုယ် စုရုံးကြပါတယ်။

အဲဒီမှာ ကျမတို့ ဆရာမက ဘာပြောလဲဆိုတော့၊ အော်... ကျမ မေ့နေလို့၊ ကျမတို့ လမ်းလျှောက်တဲ့ အခါမှာ ဒီအတိုင်း လက်လွတ်လျှောက်ရတာ မဟုတ်ဘူး။ 'ခေါင်း' ကြီးတွေကို ကြိုးနဲ့ ဆွဲပြီးတော့ ဒီ ခေါင်းကြီးတွေကတော့ ကျမတို့ ကျောင်းသားလေးတွေ ဆွဲနိုင်အောင်ပါ။ စက္ကူတွေနဲ့လဲ ခေါင်းပုံစံ ဖြစ်အောင် ရေးထားပါတယ်။ အဲ့ဒီထဲမှာလဲ ကျမတို့ မျက်စိရှေ့မှာ စက္ကူစုတ်တွေ ထည့်ထားတာ မြင်ရပါတယ်။ ဒါပေမယ့် အဲ့ဒီ စက္ကူစုတ်တွေကို ကျမတို့က စက္ကူစုတ်တွေလို့ မမှတ်ရဘူးတဲ့။ အဲဒီအထဲမှာ အလောင်းတွေ ပါတယ်လို့ မှတ်ရမယ်တဲ့။ အဲ့ဒီမှာမှ ကျမ ပထမဦးဆုံး နံမည်တခုကို ကြားဖူးပါတယ်။ အဲ့ဒီနာမည်ကတော့ မော်စီတုန်းတဲ့။ မော်စီတုန်းဆိုတဲ့နာမည်ကို အဲဒီအချိန်မှာမှ ပထမဦးဆုံး ကြားဖူးတာပါ။ မော်စီတုန်း ကျဆုံးပါစေ ပေါ့။ အဲ့ဒီလို ဆိုတယ်လို့ ကျမ ထင်ပါတယ်။ ဒီလိုနဲ့ ကျောင်းရှေ့ကို ပြန်ရောက်တော့ ကျမတို့ ဆရာမက အဲဒီ ခေါင်းကြီးကို မီးရှို့ရမယ်လို့ ပြောတယ်။ ဒီတော့ ကျမက သူများအော်ရင်သာ နောက်ကနေ တို့အရေး လိုက်အော်ရဲတာ။ ကျမကတော့ မီးရှို့ဖိုတော့ ကြောက်ပါတယ်။ ကြောက်တော့ ကျမက နောက်ဆုတ်တယ်။ အဲ့ဒီအချိန်မှာ ဆရာမက ကျမကို ရှေ့ထွက်ခိုင်းတယ်။ ကျမက အတန်းရဲ့ မော်နီတာ ဖြစ်ပါတယ်။ (ရီသံများ)

"တင်တင်ဝင်း နင်ရှေ့ထွက် နင်မီးရှို့ ရမယ်" လို့ ပြောတယ်။ အဲ့ဒီတော့ ကျမက မရှို့ရဲဘူးဆိုပြီး နောက်ကို ကပ်တယ်။ အဲဒီတော့ ကျမတို့ နှစ်ယောက်ရဲ့ အဖြစ်အပျက်ကို မကြည့်ရက်တဲ့ နည်းနည်းအသက်ကြီးတဲ့ ကျောင်းသူတယောက်က ကျမတို့နှစ်ယောက် ကိုယ်စား ဖြေရှင်းပေးလိုက်ပါတယ်။ သူပဲ ဆက်ပြီးတော့ မီးရှို့တယ်။ (ရီသံများ) ကျမဟာ ဒီလို နိုင်ငံရေးမရှိအောင် ညံ့တယ်ဆိုတာ ကျမ ၀န်ခံပါတယ်။ ဒါ ကျမရဲ့ စီးပွါးရေး ညံ့ဖျင်မှု၊ နိုင်ငံရေး ညံ့ဖျင်းမှုပါ။ ဒါပေမယ့် အဲဒီလိုသာ ညံ့တယ်။ ကျမက ဘာဖြစ်ချင်သလဲဆိုတော့ ကျမဘ၀မှာ အဖြစ်ချင်ဆုံး ဆန္ဒတခုက စာရေးဆရာ ဘ၀တခုပါပဲ။ စတုတ္ထတန်းအရွယ် ကတည်းက ကျမဟာ စာရေးဆရာတယောက် ဖြစ်ချင်ခဲ့ပါတယ်။ စာရေးဆရာဖြစ်ဖို့ ကျမကို တွန်းအားပေးတဲ့ အချက်တွေ အများကြီး ရှိပါတယ်။ အဲဒါကတော့ ကျမ ဖတ်ခဲ့တဲ့ စာအုပ်တွေပါပဲ။ ကျမဟာ ကျောင်းစာက လွဲပြီးတော့ အပြင်ဘက်စာပေတွေကို မဂ္ဂဇင်းတွေကို အများ ဖတ်ခဲ့ ပါတယ်။ ကျောင်းစာထက် ပိုပြီးတော့ ဖတ်ခဲ့ပါတယ်။ အဲ့ဒီတော့ ကျမ မှတ်မိသလောက်ပေါ့၊ ကျမ ဖတ်ခဲ့တဲ့ စာအုပ်တွေဟာ အများကြီးပါပဲ။ စာရေးဆရာကြီး တက္ကသိုလ်ဘုန်းနိုင်၊ စာရေးဆရာကြီး ဓူဝံ၊ ဆရာမကြီး ဒေါ်ခင်နှင်းယု၊ ဂျာနယ်ကျော်မမလေး၊ သူတို့ စာအုပ်တွေကို ကျမ ဖတ်ပါတယ်။ အဲ့ဒီမှာ ကျမဘ၀မှာ ပထမဦးဆုံး ဖတ်ဖူးတဲ့ စာအုပ်တအုပ်ကို အခုထိ မှတ်မိပါတယ်။ ဒါဟာ ကျမအတွက် ပထမဦးဆုံး ၀တ္ထုပါ။ အဲ့ဒါကတော့ စာရေးဆရာကြီးဓူဝံရဲ့ 'မာလာ' လို့ အမည်ရတဲ့ ၀တ္ထု ဖြစ်ပါတယ်။ 'မာလာ' ဟာ လက်သုံးလုံးလောက် ထူတဲ့ စာအုပ်ကြီးတအုပ်ပါ။ သူ့ အဲ့ဒီစာအုပ်ကို ကျမရဲ့ ကျမကိုယ်ပိုင်အမြင်နဲ့ ဖတ်ခဲ့တာတော့ မဟုတ်ပါဘူး။ အဲ့ဒီအချိန်တုန်းက ကျမက ကာတွန်းတွေပဲ ဖတ်ပါတယ်။ ကာတွန်းတောင်မှ ထူရင် မဖတ်ပါဘူး။ ခပ်ပါးပါးပဲ ဖတ်ပါတယ်။ တရက်ကျတော့ ကျမ စတုတ္ထတန်း စာမေးပွဲအပြီး ကျောင်းအားတဲ့ အချိန်မှာ ကျမ မေမေက စာအုပ်တအုပ် ယူလာပေးပါတယ်။

"သမီး ဒီဝတ္ထုကို ဖတ်စမ်း" လို့ ကျမကို ပြောပါတယ်။ အဲ့ဒီဝတ္ထုက 'မာလာ' ၀တ္ထုပါ။ ကျမက စာအုပ်ကြီးကို ကြည့်ပြီးတော့ လန့်သွားတယ်။ "အား စာအုပ်ကြီးက အထူကြီးပါလားမေမေ" လို့ ပြောတော့ "အေး ထူတော့ ထူတယ်၊ ဒါပေမယ့် သမီး စိတ်ဝင်စားမှာပါ" တဲ့။ သမီးတို့ မောင်နှမတွေဟာ စကားပြောရင် အင်မတန် ရိုင်းတယ်တဲ့။ ကိုကိုရယ်၊ ညီမလေးရယ် ဘယ်တော့မှ စကားမပြောဘူး၊ မောင်နှမအချင်းချင်း အကြီးနဲ့အငယ်ကို နင်, ငါ သုံးတယ်တဲ့။ အဲ့ဒါ မကောင်းဘူးတဲ့၊ ဒီတော့ သမီး ဒီစာအုပ်ကို ဖတ်တဲ့အခါမှာ ဖတ်ပြီးသွားရင် သမီး ယဉ်ကျေးသိမ်မွေ့လာလိမ့်မယ်။ ဒီစာအုပ်ထဲမှာ လူတွေဟာ စကားပြောရင် သိပ်ယဉ်ကျေးတာပဲတဲ့။ ဖတ်ကြည့်ပါတဲ့။ အဲ့ဒီတော့ ကျမကလဲ မေမေက ဖတ်ခိုင်းတယ်ဆိုရင် ငါဖတ်ဖို့ သင့်တာပေါ့။ ကိုယ့်ဖာသာကိုယ် တွေးပြီးတော့ မေ့မေ့ရှေ့မှာပဲ အဲ့ဒီစာအုပ်ကို ကျမ ဖွင့်ဖတ် လိုက်ပါတယ်။ စ ဖွင့်ဖွင့်ချင်းပဲ အဲ့ဒီစာအုပ်ကို ကျမ စိတ်ဝင်စားသွားတယ်။ သူက အခန်း(၁) အဖွင့်မှာ အကျဉ်းထောင်တခုရဲ့ မြင်ကွင်းနဲ့ စထားပါတယ်။ အဲ့ဒီ အကျဉ်းထောင်ထဲမှာ၊ အချုပ်ခန်းထဲမှာ၊ သံတိုင်တွေနောက်မှာ အကျဉ်းသား ၁၀ ယောက် အကျဉ်းကျ နေပါတယ်။ သူတို့ကတော့ တိုင်းပြည်ကို တော်လှန်ပုန်ကန်လို့ ချုပ်ထားတဲ့ အကျဉ်းသား တွေပါ။ တယောက်က ခေါင်းဆောင်၊ အဲ့ဒီခေါင်းဆောင်နာမည်က ဗိုလ်နန္ဒလို့ ခေါ်ပါတယ်။ သူ့ရဲ့ နောက်ပါက ၉ ယောက် ရှိပါတယ်။ သူတို့ ၁၀ ယောက်ကို ဒီကနေ့ ညနေ နေကွယ်လို့ ရှိရင် လည်ပင်းကို ကြိုးကွင်းစွပ်ပြီး၊ မသေမချင်း ကြိုးပေးသတ်ခံရဖို့ ဘုရင်က အမိန့် ချပြီးသားပါ။ ဒီတော့ သူတို့ အားလုံးဟာ ဒီကနေ့ ညနေမှာ သေမယ်ဆိုတာ သေချာနေတော့ တော်တော် ကြောက်ရွံ့တုန်လှုပ်နေပါတယ်။ တပည့်တွေဟာ ငိုတဲ့သူက ငိုနေကြတယ်။ နံရံကို လက်သီးနဲ့ထိုးပြီး အော်တဲ့သူက အော်နေကြတယ်။ နောက် ဒေါသတကြီး စကားပြောတဲ့သူက ပြောနေကြတယ်။ အဲ့ဒါတွေကို ကြည့်ပြီးတော့ သူတို့ရဲ့ခေါင်းဆောင် ဗိုလ်နန္ဒက တော်တော်စိတ်မကောင်း ဖြစ်တယ်။ "သူတို့ခမျာ ငါ့ရဲ့ ခေါင်းဆောင်မှုကို လိုက်ခဲ့တဲ့အတွက် သူတို့ဟာ ကြိုးပေးပြီး အသတ်ခံရတော့မှာပါလား၊ သူတို့တွေ အသေဖြောင့်အောင်၊ သေခြင်းတရားကို တည်တည်ငြိမ်ငြိမ် ရင်ဆိုင်နိုင် အောင် ငါ ကဗျာလင်္ကာတပုဒ် ရွတ်ပြမှ ဖြစ်မယ်" လို့ သူ့ဖာသာသူ တွေးပြီးတော့ သူ ကဗျာလင်္ကာတပုဒ် ရွတ်ပြပါတယ်။ အဲ့ဒီကဗျာကတော့ အနန္ဒသူရိယ အမတ်ကြီး ရေးစပ်ခဲ့တဲ့ အမျက်ဖြေ အလင်္ကာလို့ အမည်ရတဲ့ ကဗျာလေးတပုဒ်ပါ။ "သူတည်းတယောက်၊ ကောင်းဖိ်ု့ရောက်မူ၊ သူတယောက်မှာ၊ ပျက်လင့်ကာသာ၊ ဓမ္မတာတည်း" အဲ့ဒီကဗျာပါ။ သူက အဲ့ဒီကဗျာကို ရွတ်တဲ့အခါမှာ စာရေးဆရာက ဘယ်လိုဖွဲ့ထားသလဲဆိုတော့ ဗိုလ်နန္ဒသည် သူ၏ အောင်မြင်လှသော အသံဝါကြီးနဲ့ထိုကဗျာကို ရွတ်ဆို၏တဲ့။ အဲ့ဒီမှာ ကျမက နည်းနည်း ကလေး နားမလည်ဘူး ဖြစ်သွားတယ်။ ဗိုလ်နန္ဒကို ကျမသိတာက သူပုန်ဗိုလ်လို့ ကျမသိပါတယ်။ သူပုန်ဗိုလ် တယောက်ကို ဘာဖြစ်လို့ အဲ့ဒီလို ဖွဲ့သလဲ အောင်မြင်လှသော အသံဝါကြီးဆိုတာ သူပုန်ဗိုလ်ကို ဖွဲ့ရမယ့် စကားမဟုတ်ပါဘူး။ ဒါဟာ သူရဲကောင်းတွေ ဟီးရိုးတွေကိုသာ သုံးရမယ့် စကားပါ။ ဒီတော့ ကျမအမြင်မှာ သူပုန်ဗိုလ်ဆိုတာ လူဆိုးပဲ၊ လူဆိုးတယောက်ကို အောင်မြင်လှသော အသံဝါကြီးနဲ့လို့ ဖွဲ့တာဟာ နည်းလမ်း မကျဘူးလို့ ကျမရဲ့ စတုတ္ထတန်း အမြင်နဲ့ တွေးပါတယ်။ အဲ့ဒါနဲ့ မေမေ့ကို မေးမိတယ်။ မေမေလို့ ဗိုလ်နန္ဒဟာ ဘာလဲလို့၊ အဲ့ဒီလို မေးတော့ မေမေက ဇာတ်လိုက်တဲ့၊ (ရီသံများ) ကျမပိုပြီးတော့ နားမလည်ဘူး ဖြစ်သွားတယ်။ (ရီသံများ) သူပုန်ဗိုလ်လို့လဲ ပြောသေးတယ်၊ ဇာတ်လိုက်လို့လဲ ပြောသေးတယ်၊ ကျမ အဲ့ဒီမှာ အဲ့ဒီနှစ်ခုကို ယှဉ်ပြီး နားမလည်ဘူးပေါ့။ ကျမ အပြင်မှာ သူခိုးတွေ၊ ဓါးပြတွေ၊ သူပုန်တွေ၊ ခါးပိုက်နှိုက်တွေ၊ အဲ့ဒါတွေ အကုန်လုံးက လူဆိုးတွေ စာရင်းထဲမှာ ပါတယ်။ ဒီတော့ ဒီလူဆိုးတယောက်က ဘာဖြစ်လို့ ဇာတ်လိုက်ဖြစ်သလဲ ကျမက မေမေ့ကို ပြန်မေးတယ်။ မေမေလို့ မေမေ့ဥစ္စာက ဖြစ်နိုင်ပါ့မလား၊ သူပုန်က ဘယ်လိုလုပ်ပြီးတော့ ဇာတ်လိုက် ဖြစ်မလဲ၊ မဖြစ်နိုင်ဘူး ထင်တယ်လို့ ကျမကပြောတော့ မေမေက ဖြစ်နိုင်တာပေ့ါ သမီးရယ်တဲ့၊ တခါတခါကျတော့ တိုင်းပြည်ကို အုပ်ချုပ်မင်းလုပ်တဲ့ ရှင်ဘုရင်က ဆိုးနေရင်၊ ယုတ်မာနေရင်၊ ကောက်ကျစ်နေရင် သူပုန်ဆိုတာလဲ ဇာတ်လိုက် ဖြစ်တတ်ပါတယ်တဲ့။ (ရီသံများ၊ လက်ခုပ်သံများ)

အဲ့ဒီတော့မှ ကျမ ရေးရေးလေး သဘောပေါက်သွားပါတယ်။ ကျမ ဒီဝတ္ထုကို တော်တော် စိတ်ဝင်စားသွားပြီ၊ ဒါပေမယ့် ထပ်ပြီးတော့ မေးသေးတယ်၊ ဟုတ်ပါပြီလို့ အဲ့ဒါဆိုလို့ရှိရင် ဒီသူပုန်ဗိုလ်က ဇာတ်လိုက်ဖြစ်နေရတာ သူက ဘာဖြစ်လို့ သူပုန်ဘ၀ကို ဘာဖြစ်လို့ ရောက်သလဲ မေမေလို့ ကျမက ပြန်မေးတယ်။ ပြန်မေးတော့ မေမေကလည်း သူ့သမီးကို စာဖတ်စေချင်တော့ ရှင်းပြတယ်၊ သူ့ဘ၀တဲ့၊ သူကတော့ သူပုန်ဘယ်ဟုတ်မလဲ သမီးရယ်တဲ့၊ သူက ဘုရင့်သားတော် တပါးပါ၊ သူတက္ကသိုလ်ပြည်မှာ ပညာသွားသင်နေတုန်းက သူ့အဖေရဲ့ ထီးနန်းစည်းစိမ်ကို သူ့အဖေလက်အောက်က စစ်သူကြီးတပါးက တိုက်ခိုက်ပြီးတော့ သိမ်းယူထားတဲ့အတွက် သူဟာ ပြန်လာတဲ့အခါကျတော့ သူပုန်ဘ၀ကို ရောက်ရတာပါတဲ့။ (လက်ခုပ်သြဘာသံများ) အဲ့ဒီလို ပြောပါတယ်။ (လက်ခုပ်သံများ) အဲ့ဒီတော့ ကျမက ပိုပြီး စိတ်ဝင်စားသွားပါတယ်၊။ ဟုတ်ပါပြီမေမေ အဲ့ဒါဆိုရင် သမီး ဒီဝတ္ထုကို ဖတ်ပါတော့မယ်။ ဒါပေမယ့် သမီး ဒီဇာတ်လမ်းအဆုံးကို သိပ်သိချင်တာလို့၊ အဲ့ဒီ ဇာတ်လမ်းအဆုံးကိုတော့ သမီးကို ကြိုပြီးတော့ ပြောပါအုန်းလို့။ သူက သူ့အဖေရဲ့ ထီးနန်းစည်းစိမ်ကို ပြန်ရရဲ့လားလို့ ကျမ မေးလိုက်တယ်။ ကျမမေးလိုက်တော့ မေမေက ရတယ် သမီးတဲ့။ နောက်ဆုံးကျတော့ သူရသင့်တဲ့ သူ့အဖေရဲ့ စည်းစိမ်ကို သူပြန်ရသွားပါတယ်တဲ့။ အဲ့ဒီလို ကျမကို ပြောပါတယ်။ (ရီသံများ၊ လက်ခုပ်သံများ) အဲ့ဒါနဲ့ပဲ ကျမ ဒီဇာတ်လမ်းကို ကြိုက်လို့ ဒီဝတ္ထုကို ဖတ်ပါတယ်။ တကယ်လဲ မေမေပြောသလိုပဲ သူပုန်ဗိုလ်နန္ဒဟာ သူရသင့်ရထိုက်တဲ့ သူ့အဖေရဲ့ ဒီနန်းစည်းစိမ်ကို ပြန်ရသွားပါတယ်။ ဘယ်လိုနည်းနဲ့ သူထီးနန်းစည်းစိမ်ကို ပြန်ရသွားလဲ၊ အဲ့ဒါကို သိချင်ရင်တော့ ဓူဝံရဲ့ 'မာလာ' စာအုပ်ကို ဖတ်ကြည့်ပါ။ (လက်ခုပ်သံများ) အဲ့ဒါ ကျမရဲ့ စာရေးဆရာ ဖြစ်ချင်တဲ့စိတ်အစပါပဲ။

ကျမဟာ လူတွေကို စရိုက်အမျိုးမျိုး ရေးဖွဲ့ချင်တယ်။ လူဆိုးဆိုလဲ လူဆိုးစရိုက်၊ လူကောင်းဆိုရင်လဲ လူကောင်းစရိုက် အဲ့ဒီလို ရေးဖွဲ့တော့ ဇာတ်လမ်းတွေ ဆင်ချင်တယ်။ အမှန်တရားဟာ ရှေ့မှာ ရောက်သင့်တဲ့ အချိန်မှာရှေ့မှာ ရောက်ဖို့ ကျမက ထည့်ချင်တယ်။ အဲ့ဒီလို စိတ်လေးတွေဟာ ၀တ္ထုတွေ ဖတ်ရင်း ဖတ်ရင်းကနေပြီး ကျမကို ပိုပို ပိုပို တွန်းအားပေးလာတော့ ကျမဟာ စာရေးဆရာ ဖြစ်ချင်တဲ့ စိတ်တခုထဲနဲ့ ကျမဟာ ကြီးပြင်းခဲ့ ပါတယ်။ ဒါပေမယ့် ကျမ ဆယ်တန်းအောင်တဲ့အခါ ခြေချော် လက်ချော်နဲ့ ဂုဏ်ထူး ၅ ခု ရသွားပါတယ်။ အဲ့ဒီတော့ အဲဒီဂုဏ်ထူး ၅ ခုလေးကို ကျမက နှမျောပြီးတော့ ဆေးတက္ကသိုလ်ကို လိုက်ပါတယ်။ (ရီသံများ) ကျမတို့ ခေတ်တုန်းက ဂုဏ်ထူး ၆ ခုတွေ၊ ၅ ခုတွေ၊ ၄ ခုတွေ အများကြီးပါပဲ။ သူတို့တွေ အားလုံးဟာ ဆေးတက္ကသိုလ်ကိုဝင်ဖို့ပဲ အာရုံရှိကြပါတယ်။ ရူပဗေဒ၊ ဓါတုဗေဒတွေကို မ၀င်ကြပါဘူး။ မိဘတွေ ကိုယ်တိုင်ကလည်း ဆေးတက္ကသိုလ်ကို ၀င်စေချင်တယ်။ ကျမကိုယ်တိုင်ကလဲ ကျမရဲ့ မိဘတွေက ဆေးတက္ကသိုလ်ကို လိုက်ဖို့ ပြောလို့ ကျမကလဲ ဂုဏ်ထူးလေးကို အားနာလို့ ဆေးတက္ကသိုလ်ကို ၀င်ခဲ့ပါတယ်။ ၀င်ခဲ့တော့ ကျမဟာ ဆရာဝန်ဘ၀ကို လုံး၀၀ါသနာ မပါပဲ ရောက်ခဲ့တာဆိုတော့ အတန်းထဲမှာ ဆေးပညာကလွဲရင် အားလုံးကို စိတ်ဝင်စားပါတယ်။ (ရီသံများ)

ကျမ တနေ့တနေ့ ဖတ်တဲ့ စာတွေဟာ ဆေးပညာနဲ့ ဘာမှ မဆိုင်ပါဘူး။ ကျမတို့ ရေနံချောင်းမှာ စာကြည့်တိုက် ကောင်းကောင်း မရှိဘူး၊ ဆေးကျောင်း ရောက်တော့ မန္တလေးဆေးတက္ကသိုလ်မှာ အင်မတန် ကြီးမားတဲ့ စာကြည့်တိုက်ကြီးတခု ကျမသွားတွေ့တယ်။ အဲ့ဒီ စာကြည့်တိုက်ကြီးထဲမှာ ကျမ မဖတ်ဖူးတဲ့ စာအုပ်တွေ၊ ကြားဖူးပြီးတော့ မဖတ်ဖူးတာ၊ ကြားတောင် မကြားဖူးတာ၊ မြန်မာလို အင်္ဂလိပ်လို အစုံပါပဲ။ အဲ့ဒါကြီးကို ကျမ မြင်ပြီးတော့ ငါတော့ ဒီ ဆေးတက္ကသိုလ် ၇ နှစ် အတွင်း ဒီစာအုပ်တွေ ပြီးအောင်ဖတ်မှ ဖြစ်မယ်လို့ ဆုံးဖြတ်ပါတယ်။ အဲ့ဒီလိုနဲ့ ကျမ အပြင်စာတွေ ဖတ်ခဲ့တယ်။ အတန်းထဲမှာ စာသင်တဲ့အခါမှာ ကျမက နောက်ဆုံးကနေ မတ်တတ်ရပ်ပါတယ်။ ဆရာ စာမေးလွတ်အောင်လို့ပါ။ ရှေ့မှာ ရပ်လို့ရှိရင် ဆရာက လှမ်းလှမ်းပြီး စာမေးလို့ပါ။ စာသင်ရတဲ့အခါမှာလဲ ကျမ အားကျစိတ် လုံးဝမပေါ်ပါဘူး။ ကျမတို့ ကျောင်းမှာ ရောဂါနံမည်တွေ၊ ကုထုံးနာမည်တွေ အဲ့ဒါတွေ အားလုံးဟာ လူနံမည်တွေနဲ့ ချည်းပါပဲ။ ဥပမာ ရောဂါတခုခုကို တယောက်ယောက်က ရှာတွေ့သွားပြီဆိုရင် အဲ့ဒီလူရဲ့ နာမည်ကို ရှေ့မှာတပ်ပြီးတော့ နံမည်နဲ့ ရောဂါနံမည် ပေးပါတယ်။ ဥပမာ ကော့ ဆိုတဲ့သူက ရောဂါတခုကို ရှာဖွေတွေ့ခဲ့တယ်။ အဲ့ဒီ ကော့ ရှာတွေ့ခဲ့တဲ့ အဆုပ်ရောဂါကို ကော့ Lung ကော့ဒစိပေါ့။ ကော့ရဲ့ရောဂါလို့ နံမည် တပ်ပါတယ်။ နောက်ပြီး ပဲလော့ လို့ခေါ်တဲ့ ပြင်သစ်သမားတော်ကြီး တယောက်က ရှာတွေ့ခဲ့တဲ့ ရောဂါ၊ မွေးရာပါ နှလုံးရောဂါ၊ အဲ့ဒါဆိုလို့ ရှိရင် ပဲလော့တက်ထွာလော်ဂျီလို့ သူတို့က နံမည်ပေးပါတယ်။ ပဲလော့ ရှာတွေ့ခဲ့သော ရောဂါ၊ အဲ့ဒီလိုမျိုးတွေ ထောင်ပေါင်း၊ သောင်းပေါင်းများစွာ နေ့စဉ် ကျမတို့ စာကျက်ရပါတယ်။ အဲ့ဒီလို ကျက်နေတဲ့အခါမှာ ဒီနံမည်တွေကို ကျက်ပြီးတော့ ငါသူတို့ ဘ၀ကို အားကျလိုက်တာ ဆိုတဲ့စိတ်များ ၀င်ခဲ့မိသလားလို့ အခုနေ ကျမပြန်တွေးကြည့်တော့ ကျမ နည်းနည်းမှ အားကျစိတ် မ၀င်ခဲ့ပါဘူး။ တခါတခါ သူတို့ကို ငြိုတောင်ငြိုငြင် မိပါတယ်။ သူတို့ဟယ် ရှာလိုက် ဖွေလိုက်ကြတာ၊ တွေ့ပဲ တွေ့နိုင်လွန်းတယ်၊ သူတို့ ရှာပြီးတော့ တွေ့တော့ ငါတို့မှာ စာတွေ ကျက်လို့ကို မပြီးနိုင်တော့ဘူး။ (ရီသံများ၊ လက်ခုပ်သံများ) အဲ့ဒီလောက်ထိအောင် ကျမ မေတ္တာပို့ခဲ့ ပါတယ်။ ဒါ ကျမ ဆေးကျောင်းသူဘ၀ ညံ့ဖျင်းမှုတွေပါ။

ဒီလိုနဲ့ တနှစ်ပြီး တနှစ် ယက်ကန်ယက်ကန်နဲ့ စာမေးပွဲတွေ နီးတော့ စာလေးကျက်လိုက်၊ အောင်လိုက်၊ တခါတလေ တခါတည်းနဲ့ မအောင်လို့ နှစ်ခါပြန် ဖြေရပါတယ်။ ကျမတို့ ကျောင်းမှာတော့ ဆပ်ပလီမန်ထရီဆိုတာ ရှိပါတယ်။ ဆပ်ပလီမန်ထရီက စာမေးပွဲ ကျပြီးတော့ ကျတဲ့ဘာသာကိုပဲ ပြန်ဖြေရတာပါ။ တော်ပါသေးရဲ့ ဆပ်ပလီမန်ထရီသာ မရှိခဲ့ရင် ကျမ တတန်းနှစ်နှစ် လောက် နေရဖို့ အကြောင်းရှိပါတယ်။ အဲ့ဒီလိုနဲ့ ကျမ ဆရာဝန် ဖြစ်ပါတယ်။ ဆရာဝန်ဖြစ်လာတော့ ဒီလို ခပ်ညံ့ညံ့ ဆေးကျောင်းသူတယောက်က ဘယ်လိုဆရာဝန်မျိုးဖြစ်မလဲ။ တွေးကြည့်ရင်တော့ သဘောပေါက်နိုင်စရာ အကြောင်းရှိပါတယ်။

ဒါပေမယ့် ကျမရဲ့ ဆရာဝန်ဘ၀ကို ပိုပြီးတော့ ပုံပေါ်သွားအောင်၊ ကျောင်းသူကျောင်းသားတွေ ပိုပြီးတော့ နားလည်သွားအောင် ကျမ ကာတွန်းလေးတပုဒ်နဲ့ ဥပမာပေးချင်ပါတယ်။ အဲ့ဒီကာတွန်းလေးကို ရေးဆွဲတဲ့သူ ဘယ်သူလဲလို့ ကျမ မမှတ်မိတော့ပါဘူး။ ကျမညံ့တဲ့အထဲမှာ အဲ့ဒါလဲ ပါပါတယ်။ ကျမက ဆရာအော်ပီကျယ်ကို တောင် မေးကြည့်ပါသေးတယ်။ ကာတွန်းဟာ ကျမ အခုထိ သတိရနေသေးတယ်ဆရာလို့ ဆရာများ ဆွဲခဲ့ သလားလို့ ကျနော် မဆွဲခဲ့ ပါဘူးတဲ့။ ဒါပေမယ့် ကျမရင်ထဲမှာ အဲ့ဒီ ကာတွန်းလေးဟာ အခုချိန်ထိ နှစ်ပေါင်းများစွာ စွဲတင်ကျန်ရစ်ခဲ့ပါတယ်။ အော် ငါနဲ့ တူလိုက်လေခြင်း၊ အဲ့ဒီ ကာတွန်းအတွေးလေးကို ကျမ ပြောပြမယ်။ သူက တမျက်နှာ ကာတွန်းပါ။ မဂ္ဂဇင်းရဲ့ သရုပ်ဖော်ပုံ၊ မဂ္ဂဇင်းမှာ တမျက်နှာ ၄ ခု လောက်ပါတယ်။ တခါတလေ ၆ ခုလောက်ပါတယ်။ အခု ကျမကာတွန်း အကွက် ၆ ကွက်ပါတဲ့ ကာတွန်းပါ။ သူက ပထမဦးဆုံး အကွက်မှာ လူမမာတယောက် ကြမ်းပြင်ပေါ်မှာ ပက်လက်ကြီး စန့်စန့်ကြီး အိပ်နေတယ်၊ လူနာရဲ့ ဘေးနားလေးမှာ လူနာရဲ့ ဇနီးလို့ ထင်ရတဲ့ အမျိုးသမီးလေးက တယောက်၊ သူက ကျုံ့ကျုံ့လေးထိုင်ပြီးတော့ စိတ်ပူနေတဲ့ မျက်နှာလေးနဲ့ လူနာကို ကြည့်နေပါတယ်။ သူတို့နှစ်ယောက်ရဲ့ ဘေးနားမှာတော့ ဆရာဝန်တယောက် မတ်တတ်ရပ်နေပါတယ်။ အဲဒီဆရာဝန်က လူနာကို နားကြပ်ကလေး နားမှာထောက်ပြီး စမ်းသပ်နေပါတယ်၊ အဲဒါ ပထမဦးဆုံးအကွက်။ ဒုတိယအကွက်ကတော့ အဲဒီဆရာဝန်ကို ကာတွန်းဆရာက ပုံကြီးချဲ့ပြီး ဆွဲပါတယ်။ ဆရာဝန်ရဲ့ မျက်လုံးတွေကို အဓိက ထားတယ်။ ဆရာဝန်ရဲ့ မျက်လုံးက ဘာမှမသိတဲ့ အူကြောင်ကြောင် မျက်လုံးမျိုးပါ။ မျက်လုံးလေးက လည်နေတယ်။ ဆရာဝန်ရဲ့ ခေါင်းပေါ်မှာလဲ ကွက်ရှင်မတ်ပေါ့ မေးခွန်းလက္ခဏာလေးနဲ့၊ သူ့ရဲ့ဘေးနားမှာ ရှုပ်နေတဲ့ သပွတ်အူလို ပုံစံလေးနဲ့။ ဘာရောဂါပါလိမ့် သူတော်တော်ဦးဏှောက်ခြောက် နေပြီလို့ ကာတွန်းကြည့်တဲ့ပရိသတ် သိအောင် ကာတွန်းဆရာက ဆွဲထားပါတယ်။ အဲ့ဒါက ဒုတိယအကွက်။ နောက် တတိယအကွက်ရောက်တော့ ဆရာဝန်ကိုပဲ အသားပေးပြီး ဆွဲထားတယ်၊ ဆရာဝန်ရဲ့ မျက်ဝန်းမှာ စောစောက မြင်နေရတဲ့ အူကြောင်ကြောင် မျက်လုံးမရှိတော့ဘူး။ သူ့မျက်လုံးလေးတွေက တောက်နေတယ်။ သူ့ရဲ့ ခေါင်းပေါ်မှာလဲ စောစောက ကွက်ရှင်မတ်တွေ၊ သပွတ်အူတွေ မရှိတော့ပဲနဲ့ လင်းနေတဲ့ ဖန်သီးလေးတလုံးကို ခေါင်းပေါ်မှာ ဆွဲထားပါတယ်။ ဖန်သီးလေးဘေးမှာ အချောင်းချောင်းလေးတွေနဲ့ သူဘာရောဂါလဲဆိုတာ ရှာလို့ ရပြီဆိုတဲ့ အဓိပ္ပါယ်၊ ကျမတို့ သိစေပါတယ်။ နောက် စတုတ္ထကွက်မှာရောက်တော့ ဆရာဝန်က သူတပ်ထားတဲ့ နားကျပ်ကို ချွတ်ပြီး လူနာရှင် အမျိုးသမီးဘက်ကို လှည့်ပြီးတော့ စိတ်မကောင်းတဲ့ မျက်နှာလေးနဲ့ ကျနော် ၀မ်းနည်းပါတယ်၊ လူမမာဟာ အသက်မရှိတော့ပါဘူးတဲ့။ (ရီသံများ) အဲ့ဒီလို ပြောလိုက်ပါတယ်။ အဲ့ဒါက စတုတ္ထအကွက်ပေါ့။ နောက် ပဉ္စမအကွက်ကို ရောက်တော့ စောစောတုန်းက ကြမ်းပြင်ပေါ်မှာ ကျုံ့ကျုံ့လေးထိုင်ပြီး စိုးရိမ်ပူပန်တဲ့ မျက်နှာလေးနဲ့ သူ့ယောက်ျားကို ကြည့်နေတဲ့ လူမမာရှင်အမျိုးသမီးက သူ့ယောက်ျားဘက်ကို လက်ညှိုး ငေါက်ငေါက်ထိုးပြီးတော့ 'ရှင် ဆရာဝန်ထက် ပိုပြီးတော့ မသိချင်နဲ့' အဲ့ဒီလို ပြောလိုက်ပါတယ်။ (ရီသံများ၊ လက်ခုပ်သံများ)

အဲ့ဒီတော့ ကာတွန်းထဲက ဆရာဝန်လို ကျမဟာ၊ ကာတွန်းထဲက လူနာရှင်မိန်းမလို အများကြီး ကြုံတွေ့တဲ့အခါ ကျမရဲ့ဆေးခန်းဟာ လူနာတော်တော်များပါတယ်။ ရေနံချောင်းမြို့မှာ ဒေါက်တာ တင်တင်ဝင်း ဆိုတာ နံမည် တော်တော်ကြီးပါတယ်။ စောစောက ဒေါက်တာ တင်မောင်သန်းပြောသွားတဲ့ ပူဖောင်းလေးတွေလဲ ပါတာပေါ့။ အဲ့ဒီတော့ ဒါဟာ ကျမရဲ့ ဆရာဝန်ဘ၀ သရုပ်ပေါ်အောင် ကာတွန်းလေးနဲ့ ဥပမာ ပေးတာပါ။ ကျမရဲ့ ဆရာဝန်ဘ၀ကို ကျမ ထူးခြားတဲ့ အဖြစ်အပျက်ကလေးတခု ကျမပြောပြရင် ပိုပြီးတော့ သဘောပေါက် သွားမယ်လို့ ကျမ ထင်ပါတယ်။ ဒါဟာ ကျမလို ခပ်ညံ့ညံ့ဆရာဝန်တွေသာကြုံရမယ့် အချက်ပါ။ တော်တဲ့ ဆရာဝန်တွေ ဒါမျိုး လုံးဝ ကြုံရမှာ မဟုတ်ဘူး။ ဒါဟာ သေချာပါတယ်။ ကျမဟာ ဆရာဝန်ဖြစ်ပြီးတော့ ၃ လ လောက်အချိန်မှာ ကြုံရတဲ့ အဖြစ်ကလေးပါ။ ၃ လ ဆိုတော့ ဘာအတွေ့အကြုံမှ မရှိသေးပါဘူး။ စမ်းတ၀ါးဝါး ဆေးကုနေဆဲ၊ ကျောင်းစာနဲ့ ပြင်ပလောကနဲ့ကို ထင်ဟပ်ကြည့်နေဆဲ အချိန်ပါ။ အဲ့ဒီအချိန် တညနေ ကျမ ဆေးခန်းဖွင့်တဲ့အချိန်မှာ ကျမရဲ့ ဆေးခန်းထဲ လူနာနှစ်ယောက် ရှိပါတယ်။ တယောက်က ကျမ ကုလက်စ၊ တယောက်က သူ့အလှည့်ရောက်ဖို့ ထိုင်စောင့်နေတယ်။ အဲ့ဒီအချိန်မှာ အပြင်ဘက်ကနေ အမျိုးသမီးတယောက် ခပ်သုတ်သုတ် ဆေးခန်းထဲ ၀င်လာပါတယ်။ ဆရာမ ဆရာမ လူနာအရေးကြီးနေလို့ အိမ်ပင့်ချင်လို့ပါတဲ့။ အဲဒီလို ပြောပါတယ်။ ကျမက လူနာတယောက်ကို ဆေးကုလက်စဆိုတော့ ခဏစောင့်ပါဦး၊ ဒီက လူနာပြီးရင် လိုက်ခဲ့ပါ့မယ်ပြောတော့၊ ဟာ ဘယ်စောင်လို့ ဖြစ်မလဲဆရာမတဲ့၊ ဟိုမှာက အရေးကြီးတယ်တဲ့။ လူမမာက သတိ လစ်နေတာပါတဲ့။ သတိလစ်တယ်ဆိုတော့ အရေးကြီးပြီပေါ့၊ ကျမက ကုလက်စလူနာကို ဆေးတွေ ဘာတွေ ပေးပြီးတော့ စောင့်နေတဲ့ လူနာကို စောင့်များစောင့်နိုင်မလားလို့ ကျမအရေးကြီးတဲ့ လူနာနောက်ကို လိုက်ချင်လို့ပါလို့ ခွင့်တောင်းပါတယ်။ အဲ့ဒီ လူနာကလဲ သဘောကောင်းပါတယ်၊ လိုက်သွားပါဆရာမ ကျမ စောင့်ပါမယ်တဲ့။

အဲ့ဒါနဲ့ ကျမ ဆေးအိတ်ကို ပေးပြီးတော့ လူနာရှင် အမျိုးသမီးနောက် လိုက်သွားပါတယ်။ အဲ့ဒီအချိန်မှာ ကျမတို့ နွေရာသီပါ။ နွေရာသီမှာ ရေနံချောင်းမြို့မှာ တော်တော် ပူပါတယ်၊ ဘယ်လောက်ထိ ပူသလဲဆိုရင် နေ့လည် ၁၂ နာရီကနေ ညနေ ၄ နာရီကြားမှာ ရေလုံးဝ မချိုးရဘူးလို့ အာဏာပိုင်တွေက တားမြစ်ထားတဲ့အထိ ကျမတို့ ရေနံချောင်းက ပူပါတယ်။ ရေချိုးပြီးတော့ ဗြုန်းကနဲ လဲကျပြီး သေဆုံးသူတွေ အများကြီးပါပဲ။ အဲ့ဒါကြောင့် အာဏာနဲ့ တားမြစ်ထားတဲ့ အချိန်ပါ။ စေတနာနဲ့ အာဏာသုံးတာပါ။ တခါတခါ အာဏာဟာ စေတနာနဲ့လဲ သုံးတတ်ပါတယ်။ (ရီသံများ၊ လက်ခုပ်သံများ)
အဲ့ဒီတော့ ကျမက လူနာအိမ်ကို လိုက်သွားပါတယ်။ လမ်းမှာလဲ ကျမ စဉ်းစားနေတာပေါ့။ ရေချိုးရင် အန္တရာယ်ရှိတဲ့ အချိန်ပဲ။ မေးကြည့်တယ် ဘာဖြစ်တာလဲပြော ဆိုတော့၊ ကျမ အမကြီးပါတဲ့၊ ဈေးကနေ မကြာသေးခင်က ပြန်လာပါတယ်တဲ့။ ပူပူအိုက်အိုက်နဲ့ ဈေးက ပြန်ပြန်ချင်း ရေတန်းချိုးလိုက်ပါတယ်။ ရေချိုးပြီး ကတည်းက သတိလစ်သွားတာ အခုချိန်ထိ သတိပြန်လည် မလာပါဘူးတဲ့။ အဲ့ဒီတော့ ဒါဟာ ရေချိုးမှားလို့ အပူရှပ်တယ်ပေါ့။ ဒါဆိုရင် သာမိုမီတာ တိုင်းရမယ်။ စိတ်ထဲမှာ စွဲသွားတယ်။ လူနာအိမ်ရောက်တော့ လူနာက အမျိုးသမီးပါ။ ခပ်၀၀၊ ထွားထွား၊ အဲ့ဒီအမျိုးသမီးကို ကျမက ဘေးကနေ ကြည့်လိုက်တော့ သူ့ပုံစံက မလှုပ်မရှက် ပုံစံပါ။ အဲ့ဒါနဲ့ ကျမ သာမိုမီတာလေးကို ယူပြီးတော့ သူ့ပါးစပ်ကို တိုင်းဖို့ သူ့ပါးစပ်ကို ဖွင့်ပါတယ်။ သူ့ပါးစပ်က ဖွင့်လို့ မရဘူး။ သွားစိနေတယ်။ ကျမကလဲ ဘယ်ရမလဲ သွားစိနေတော့ သူ့ချိုင်းထဲ တိုင်းလိုက်တာပေါ့။ သာမိုမီတာနဲ့ ချိုင်းထဲတိုင်းတော့ အဖျား ရှိ မရှိပေါ့။ ကျမထင်သလောက် မဖျားဘူး။ ဒါနဲ့ ကျမက သွေးပေါင်ချိန် တွေ ဘာတွေ တိုင်းကြည့်သေးတယ်။ သွေးဖိအားက သိတ်ပြီတော့ များဘူး။ နောက်အဆုတ်ကို နားထောင်ကြည့် တော့ အဆုပ်မှာ အသက်ရှူသံ လုံးဝ မကြားရပါဘူး။ အဲ့ဒါလဲ ကျမက အားမလျှော့သေးဘူး။ နှလုံးကို ထောက်စမ်းကြည့် ပါတယ်။ နှလုံးကလဲ တချက်မှ မခုန်ပါဘူး။ အဲ့ဒီတော့ နားကြပ်လေးကိုချ လူမမာရှင်ဘက် လှည့်ပြီးတော့ ၀မ်းနည်းတဲ့ မျက်နှာလေးနဲ့ ပြောတော့မလို့ မပြောရသေးဘူး၊ ပြောမလို့ ရှိသေးတယ်။ ကျမရဲ့ ခေါင်းထဲမှာ အတွေးတချက် ၀င်လာပါတယ်။ အဲ့ဒါက ဘာလဲဆိုတော့ ကျမတို့ရဲ့ ဆရာ့ဆရာကြီးတွေက ကျမတို့ကို သင်ထားတာ ရှိပါတယ်။ လူမမာတယောက်ကို စမ်းသပ်ပြီးတဲ့အခါ သူသေပြီလို့ မပြောမီ နောက်ဆုံး စမ်းသပ်နည်းတွေနဲ့ စမ်းသပ်ရမယ်။ အဲဒီ နောက်ဆုံးနည်းတွေနဲ့ စမ်းသပ်ပြီးမှ လူနာသေပြီလို့ ခိုင်လုံမှသာ လူနာရှင်ကို အတည်ပြုပေးရမယ်လို့ ပြောတော့၊ ဟုတ်ပြီ အဲ့ဒါဆိုရင် လူနာတယောက် အသက်မရှူရုံ၊ နှလုံးမခုန်ရုံနဲ့၊ သေပြီလို့ ပြောလို့ မဖြစ်သေးဘူး။ နောက်ဆုံး စမ်းသပ်နည်းနဲ့ စမ်းသပ်ရဦးမယ်၊ အဲ့ဒီနည်းကို ရှာပါတယ်။ ဖြစ်ချင်တော့ နောက်ဆုံးစမ်းသပ်နည်းဟာ ဘာလဲလို့ ကျမ မမှတ်မိတော့ပါဘူး။ ကျမစဉ်းစားတယ်။ ငါ့ကို ဆရာကြီးတွေက သင်ပေးလိုက်တယ်၊ ဘာလဲ မသိဘူး၊ နောက်ဆုံးနည်း ရှိတယ်တဲ့။ စဉ်းစားတာ တော်တော်ကြာတယ်။ ဘေးကလူတွေကလဲ ကျမကို ငေးကြည့်လို့၊ ကျမလဲ စဉ်းစားရင်း စဉ်းစားရင်း အဖြေမပေါ်တော့ လူနာဆေးထိုးဖို့ လာချတဲ့ ရေနွေးဇလုံထဲကို ကျမ အပ်တွေထည့်၊ ပိုက်တွေထည့် ပိုက်ကလေးကို ရေနွေးစုပ်လိုက် ပြန်ထုတ်လိုက်၊ စုပ်လိုက် ပြန်ထုတ်လိုက်နဲ့ ခေါင်းထဲကတော့ သပွတ်အူတွေ တော်တော်များနေပြီ။ ငါဘာလုပ်မလဲလို့။ ကံကောင်းချင်တော့ ကျမ သတိရသွားပါတယ်။ ဇဝေဇ၀ါ မျက်လုံးတွေ အကုန်ဖျောက်ပြီး မျက်နှာထား ခပ်တည်တည်နဲ့ အဲ့ဒီအမျိုးသမီး ဆီကနေ ကျမကို လက်နှိပ်ဓါတ်မီးတခုပေးပါလို့ တောင်းလိုက်ပါတယ်။

ကဗျာကယာပဲ လက်နှိပ်ဓါတ်မီးထိုးပေးတယ်။ သူ့ဆီက လက်နှိပ်ဓါတ်မီးကို ယူပြီးတော့ လူမမာရဲ့ မျက်လုံးကို ဖွင့်ပြီးတော့ ကျမ မီးထိုးကြည့်ပါတယ်။ သာမန်လူတွေဟာ မျက်လုံးကို မီးရောင်နဲ့ လျှပ်တပြက် ထိုးလိုက်လို့ ရှိရင် အဲ့ဒီ မျက်လုံးသူငယ်အိမ်က မီးရောင်ကို တုံ့ပြန်တဲ့အနေနဲ့ သူငယ်အိမ် ကျယ်ရာကနေ ကျဉ်းသွားရပါတယ်။ ကျုံ့ဝင်သွားရပါတယ်။ အခု ကျမရဲ့ လူနာက လက်နှီပ်ဓါတ်မီးနဲ့ ထိုးလိုက်ပေမယ့် မျက်လုံးသူငယ်အိမ် ကျယ်မြဲကျယ်လျက်ပါ။ အဲ့ဒီတော့ ဒီတဖက် မသေချာသေးဘူး၊ နောက်တဖက် ထပ်ထိုးကြည့်ပါတယ်။ ထပ်ထိုးကြည့်တော့ နောက်တဖက်ကလဲ ကျယ်မြဲ ကျယ်လျက် နည်းနည်းမှကို မလှုပ်ပါဘူး။ သေချာပြီ ဆိုတော့မှ ကျမက လက်နှိပ်ဓါတ်မီးကို ချ၊ စိတ်မကောင်းတဲ့ မျက်နှာလေးနဲ့ လူမမာနားတော့ မနေရဲဘူး၊ ၀ုန်းဆို ထထိုင်ပြီး ဖက်လိုက်မှာစိုးလို့၊ လူနာရှင်ဘက်ကို ကပ်သွားပြီးတော့ ကျမ ပြောလိုက်ပါတယ်။ အမကြီးလို့ ပြောရမှာတော့ ကျမ ၀မ်းနည်းပါတယ်၊ အမကြီးရဲ့ လူမမာက အသက်မရှိတော့ ပါဘူးလို့၊ ကျမ ပြောလိုက်ပါတယ်။ အဲ့ဒီတော့ လူနာရှင် မိန်းမက ကျမ ထင်သားပဲ ဆရာမတဲ့။ အဲ့ဒီလို ပြောပါတယ်။ ကျမ တော်တော် ရှက်သွားတယ်။ ငါ့မှာတော့ ဒီလူနာ သေ မသေ စဉ်းစားလိုက်ရတာ၊ သူကတော့ ကြိုပြီးတော့ သိနေခဲ့ပါလား။ အဲ့ဒီအချိန်မှာ ကျမဟာ ထိုင်ရာကနေ ထပြီးတော့ ထွက်ပြေးသွားချင်လောက်အောင် ရှက်ပါတယ်။ ရှက်တာနဲ့အမျှ ဒေါသလဲထွက်။ ငါ့ကို ဒီလူနာ သေမှန်း သိလျက်နဲ့ သေနေတယ်လို့ ထင်နေလျက်သားနဲ့၊ ငါ့ဆေးခန်းကို ပိတ်ပြီး လာခဲ့ရအောင် ငါ့ကို ခေါ်တယ်။ ကျမဟာ ဒေါသနဲ့ ဟောက်ထည့်လိုက်တယ်။ လူနာသေတယ်လို့ ထင်လျက်သားနဲ့ ကျမကို ဘာဖြစ်လို့ လာခေါ်တာလဲ၊ ကျမမှာဖြင့် ဆေးခန်းလူနာတွေ ပစ်ထားခဲ့ရတာ၊ ရှင်အဓိပ္ပါယ်မရှိဘူး။ ဘာလို့ လာပင့်တာလဲ ဟောက်လိုက်တော့၊ လူနာရှင်အမျိုးသမီးက မျက်နှာလေး ချပြီး ပြောပါတယ်။ ဆရာမရယ် သေတယ်လို့တော့ ထင်ပါတယ်၊ ဒါပေမယ့် ဆရာမဆီက အတည်ပြုချက်လေး ယူချင်လို့ပါတဲ့။ (ရီသံများ) အဲ့ဒါ ကျမဘ၀ရဲ့ အင်မတန် ထူးခြားတဲ့ အဖြစ်အပျက်ကလေးတခုပါ။ ဒီတော့ ကျမဟာ ဆရာဝန်ဘ၀မှာလဲ ညံ့ဖျင်းတဲ့ ဆရာဝန်ပါ။

ဘယ်လောက် ညံ့ဖျင်းသလဲဆိုရင် ကျမ လူမမာတွေ အိမ်တွေ လိုက်သွားတယ်၊ ခလေးမွေးပေးရတယ်၊ ညှပ်နဲ့ ဆွဲမွေးပေးရတယ် ဆိုရင်ပဲ ကျမဟာ သားဖွါးမီးယပ်ပညာရှင်တွေလို ခံစားရပါတယ်။ ဘ၀င်မြင့်ခဲ့ပါတယ်။ အလုံး အကြိတ်လေးတွေ၊ အဆီလုံးလေးတွေ ခွဲစိတ်ရတာကိုပဲ ကျမဟာ ခွဲစိတ်ကုဆရာဝန်ကြီးလို ကျမ ဘ၀င်မြင့်ခဲ့တယ်။ အဲ့ဒီအချိန်မှာ ကျမတို့ နိုင်ငံရဲ့ ပြင်ဘက်မှာ ဆေးပညာနဲ့ ပါတ်သက်ပြီး ဘာတွေ တွေးထင်နေသလဲ၊ ဘာတွေ စီစဉ်နေကြသလဲ ကျမ မသိပါဘူး။
ဒိထက်ပိုညံ့တာတခုက ကျမတို့ ဆရာဝန် ဖြစ်တော့နောက်မှာ ကျမတို့နိုင်ငံရဲ့ ပြည်သူ့ ဆေးရုံတွေမှာ တာဝန်ထမ်းဆောင်ဖို့ လိုပါတယ်။ ပြည်သူ့ဆေးရုံ တွေမှာ တာဝန်ထမ်းဆောင်ဖို့က ဘွဲ့ရရုံနဲ့ မဖြစ်ပါဘူး။ ကျမတို့ တိုင်းပြည်တာဝန်ကို ထမ်းဆောင်ချင်တဲ့စိတ်ရှိရင် တိုင်းပြည်တာဝန်ကို ထမ်းဆောင်ဖို့ အခွင့်အရေးရအောင် စာမေးပွဲတွေ ဖြေရပါတယ်။ အဲ့ဒီက စာမေးပွဲတွေကတော့ ၀န်ထမ်းရွေးချယ်လေ့ကျင့်ရေးအဖွဲ့က ကျင်းပပေးတဲ့ စာမေးပွဲတွေပါ။ အဲ့ဒီ စာမေးပွဲတွေက ဖြေပြီးအောင်မှသာ ကျမတို့ဟာ တိုင်းပြည်တာဝန်ကို ထမ်းဆောင်ခွင့် ရှိပါတယ်။ ကျမဟာ ဘွဲ့ရရခြင်း တိုင်းပြည်ကို အင်မတန် အကျိုးပြုချင်ပါတယ်။ တိုင်းပြည်တာဝန်ကိုလဲ အင်မတန် ထမ်းဆောင်ချင်ပါတယ်။ အဲ့ဒါနဲ့ပဲ ကျမ စာမေးပွဲတွေ ဖြေပါတယ်။ ဖြေတိုင်း ဖြေတိုင်း ကျပါတယ်။ နောက်ဆုံးတကြိမ်မှာတော့ ရေးဖြေစာမေးပွဲ အောင်သွားတယ်။ အောင်သွားတော့ ကျမတို့ ကျက်ရတဲ့ စာတွေကလဲ နိုင်ငံရေးသိပ္ပံ ပါပါတယ်။ မြန်မာစာ ပါပါတယ်။ ဗဟုသုတ ပါပါတယ်။ ဆေးပညာတော့ မပါပါဘူး။ (ရီသံများ) အဲ့ဒီတော့ ကျမတို့ ရေးဖြေအောင်သွားတဲ့အခါ ကျမ ရန်ကုန်ကို လာပြီး နှုတ်ဖြေ ဖြေရပါတယ်။ နှုတ်ဖြေဖြေတော့ ကျမတို့ သူငယ်ချင်း သုံးလေးယောက် စုပြီး တအိမ်မှာ တည်းတယ်။ တည်းပြီးတော့ နောက်ဆုံးပေါ် ဂျာနယ်တွေ၊ ဆေးပညာနဲ့ ပတ်သက်တာတွေ ကျမတို့ အကုန်ဖတ်ပါတယ်။ အဲ့ဒီအချိန်တုန်းက (အိတ်စ်) ရောဂါ ကမ္ဘာမှာ လူသိခါစ၊ ရော့ဟဒ်ဆန်ကြောင့် အဲ့ဒီရောဂါကို လူတော်တော်များများက သိကုန်ကြပါပြီ။ ကျမတို့ ကျောင်းတုန်းက ဒီရောဂါဟာ မထင်ရှားသေးတဲ့အတွက် ကျမတို့ သိပ်စာမကျက်ရပါဘူး။ အဲ့ဒီအချိန်မှာ အိတ်စ်ရောဂါနဲ့ပတ်သက်တဲ့ နောက်ဆုံးပေါ်နည်းတွေ၊ ဖြစ်ပွါးတဲ့ အကြောင်းရင်းတွေ၊ ဆက်သွယ်မှုတွေ အားလုံးကို ကျမတို့ တညလုံး ဖတ်ရတယ်။ ဖတ်ပြီးတော့ နောက်တနေ့ ကျမတို့ အဆင်သင့်ပဲပေါ့။ ဆေးပညာနဲ့ ပတ်သက်လို့ ဘာမေးမေး အားလုံးရပြီလို့ ဆိုပြီး ရင်ကော့ပြီး စာမေးပွဲခန်းထဲ ၀င်သွားပါတယ်။ ၀င်သွားတော့ ကျမတို့ကို မေးလိုက်တဲ့ မေးခွန်းတွေက ကျမထင်ထားတဲ့ မေးခွန်းတွေ ဘာတခုမှ မမေးပါဘူး။ ကျမ မထင်မှတ်တဲ့ မေးခွန်းတွေပဲ မေးပါတယ်။ အဲ့ဒီ မေးခွန်းတွေဟာလဲ ကျမတခါမှ မကြားဘူးတဲ့ မေးခွန်းတွေပါ။ ဘာမေးခွန်းတွေလဲ ဆိုတာတော့ ကျမ မပြောတော့ပါဘူး။ မမှတ်မိလို့ပါ။ အဲ့ဒီမေးခွန်းတွေကို မေးပြီးတော့ ကျမကလဲ မဖြေနိုင်ပါဘူး။ ကျမကို ဆေးပညာနဲ့ ပတ်သက်တဲ့တာ မေးပါ။ ကျမ အကုန်ရပါတယ် ပြောတော့ အဲ့ဒါတွေ မမေးဘူးတဲ့၊ ငါတို့ မေးတဲ့ မေးခွန်းကိုပဲ ဖြေရမယ်တဲ့။ ကျမ စာမေးပွဲ ကျခဲ့ပါတယ်။ ကျမ အင်မတန် ထမ်းဆောင်ချင်တဲ့ တိုင်းပြည်တာဝန်ကို မထမ်းဆောင်ခဲ့ရပါ။ အဲ့ဒါ ကျမတို့ ဘွဲ့ရခါစ လွန်ခဲ့တဲ့ (၁၀) နှစ်ကပေါ့။ အခုအချိန်မှာတော့ အခြေအနေ တမျိုးပြောင်းသွားပါပြီ။

တိုင်းပြည်တာဝန်ကို ထမ်းဆောင်ဖို့ ဖိတ်ခေါ်လျက် ရှိပါတယ်။ မြို့နယ်ဆေးရုံတွေ၊ ကျေးလက်ကျန်းမာရေးဌာနတွေမှာ ဆရာဝန်တွေ လိုနေပါတယ်တဲ့။ အရင်တုန်းက တနှစ်တနှစ် အောင်ခဲ့တဲ့ ဆရာဝန်တွေ ငါးရာ ခုနှစ်ရာလောက် ရှိပါတယ်။ ခေါ်တဲ့ဆရာဝန်က ၁၅၀ လောက်ပဲ ရှိပါတယ်။ အခုတော့ တနှစ်တနှစ် ဘယ်လောက်အောင်သလဲတော့ မသိဘူး။ ခေါ်တဲ့သူတွေက အများကြီးပဲ။ ဖြေတဲ့သူတိုင်းကို အအောင်ပေးပါတယ်။ ဒါပေမယ့် ဖြေတဲ့သူ တဖြေးဖြေး နည်းသွားပါတယ်။ ကျမကိုယ်တိုင် အရင်တုန်းက တိုင်းပြည် တာဝန်ထမ်းဆောင်ချင်တဲ့ ကျမဟာ အခုအခြေအနေမှာ သွားပြီးတော့ ဖြေရင် အောင်မယ်ဆိုတာ ကျမ သိပါတယ်။ အခုတော့ ကျမ တိုင်းပြည်တာဝန် ထမ်းဆောင်ချင်တဲ့စိတ် မရှိတာလား၊ အသက်ကပဲ ကြီးသွားတာလား မသိပါဘူး။ စိတ်မ၀င်စားတော့ဘူး။ အခုတော့ ကျမဟာ ခပ်ညံ့ညံ့ ပြင်ပဆေးကု ဆရာဝန်ဘ၀နဲ့ပဲ ဆက်ပြီးတော့ နေထိုင်လျက် ရှိပါတယ်။ အဲ့ဒါက ကျမရဲ့ ဆရာဝန်ဘ၀ ညံ့ဖျင်းမှုတွေပါ။

ဆရာဝန်ဘ၀ ပြောပြီးတော့ စာရေးဆရာဘ၀ ညံ့ဖျင်းမှုတွေကို ၀န်ခံလိုပါတယ်။ ကျမ စာရေးဆရာအဖြစ် ဘာတွေညံ့သလဲ ဆိုတာကတော့ ကျမရဲ့ ၀တ္ထုဆောင်းပါးတွေကို ဖတ်တဲ့ ပရိသတ်တွေအနေနဲ့ ထူးပြီးတော့ ၀န်ခံစရာ မလိုလောက်အောင် သဘောပေါက်ပြီးသားလို့ ကျမ ယူဆပါတယ်။ ဒီတော့ ကျမစာရေးတာနဲ့ ပတ်သက်လို့ ကျမရဲ့ အရေးအသားတွေ၊ ဇာတ်လမ်းတည်ဆောက်ပုံတွေ၊ အတွေးအခေါ်တွေ ညံ့ဖျင်းတာကိုတော့ ကျမ မပြောတော့ပါဘူး။ ဒါပေမယ့် ရည်ရွယ်ချက်နဲ့ ပတ်သက်ပြီးတော့ ညံ့ဖျင်းတာကိုတော့ ကျမ ပြောလိုပါတယ်။ ကျမဟာ စာရေးဆရာ ဖြစ်လို့သာ ဖြစ်လာရတယ်၊ ဘာရည်ရွယ်ချက်မှ မရှိပါဘူး။ စာရေးဆရာ ဘာ့ကြောင့် ဖြစ်ချင်သလဲလို့ တယောက်ယောက်က မေးလိုက်တဲ့အခါမှာ ကျမ အိုးနင်းခွက်နင်း အမြဲဖြစ်တတ်ပါတယ်။ ဘာဖြေလို့ ဖြေရမှန်း မသိပါဘူး။ အဲ့ဒါဟာ ကျမရဲ့ ညံ့ဖျင်းမှုပါ။ အခုအချိန်ကျမှ ပြန်စဉ်းစားကြည့်ရတယ်။ အရင်တုန်းက ကျမ မသိပါဘူး။ အခုအချိန်လဲ ကျမ ဘာဖြစ်လို့ ပြန်စဉ်းစားမိသလဲဆိုတော့ ဆရာမကြီး ဒေါ်ခင်မျိုးချစ်ရေးတဲ့ ဆောင်းပါးတပုဒ် ဖတ်လိုက်ရလို့ပါ။ ဒေါ်ခင်မျိုးချစ်ကို အားလုံးသိကြမှာပါ။ အဲ့ဒီဆရာမကြီးက စာရေးတဲ့ ရည်ရွယ်ချက်နဲ့ ပတ်သက်လို့ ဆောင်းပါးတပုဒ် ရေးဖူးပါတယ်။ သူက ဘာကို ဥပမာပြသလဲဆိုတော့ ဖိလစ်ပိုင်အမျိုးသား အာဇာနည်ခေါင်းဆောင် ဒေါက်တာ ဟိုဆေးရီဇော်နဲ့ ဥပမာ ပြပါတယ်။ ဒေါက်တာ ရီဇော်ဟာ သူစာရေးတဲ့ အချိန်တုန်းက သူနိုင်ငံဟာ ကိုလိုနီနိုင်ငံပါ။ သူ့တိုင်းပြည် လွတ်လပ်ရေး မရသေးပါဘူး။ အဲဒီတော့ သူဟာ သူ့တိုင်းပြည်လွတ်လပ်ရေးရဖို့ ကျနော် စာ(၃)အုပ် ရေးပါမယ်တဲ့။ အဲ့ဒီစာ (၃) အုပ်ရေးပြီးတဲ့ အထိ ကျနော့်တိုင်းပြည်ဟာ လွတ်လပ်ရေး မရသေးဘူးဆိုရင် ကျနော် ကိုယ့်ကိုယ်ကို သတ်သေ ပစ်လိုက်မယ်တဲ့။ အဲ့ဒီ ရည်ရွယ်ချက်နဲ့ ကျေညာပြီး စာရေးတဲ့ သူတယောက်ပါ။ တကယ်လဲ သူစာအုပ် ရေးခဲ့ပါတယ်။ စာအုပ်နှစ်အုပ် ရေးပြီးတဲ့အခါမှာပဲ သူ့တိုင်းပြည်ဟာ လွတ်လပ်ရေး ရသွားပါတယ်။ သူကိုယ်တိုင်ကတော့ နယ်ချဲ့အစိုးရက သူပုန်ဆိုပြီး သတ်မှတ်ပြီးတော့ သေနတ်နဲ့ ပစ်သတ်ကွပ်မျက်တာကို ခံခဲ့ရပါတယ်။ သူဟာ သူရဲကောင်း ပီသစွာ ကျဆုံးသွားပါတယ်။ အဲဒီ ဒေါက်တာရီဇော်ရဲ့ ရည်ရွယ်ချက်ကို ဆရာမကြီး ဒေါ်ခင်မျိုးချစ်က ရေးပြလိုက်တဲ့အခါ ကျမ ကိုယ့်ကိုယ်ကို သိပ်ရှက်သွားပါတယ်။ ငါ ဘာရည်ရွယ်ချက်နဲ့ စာရေးတာလဲ။ သူများတွေများ ရည်ရွယ်ချက်က မွန်မြတ်လိုက်တာ။ မြင့်မြတ်လိုက်တာ၊ ငါ့မှာတော့ ဘာရည်ရွယ်ချက်မှ မရှိပါလား၊ ကျမရေးခဲ့တဲ့ ၀တ္ထုတွေ လေးငါးပုဒ်၊ လုံးချင်းစာအုပ်နဲ့ ၀တ္ထုတွေ ၃၀ ကျော်၊ ငါဘာကို ရေးတာလဲ၊ အဲ့ဒီတခါ ကျမ နည်းနည်းတော့ သဘောပေါက်လာပါတယ်။ ကျမဟာ ရည်ရွယ်ချက်တော့ ရှိခဲ့ဟန် တူပါတယ်။ ဘာရည်ရွယ်ချက် လဲ တွေးကြည့်တော့ ကျမ၀တ္ထုတွေထဲက ကျမ ပြန်ပြီးတော့ လေ့လာကြည့်ရသလောက်တော့ ကျမဟာ အမျိုးသမီးတယောက် ဖြစ်တာနဲ့အမျှ အမျိုးသမီးများရဲ့ ဂုဏ်သိက္ခာမြင့်မားရေး၊ တိုးတက်အောင်မြင်ရေး၊ ကိုယ်ကျင့်တရား မြင့်မြတ်ရေး အဲ့ဒါတွေကို ကျမ ဦးတည်ခဲ့ပုံရပါတယ်။ ကိုယ့်ဖာသာကိုယ် ပြန်ပြီးတော့ ဆင်ခြင်မိသလောက် ပြောရရင် ဒါတွေကြောင့် ရေးမိခဲ့တယ်နဲ့ တူပါတယ်။ ဒါတောင် အခုချိန်ထိ မသေချာသေးပါဘူး။ ဇဝေဇ၀ါ ဖြစ်တုန်းပါပဲ။ ဟုတ်မှဟုတ်ရဲ့လားလို့ ကျမကိုယ်ကျမ မသေချာသေးဘူး။ ဒါပေမယ့် ဒါ ထင်မြင်ချက်တခုပါ။ ကျမ အဲ့ဒီလို ရည်ရွယ်ချက်နဲ့ ရေးခဲ့မိတယ်လို့ ကျမ ကိုယ့်ဖာသာကိုယ်ပဲ ကောက်ချက်ချရပါတယ်။

ဒါက ရည်ရွယ်ချက်နဲ့ ပတ်သက်ပြီးတော့ ကျမ ညံ့တာ၊ နောက်တခုက ကျမတို့ဟာ ၀တ္ထုတပုဒ် ကဗျာတပုဒ် ရေးတဲ့အခါ ကိုယ့်ရဲ့စာကို စာဖတ်ပရိသတ် ဖတ်စေချင်တဲ့ ရည်ရွယ်ချက် ရှိပါတယ်။ စာဖတ်ပရိသတ်ဆီကို ပို့ချင်တဲ့ ဆန္ဒလေးတွေ အမြဲရှိပါတယ်။ ဒါ့ကြောင့် ကျမတို့ စာတွေ ရေးပါတယ်။ ကိုယ့်ကိုယ်ကို ဖတ်ဖို့ ရေးတာထက် သူတပါးဖတ်ဖို့ ရေးတာက ပိုပြီးတော့ များပါတယ်။ အဲ့ဒီတော့ ကျမဟာ ပရိသတ်အတွက် ရည်ရွယ်ပြီးတော့ ၀တ္ထုတွေ အများကြီး ရေးတယ်။ ဒါပေမယ့် ပရိသတ်ဆီကို ရည်ရွယ်သော်လည်း ပရိသတ်ဆီကို မရောက်ပဲ မမျှော်လင့်ပဲ ရေမြောင်းထဲကို ရောက်သွားခဲ့ရတဲ့ ၀တ္ထုလေးတွေ၊ ကဗျာလေးတွေ ရှိပါတယ်။ အယ်ဒီတာစာပွဲက ဆုတ်ဖြဲပြီးတော့ ရောက်တာ မဟုတ်ပါဘူး။ အယ်ဒီတာ စာပွဲကနေ ကျော်သွားပြီးမှ အကြောင်းကြောင်းကြောင့် ကျမရဲ့ ၀တ္ထုလေးတွေ ကဗျာလေးတွေ ရေမြောင်းထဲကို ရောက်သွားတာ ကျမ ခဏခဏ ကြုံရပါတယ်။ ဒါဟာ ကျမရဲ့ ညံ့ဖျင်းမှုတွေထဲမှာ ပါပါတယ်။ တကယ်တော့ ကျမတို့ဟာ စာဖတ်ပရိသတ်တွေဆီကို ပို့တဲ့အခါမှာ ပရိသတ်ဆီရောက်အောင် ကျမတို့ ရေးနိုင်ရပါမယ်။ ဘယ်လို အတားအဆီးပဲရှိရှိ ဘယ်လို အဖြတ်အတောက်ပဲ ရှိရှိ ဒါကို လှည့်ပတ်ပြီး ပို့နိုင်ရပါမယ်။ အရေးကြီးတာက ပန်းတိုင်ရောက်ဖို့ပဲ။ ဒါပေမယ့် ကျမတို့က အဲ့ဒီလို မပို့တတ်ဘူး။ ကျမက ပိုပြီးတော့ မပို့တတ်ဘူး။ အဲ့ဒီတော့ ကျမက ရည်ရွယ်ချက်နဲ့ ပရိသတ်ဆီကို ရောက်အောင် ပို့ပေးလိုက်ပေမယ့် တခါတခါကျတော့ ကံအကြောင်း မသင့်လို့ ပရိသတ်ဆီကို မရောက်တော့ပဲ ရေမြောင်းထဲကို ရောက်သွားတာ ကြုံရပါတယ်။ အဲ့ဒါဟာ ကျမရဲ့ ညံ့ဖျင်းမှုပါ။ ရေမြောင်းထဲကို ရောက်သွားတဲ့ ၀တ္ထုလေးတွေ အများကြီး ရှိပါတယ်။ ကဗျာလေးတွေ အများကြီး ရှိပါတယ်။ အဲ့ဒီထဲက ကျမ ကဗျာတပုဒ်အကြောင်း ပြောပြချင်ပါတယ်။ ကဗျာလေးက တိုတိုလေးပါ။

ကဗျာလေးခေါင်းစဉ်က 'လေလွင့်သူရဲ့တိမ်' လို့ အမည်ပေးထားပါတယ်။ လွန်ခဲ့တဲ့ (၈) နှစ်လောက်က ရေးထားတာပါ။ ကျမ အဲ့ဒီကဗျာကို ပရိသတ်ဆီပို့ဖို့ အခုအချိန်ထိ ၃ ကြိမ်တိတိ ပို့ပြီးပါပြီ။ ၃ ကြိမ်လုံးလုံး ရေမြောင်းထဲပဲ ရောက်သွားပါတယ်။ ဒီတော့ အဲဒီကဗျာလေး ဘာကြောင့် ရေမြောင်းထဲကို ရောက်သလဲဆိုတာ ၀ိုင်းပြီးတော့ ဆန်းစစ်ပေးပါလို့ ကျမ တောင်းပန်ချင်ပါတယ်။ ကျမ အဲ့ဒီကဗျာလေးကို ရွတ်ပြပါမယ်။ နဲနဲကြာပြီဆိုတော့ အလွတ်မရလို့ စာရွက်ကို ကြည့်ပြီးတော့ ရွတ်ပါမယ်။

မုန်းတီးသူများ
နေ့စဉ်စားသုံးရင်း
ခွန်အားသစ်တွေ ဖြစ်ခဲ့ပြီ။

မုန်းတီးမှုတွေ စားရတယ်ဆိုတာ တခြား စားစရာ မရှိလို့ စားရတာပါ။ ကျမမှာက နေ့စဉ်နှင့်အမျှ မုန်းတီးမှုကို စားရပါတယ်။ တချို့ တချို့သော သူတွေ၊ ကံကောင်းတဲ့သူတွေကတော့ စားစရာတွေ အများကြီး ရှိမှာပေါ့။ အဟာရရှိတဲ့ အစားအစာတွေ အများကြီး စားတဲ့အခါမှာ သူတို့ရဲ့ ဗိုက်တွေကလဲ တဖြေးဖြေးနဲ့ ပိုပိုပြီး ပူလာပါတယ်။ (ရီသံ၊ လက်ခုပ်သံများ) အဲ့ဒီတော့ ဒီပရိသတ်ထဲမှာ ဗိုက်ပူသူ ရှိရင် (ရီသံများ) တချို့ကျတော့ ဘီယာသောက်လို့ ဗိုက်ပူတတ်ပါတယ်။ အဲ့ဒါတွေက တမျိုးပေါ့။ ကျမမှာတော့ သူများလို စားစရာ အဟာရလဲ သိတ်မရှိ၊ လူပုံကို ကြည့်လိုက်ပါ၊ လူပုံကလဲ ပိန်ပိန် ပုပု သေးသေးလေး၊ ဒါ အဟာရ မရှိလောက်ဖူးဆိုတာ သိလောက်ပါတယ်နော်။ ကျမတို့မှာက ဆန်စပါး။ ၀၀လင်လင် မစားရ။ တချို့တော့ ဆန်စပါးတင်မကဘူး၊ ဘိလပ်မြေတွေ ဘာတွေလဲ စားတတ်ကြတယ်လို့ ပြောပါတယ်။ (ရီသံများ) အဲ့ဒီတော့ ကျမက စားစရာ မရှိတော့ နေ့စဉ်နှင့်အမျှ ကိုယ့်ရဲ့ မုန်းတီးမှုကို ကိုယ့်အမုန်းတွေကို ပြန်ပြီး စားရင်း ကိုယ့်ကိုယ်ကို ခွန်အားဖြစ်အောင် နေခဲ့ရပါတယ်။ အဲ့ဒီအဓိပ္ပါယ်နဲ့ ကျမဟာ ကဗျာလေးကို အဲ့ဒီလို ရေးဖွဲ့ခဲ့ပါတယ်။

မုန်းတီးမှုများ
နေ့စဉ်စားသုံးရင်း
ခွန်အားသစ်တွေ ဖြစ်ခဲ့ပြီ။

နှစ်သုံးဆယ်ကြာတဲ့ မီးလျှံများ
လေတိုက်စားလို့ ငြိမ်းခဲ့ပြီ။

အဲ့ဒါကလဲ အဲ့ဒီကဗျာရေးတော့ ကျမက အသက် ၃၀ မို့လို့ နှစ် ၃၀ ကြာတဲ့ မီးလျှံများလို့ ရေးတာပါ။ (ရီသံများ)

လွဲချော်သွားတဲ့ နာရီများအတွက်
အိပ်မက်တွေကို ရှက်တိုင်း
အနက်ရှိုင်းဆုံးဆိုတဲ့ သောကများ
ဘုရားတရင်း စိန်ခေါ်ခဲ့ရပြီ။

နာရီလွဲတာ၊ အချိန်လွဲတာတွေ လူ့ဘ၀မှာ အများကြီးပါပဲ။ ကျမတို့ မှန်းထားတာက တခြား၊ ဖြစ်သွားတာက တခြား၊ မှန်းထားတဲ့ အချိန်ကတခြား၊ ဖြစ်သွားတဲ့ အချိန်က တခြား၊ အဲ့ဒါတွေ အများကြီး ကြုံရပါတယ်။ အဲ့ဒီတော့ ကျမက အဲ့ဒီလို ရေးပါတယ်။ 'ဘုရားတရင်း စိမ်ခေါ်ခဲ့ရပြီ' ဆိုတာလဲ ကျမတို့က စိမ်ခေါ်တာတောင်မှ ရဲရဲတင်းတင်း စိမ်မခေါ်ရဲပါဘူး။ ဘုရားကို အာရုံပြုပြီးမှ စိမ်ခေါ်ရတာပါ (လက်ခုပ်သံများ) နောက်တပိုဒ် ကျမ ဆက်ရေးပါတယ်။

ဂုဏ်သိက္ခာတွေ ကြွေမွပြီး
စီးထားတဲ့ ဖိနပ်အောက်
အမှန်တရားတွေ မှောက်ကျသွားတဲ့အခါ
ဘ၀ဆိုတာ ကောလဟလပါပဲ။

(လက်ခုပ်သံများ) ဂုဏ်သိက္ခာလဲ မရှိဘူး၊ ကိုယ်စီးတဲ့ ဖိနပ်အောက် အမှန်တရားကို မှောက်ကျပစ်လိုက် တဲ့အခါ၊ မှောက်ချပစ်လိုက်တဲ့အခါ ဘ၀ဆိုတာ ကောလဟလ တခုထက် မပိုပါဘူး။ ဒီလိုဘ၀မျိုးကဖြင့် အားကျစရာ မရှိပါဘူး။ ဒီလိုဘ၀မျိုးကို မက်မောစရာ မရှိပါဘူး။ ကျမက အဲဒီလို ရေးပါတယ်။

ရွှေရှာသူများ
ငွေရှာသူများ
နေရာယူသူများ
အားလုံးရဲ့နောက်မှာ
ငါ....
လေဆာရောင်ခြည်သေနတ်နဲ့ လူသတ်ချင်တယ်။

(လက်ခုပ်သံများ) ဒါပေမယ့် ဆိုတာက ကိုယ်ဖြစ်ချင်တာတွေ၊ ကိုယ့်ဆန္ဒတွေ လု

တိုင်း မဂ္ဂဇင်း ၏ တစ်နှစ်တာ ပုဂ္ဂိုလ် အဖြစ် ဘင် ဘာနန်ကေး ကိုရွေးချယ်

သီရိထက်(ဘော်စတွန်)
၁၆ ဒီဇင်ဘာ ၂၀၀၉
freedom News Group

တိုင်း မဂ္ဂဇင်းကြီး မှ နှစ်စဉ်ရွေးချယ်ချီးမြှင့်သည့် တစ်နှစ်တာ ထူးခြားထင်ရှားသည့် ပုဂ္ဂိုလ် Person of the year အဖြစ်ယခုနှစ် တွင် အမေရိကန် ဗဟိုဘဏ် အကြီးအကဲ ဘင်ဘာနန် ကေးအား ယနေ့ ရွေးချယ်ဖေါ်ပြခဲ့သည်။

ဟာဗတ် တက္ကသိုလ် နှင့် မက်ဆာချူးဆက် တက္ကသိုလ်များတွင် စီးပွားရေး စီမံခန့် ခွဲမှု နှင့် ဘောဂဗေဒ နှင့် သက်ဆိုင်သည့် ပညာရပ် များကို လေ့လာ သင်ကြားခဲ့သည့် ဘန်ဘာနန်ကေးသည် အလန် ဂရင်းစပန်း၏ ရာထူးကိုဆက်ခံသူတစ်ယောက် ဖြစ်ပြီး ယခင် သမ္မတ ဂျော့ဘုရှ် လက်ထက် ၂၀၀၆ ခုနှစ် ဖေဖေါ်ဝါရီလ ၁ ရက်နေ့ တွင် ဗဟိုဘဏ် ဥက္ကဌ အဖြစ်တာဝန်ထမ်းဆောင်ခဲ့သူ ဖြစ်သည်။

အိုဘားမား သမ္မတ ဖြစ်သည့် အခါ တွင်လည်း ရီပတ်ဘလစ်ကန် တစ်ဦးဖြစ်သည့် ဘာနန်ကေးအား ဗဟိုဘဏ် ဥက္ကဌ အဖြစ်ဆက်လက်တာဝန် ပေးခဲ့သည်။

တိုင်း မဂ္ဂဇင်းက ဘာနန်ကေးသည် တိုင်းပြည်၏ ငွေကြေးဈေးကွက်ပြိုလဲမှု နှင့် အတူ ကျွဲကူးရေပါ ကြုံတွေ့ ရသည့် စီးပွားပျက်ကပ် ကို ကယ်တင်နိုင်ခဲ့သူ အဖြစ် ချီးကျုးခဲ့သည်။ ၁၉၃၀ ပြည့်လွန်နှစ်များက အမေရိကန် ကြုံတွေ့ ခဲ့ရသည့် မဟာစီးပွားပျက်ကပ်မျိုးမဖြစ်ရလေ အောင် ဂျူးနွယ်ဖွား တစ်ဦး ဖြစ်သည့် ဘာနန်ကေး သည် ထူးထူးခြားခြားစွမ်းဆောင် နိုင်ခဲ့သည် ဟု ဖေါ်ပြထားသည်။

ဒီဇင်ဘာ လ ၁၃ ရက်နေ့ တွင် အသက် ၅၆ နှစ်ပြည့်သွားပြီ ဖြစ်သည့် ဘာနန်ကေအားတိုင်း မဂ္ဂဇင်းက “စွမ်းပကားကြီးမားလှသည့် တဇွတ်ထိုး သမားကြီး” ဟု ၀ိသေသ ပြုခဲ့သည်။

တိုင်း မဂ္ဂဇင်း၏ အုပ်ချုပ်မှု ဆိုင်ရာ အယ်ဒီတာ ရစ်ချတ် စတန်ဂယ်က “စီးပွားရေးတုံ့ ဆိုင်းမှု ဟာ ဒီနှစ်အတွက် ဇာတ်လမ်းတစ်ခုပါပဲ တကယ်လို့ ဘာနန်ကေးသာ ဒီနေရာမှာမရှိခဲ့ဘူးဆိုရင် ဒီထက်ပို ဆိုးသွားနိုင်တယ် “ဟု NBC ရုပ်သံကို ပြောကြားခဲ့သည်။

တိုင်းမဂ္ဂဇင်းက Person of the year အဖြစ်ထုတ်ဖော်ပြောကြားခြင်းမပြုသေးခင် တစ်ရက်အလိုက လွှတ်တော် ဘဏ္ဍရေးကော်မတီ က နောက်ထပ် သက်တမ်းအားဆက်လက်တာဝန်ထမ်းဆောင်ရန် အတည်ပြုပေး ခဲ့သည်။

တိုင်း မဂ္ဂဇင်းသည် ၁၉၂၇ ခုနှစ်မှ စ၍ Man of the year အမည်ရှိ တစ်နှစ်တာအတွင်းထူးခြားထင်ရှားသည့် သူများကို ဆုများစတင်ပေးခဲ့ရာ လေယာဉ်မှုး နှင့် စွန့် စားသွားလာသူ ချာလ်းလင်းဘတ်က ပထမ ဦးဆုံးအကြိမ် Man of the year အဖြစ်ရွေးချယ်ဖေါ်ပြခံရသည်။

ဟစ်တလာ ၊စတာလင် စသူတို့ လည်း Man of the Year အဖြစ်ရွေးချယ်ခံရသည်။တရုတ်သမတ တိန့်ရှောင် ဖိန်နှင့် အမေရိကန် သမ္မတ ထရူးမင်း၊အိုင်စင်ဟောင်ဝါ ၊ဂျော့ဘှုရှ် တို့ မှာ နှစ်ကြိမ်တိုင် ရွေးချယ် ဖော်ပြခံရသူများစာရင်းတွင်ပါဝင်သည်။

ဘုရှ် အကြီး နှင့် အငယ် တို့ မှာ သားအဖနှစ်ဦးစလုံးရွေးချယ်ဖေါ်ပြခံရသည်။ယခင်က နိုင်ငံရေး နယ်ပယ်မှ ထင်ရှားသူ များကို ဦးစားပေး၍ ဖော်ပြသည်။ ၁၉၉၀ ပြည့်လွန်နှစ်နောက်ပိုင်းတွင် သတင်းဆက်သွယ်ရေး နည်းပညာ နှင့် မီဒီယာ နယ်မှ ပုဂ္ဂိုလ် အချို့ ကိုဖော်ပြခဲ့သော်လည်း စီပွားရေး နှင့် ဘဏ္ဍရေးနယ်ပယ်မှ ပုဂ္ဂိုလ် အားယခု ဖော်ပြမှုသည်ပထမ ဆုံးအကြိမ် ဖြစ်သည်။

ဂရင်းစပန်းနေရာကို ဘာနန်ကေးက ဆက်ခံကြောင်း သမ္မတဂျော့ဘုရ်ှက ပြည်သူများကို အသိပေး ပြောကြားစဉ် အာရှ မှ အမျိုးသမီးတစ်ဦး ဖြစ်သည့် ဖိလစ်ပိုင်လူမျိုး နှင့် အာဏာရှင် မားကိုစ်အား ဖြုတ်ချနိုင်ခဲ့သူ ကိုရာဇန် အကွီနိုသည် လည်း တိုင်း၏ Person of the year အဖြစ်၁၉၈၆ ခုနှစ်တွင် ရွေးချယ်ခံ ခဲ့ရသည်။

ဘာနန်ကေးသည် ပရင်စတန် ၊စတန်းဖို့ဒ် ၊MIT နှင့် နယူးယောက် တက္ကသိုလ် တို့၏ပါမ္ခောအဖြစ် တာဝန် ထမ်းဆောင်ခဲ့ဖူးသည်။

တိုင်း မဂ္ဂဇင်းက သူ့ အားအမေရိကန် ၏ စီးပွားရေးသာမက ကမ္ဘာ့စီးပွားရေးကိုပါ ကယ်တင်နိုင်ခဲ့သူ ဟု ယနေ့ ထုတ်တိုင်းမဂ္ဂဇင်း တွင်ဖော်ပြထားသည်။

တိုင်း မဂ္ဂဇင်းက ထိုသို့ စီးပွားရေးပညာရှင်အား ဂုဏ်ပြုခြင်းသည် မြန်မာနိုင်ငံတွင် စစ်အစိုးရ နိုဘလ်ဆုရှင် စီးပွားရေးပညာရှင် စတိုင်းဂလစ် အားနေပြည် တော်သို့ ခေါ်၍အကြံဥာဏ် တောင်းချိန် နှင့် လည်းတိုက်ဆိုင်နေသည်။

ဘာနန်ကေးသည် အမေရိကန် ၏ ၁၄ ဦးမြောက် ဗဟိုဘဏ် ဥက္ကဌ ဖြစ်သည်။၁၃ မြောက် ဗဟိုဘဏ် ဥက္ကဌ ဂရင်းစပန်းသည် ၁၉ နှစ် တိုင် ဗဟိုဘဏ် ဥက္ကဌ အဖြစ် တာဝန်ထမ်းဆောင်ခဲ့သည်။

ခမာနီခေါင်းဆောင်များ ကို သင်ခန်းစာယူပါ

Source: ဘန်ကောက်ပို့စ် - "UN-backed court issues K.Rouge genocide charges"

-မြတ်စိုး-
၁၂.၁၆.၂၀၀၉

တချိန်က မြန်မာအာဏာရှင်များကို အတုယူအားကျခဲ့ကြတဲ့ ကမ္ဘောဒီးယားနိုင်ငံမှ ခမာနီ ခေါင်းဆောင်များကို ၎င်းတို့ အာဏာရှိစဉ်ကာလအတွင်း ဖြစ်ပွားခဲ့သော လူအစုလိုက်အပြုံလိုက် သတ်ဖြတ်ခဲ့မှုတွင် ပါဝင်ပတ်သက်မှုဖြင့် ကုလသမဂ္ဂ က ထောက်ခံမှုပေးထားသော ကမ္ဘောဒီးယားအထူးခုံရုံးတခုက တရားစွဲဆို လိုက်ပြီဖြစ်ကြောင်း ဗုဒ္ဓဟူးနေ့ ထိုင်းနိုင်ငံထုတ် ဘန်ကောက်ပို့စ် သတင်းစာတွင် ရေးသားဖော်ပြထားသည်။

ခမာနီခေါင်းဆောင် အဆင့် နှစ် ရာထူးတာဝန်ထမ်းဆောင်ခဲ့တဲ့ Nuon Chea နှင့် နိုင်ငံခြားရေး ၀န်ကြီးအဖြစ် တာဝန် ထမ်းဆောင်ခဲ့သူ Leng Sary တို့နှစ်ဦးကို ၁၉၇၅-၁၉၇၉ ခုနှစ် ကာလ ခမာနီ ကွန်မြူနစ်တို့ အာဏာရရှိခဲ့စဉ် အတွင်း ကမ္ဘောဒီးယား မှာရှိတဲ့ ဗီယက်နမ် လူမျိုးများ နှင့် မွတ်စလင်မ် ချမ် တွေကို အစုလိုက်အပြုံလိုက် သတ်ဖြတ်ခဲ့မှု တွင် ပါဝင်ပတ်သက်မှုဖြင့်တရားစွဲဆိုခဲ့ခြင်းဖြစ်သည်ဟု သတင်းများတွင်ဖော်ပြထားသည်။ သူတို့နှစ်ဦးဟာ ခမာနီ ကွန်မြူနစ်တို့ အာဏာရရှိခဲ့စဉ်အတွင်း အလွန်သဘောထားတင်းမာသူများဖြစ်ပြီး၊ လူသားမဆန်တဲ့ ရက်စက်မှုများအပေါ် တာဝန်ရှိခဲ့ကြတယ်လို့ ဖော်ပြထားပါသည်။

သူတို့နှစ်ဦးစလုံးကို ယခင်က စစ်ရာဇ၀တ်မှု နှင့် လူသားများအပေါ်ပြစ်မှုကျူးလွန်မှုတို့ဖြင့် လည်း တရားစွဲဆိုထားပြီးဖြစ်သည်။

ကမ္ဘောဒီးယား၌ ခမာနီအစိုးရအုပ်ချုပ်စဉ်ကာလ (၁၉၇၅-၇၉) အတွင်း အစားအစာငတ်မွတ်မှု၊ ဆင်းရဲမွဲတေမှု၊ ရောဂါကူးစက် ခံရမှု၊ တရားဥပဒေမဲ့ သေဒဏ်စီရင်ခဲ့မှု၊ လူသားမဆန်စွာ ညှင်းပန်းနှိပ်စက်ခဲ့မှု၊ လူသားများအားအစုလိုက်အပြုံလိုက်သတ်ဖြတ်ခဲ့မှု တို့ကြောင့် လူပေါင်း (၂) သန်းနီးပါး သေဆုံးခဲ့ရပြီး၊ ယင်းအမှုများတွင် ပါဝင်ပက်သက် ခဲ့ကြသော ခမာနီ အကြီးအကဲများ ဖြစ်ကြသည့် ပိုပေါ့၊ ခယူဆန်ဖန်၊ နာမည်ဆိုးနှင့်လူသိများသော Tuol Sleng လျှို့ဝှက်အကျဉ်းထောင် အကြီးအကဲ ဒက်ခ်ျ (Kaing Guek Eav, known by the alias Duch) အပါအ၀င် ခမာနီခေါင်းဆောင်များ ကို ကုလသမဂ္ဂ က ထောက်ခံမှုပေးထားသော ကမ္ဘောဒီးယား အထူးခုံရုံးတခုက တရားမျှတမှု ရှိအောင် တရားစွဲဆို အရေးယူမှုများ ပြုလုပ်လျှက် ရှိပါသည်။

အာဏာရှင်များအနေဖြင့် မိမိတို့ အာဏာရှိစဉ်အတွင်း လူသားများအပေါ် ကျူးလွန်ခဲ့သော ပြစ်မှုများ အပေါ် အကာအကွယ် ရယူနိုင်ကြပေမဲ့၊ နောင်တချိန်မှာ တရားမျှတမှုရှိအောင် စီရင်ဆုံးဖြတ်ခြင်းကို ရင်ဆိုင်ကြရ ပါလိမ့်မယ် ဆိုတာ ခမာနီခေါင်းဆောင်များ၏ နောက်ဆုံးနေ့ များက သက်သေထူနေပါသည်။

ဒေါ်အောင်ဆန်းစုကြည် ဦးအောင်ရွှေ၊ဦးလွင်၊ဦးလွန်းတင်တို့ နဲ့ တွေ့ ဆုံခွင့်ရ

ဒေါ်အောင်ဆန်းစုကြည်က ဗိုလ်ချုပ်သန်းရွှေထံစာတစောင်ပို့ ထားပါတယ်။ စာမှာ ဗိုလ်ချုပ်သန်းရွှေနဲ့ တွေ့ ဆုံပြီးစီးပွားရေးပိတ်စို့ မှုကိုအဖြေရှာရန် နဲ့  သူမရဲ့ ပါတီခေါင်းဆောင်များ နဲ့ တွေ့ ဆုံ ခွင့်ကိုတောင်း ဆိုထားခဲ့ပါတယ်။ ဒီတောင်းဆိုမှုမှာ ဗ်ိုလ်ချုပ်သန်းရွှေနဲ့ တွေ့ ဆုံမှုကို အကြောင်းမပြန်သေးပေမဲ့  အသက်အရွယ်ကြီးရင့်နေတဲ့ သူမ ပါတီခေါင်းဆောင်တွေနဲ့  မနေ က တွေ့ ဆုံခွင့်ပြုလိုက်တယ်လို့ သိရပါတယ်။ ဒေါ်အောင်ဆန်းစုကြည်က ဦးအောင်ရွှေ ( ၉၁ နစ်)၊ ဦးလွန်းတင် (၈၈ နစ်) နဲ့ ဦးလွင် ( ၈၆ နှစ် ) တို့ ကို စစ်အစိုးရ ညေ့် ဂေဟာ မှာတွေ့ ဆုံခဲ့တယ်လို့ သိရတယ်။ တွေ့ ဆုံမှုမှာ ဒေါ်အောင်ဆန်းစုကြည်က ပါတီကို ပြန်လည်ဖွဲ့ စည်းဖို့ အတွက် ဒီခေါင်းဆောင်တွေဆီက ခွင့်ပြုချက်တောင်းခံခဲ့တယ်လို့ သိရပါတယ်။

အမျိုးသားဒီမိုကရေစီအဖွဲ့ ချုပ်ဟာ မီးစာကုန်ဆီခန်းအနေထားကိုရောက်ရှိနေပါတယ်။ ပြုပြင်ပြောင်းလဲမှုများကိုနစ်ပေါင်းများစွာကတည်းက ပြုလုပ်သင့်ပေမဲ့ အခုထိ မလုပ်ခဲ့ကြပါဘူး။ လက်ရှိ တာဝန်ယူနေတဲ့ ဦးအောင်ရွှေနဲ့ စီအီစီအဖွဲ ဟာ ပြည်သူလူထုက ပေးအပ်ထားတဲ့ ၁၉၉၀ ရွေးကောက်ပွဲရလဒ်ကိုအောင်မြင်အောင်အကောင်ထည်ဖေါ်နိင်ခဲ့ခြင်းမရှိခဲ့ပါဘူး။ သူတို့ ရဲ့ မပြတ်သားတဲ့ခေါင်းဆောင်မှု မျာကြောင့် အမျိုးသားဒီမိုကရေစီအဖွဲ့ ချုပ်အတွက်ရော တိုင်းပြည်အတွက်ပါ အဆိုးဆုံးအခြေအနေများကို ရင်ဆိုင်နေရခြင်းဖြစ်ပါတယ်။ ဒေါ်အောင်ဆန်းစုကြည်နဲ့  လက်ရှိခေါင်းဆောင် သုံးဦးတွေ့ ဆုံမှုဟာ နောက်ဆုံးတွေ့ ဆုံမှုဖြစ်နိင်ပြီး

ဒီအချိန် မှာ အကျိုးရှိတဲ့ တိုးတက်တဲ့ပြုပြင်ပြောင်းလဲမှုတွေကိုမလုပ်နိင်ရင်တော့ အမျိုးသားဒီမိုကရေစီအဖွဲ့ ချုပ်အနာဂတ်ဟာ စိုးရိမ်စရာဖြစ်လာနိင်ပါတယ်။

အီရန် ဒုံပျံ စမ်းသပ်ပြစ်ခတ်

အီရန် က ဆာချေး -၂ - လ်ို့ အမည်ပေးထားတဲ့ တာဝေးပြစ်ဒုံးပျံတခုကို အောင်မြင်စွာစမ်းသပ်ပြစ်လွတ်လိုက်ပါတယ်။ ဒီဒုံပျံက အစ္စရေးနဲ့  အမေရိကန် စစ်အခြေစိုက်စခန်းတွေအထိ ကို ရောက်နိင်စွမ်းရှိလာပါတယ်။ မိုင် ၁၂၀၀ ကျော်အထိပြစ်ခတ်နိင်စွမ်းရှိလာတယ်။ မနေ့ က အမေရိကန် ကွန်ကရက်မှာ အိရန် ကို စီးပွားရေးအရပိတ်စို့ ဖို့  ဥပဒေကြမ်းတခုကို ချမှတ်အပြီးမှာ အီရန် တို့ က ဒီဒုံးပျံကို စမ်းသပ်ပြစ်လွတ်လိုက်တာဖြစ်ပါတယ်။ ဒီစမ်းသပ်မှုကြောင့် အီရန်နဲ့ အမေရိကန် ဆက်ဆံရေးက ပိုမိုတင်းမာလာနေပါတယ်။

စင်တင်ပွဲသီချင်းများတွက် တေးရေးကို အနုပညာကြေး ပေးရတော့မည်

သဲသဲ
Monday, 14 December 2009 19:36

၂၀၁၀ ပြည့်နှစ် ဇန်န၀ါရီ ၁ ရက်နေ့မှ စတင်၍ အကျိုးအမြတ်ရယူသည့် စင်မြင့် ဖျော်ဖြေပွဲများတွင် သီဆိုသည့် သီချင်းများအတွက် တေးရေး ဆရာများကို အနုပညာကြေး ပေးဆောင်ရမည် ဖြစ်ကြောင်း သိရသည်။

ထို ပြဌာန်းချက်ကို စတီရီယိုတေးရေးဆရာ ၁၉ ဦး စုပေါင်းပြီး MCLC Co.Ltd (ဂီတ အနုပညာထုတ်ဝေရေး နှင့် ထုတ်လုပ်ရေး) ဟူ၍ ဖွဲ့စည်းကာ ထုတ်ပြန်လိုက်ခြင်း ဖြစ်ပြီး အဆိုပါ တေးရေးဆရာများ၏ သီချင်းများကို ဖျော်ဖြေတင်ဆက်လျှင် ခွင့်ပြုချက် ရယူရမည် ဖြစ်သည်။

“တကယ်တော့ အသိဉာဏ်ပစ္စည်း ပိုင်ဆိုင်ခွင့်ပေါ့။ သီချင်းတပုဒ်ကို တကယ်ပိုင်တာ သီချင်းရေးဆရာပဲ၊ အဲဒါကြောင့် လုပ်ချင်တိုင်း လုပ်လို့ မရဘူးဆိုတဲ့သဘောပါ” ဟု MCLC ကုမ္ပဏီမှ အဖွဲ့ဝင်တဦးဖြစ်သူ တေးရေး မောင်သစ်မင်းက ဧရာဝတီကိုပြောသည်။

၎င်းကုမ္ပဏီတွင် ပါဝင်သည့် တေးရေးဆရာများမှာ စိုင်းခမ်းလိတ်၊ ကိုနေ၀င်း၊ သုခမိန်လှိုင်၊ မောင်သစ်မင်း၊ ၀င်းမင်းထွေး၊ မင်းချစ်သူ၊ သော်ဒီဝေ၊ ညီညီသွင်၊ စောခူဆဲ၊ ထူးအိမ်သင်၊ ရွှေဂျော်ဂျော်၊ မြင့်မိုးအောင်၊ ကေအေတီ၊ နိုင်းနိုင်၊ Rခိုင်၊ ဇ၀ါ၊ အရိုး တို့ ဖြစ်သည်။

အဆိုပါ တေးရေးများထဲတွင် ကော်ပီသီချင်း ရေးသားသူများ ပါဝင်သော်လည်း စာသားမူပိုင်ခွင့်အတွက် အခကြေးငွေ ပေးဆောင်ရမည် ဖြစ်ကြောင်း သိရသည်။

၎င်း တေးရေး ၁၉ ဦး၏ သီချင်းများကို တေးစာသား (သို့မဟုတ်) တေးစာသားနှင့် သံစဉ်များအား ပြည်တွင်း၊ ပြည်ပ မည်သည့် နေရာတွင်မဆို “စီးပွားရေး အသွင်ဆောင်သည့်” ဖျော်ဖြေတင်ဆက်မှုပြုလုပ်မည်ဆိုပါက တာဝန်ခံ စီစဉ်သူများကိုယ်တိုင်ကဖြစ်စေ၊ တီးဝိုင်း မန်နေဂျာက ဖြစ်စေ၊ အဆိုတော်များက ဖြစ်စေ အသိပေးရမည်ဖြစ်ကြောင်း ဒီဇင်ဘာ ၁၂ ရက်နေ့ထုတ် မြန်မာ့အလင်း သတင်းစာတွင် ဖော်ပြချက်ကို ကိုးကား၍ ယခုတပတ်ထုတ် Weekly Eleven ဂျာနယ်တွင် ရေးသားထားသည်။

စီးပွားရေးအသွင်ဆောင်သည့် ဖျော်ဖြေတင်ဆက်မှုများထဲတွင် အခကြေးငွေယူ၍ သီဆိုကြသော ပြည်တွင်းပြည်ပမှ စင်တင်တေးဂီတ ပွဲများ၊ သီချင်းဆိုပြိုင်ပွဲများ၊ မွေးနေ့၊ မင်္ဂလာဧည့်ခံပွဲများ၊ စားသောက်ဆိုင်၊ ကာရာအိုကေ ဖျော်ဖြေပွဲများနှင့် အခကြေးငွေဖြင့် ဖျော်ဖြေ တင်ဆက်မှုအမျိုးမျိုး တို့အပြင် စီးပွားရေးအသွင် ရုပ်/ သံ၊ ရေဒီယို ထုတ်လွှင့်ခြင်း၊ အွန်လိုင်း လွှင့်တင်ခြင်း စသည်တို့ ပါဝင်ကြောင်း သိရသည်။

မြန်မာနိုင်ငံတွင် တေးသီချင်းများကို အသုံးချ၍ အခကြေးငွေယူဆောင်ကာ လုပ်ဆောင်မှု အများအပြား ရှိသော်လည်း တေးရေးဆရာ များကို အလေးအနက်ထားကာ အသိပေးပြောကြားခြင်းမပြုဘဲ အဆင့်ကျော် လုပ်ဆောင်နေကြသည်ဟု မောင်သစ်မင်းက ပြောသည်။

“ပွဲတပွဲ လုပ်ပြီဆိုရင် တေးဆို၊ တီးဝိုင်း၊ စက်ပစ္စည်း အကုန်လုံးကို ပေးရတယ်။ ဒါပေမယ့် တေးရေးတွေကျတော့ ချန်ထားတယ်။ ဒါ ကြောင့် ကျနော်တို့ကိုပါ ပေးရမယ်ဆိုပြီး တောင်းလိုက်တဲ့သဘောပါ။ ဒီလိုကျန်နေတာ မှားနေတယ်လေ။ ကျန်နေခဲ့တာမှ နှစ်ပေါင်း ၃၀၊ ၄၀ လောက်တောင်ရှိပါပြီ” ဟု ၎င်းက ဆိုသည်။

ထို့အပြင် နာမည်ကြီး မင်းသား၊ မင်းသမီးများသည် အဆိုတော်များအတွက် သီးသန့်ရေးသားပေးထားသော တေးသီချင်းများကို တေးရေးဆရာအား ခွင့်မတောင်းဘဲ ပြည်တွင်းပြည်ပ စင်တင်ပွဲများ၌သော်လည်းကောင်း၊ သင်္ကြန်ပွဲတော်ကာလ များတွင် သော်လည်းကောင်း သီဆိုပြီး သိန်း ဆယ်နှင့်ချီကာ ရရှိသွားကြကြောင်း၊ တေးရေးဆရာများမှာမူ ထိုက်သင့်သည့် ရပိုင်ခွင့်များကို မရရှိခဲ့ကြောင်း ၎င်းက ဆက်ပြောသည်။

“ပွဲငှားတဲ့သူက သူတို့ကို သိန်းရာနဲ့ချီ၊ ဆယ်နဲ့ချီ ငှားနိုင်တယ်ဆိုရင် ကျနော်တို့ဘက်ကိုလည်း လှည့်ပြီး ဆောင်ရွက်ပေးသင့် တာပေါ့။ ပြန်တွက်ကြည့်လိုက်တော့ ကျနော်တို့နစ်နာတာတွေ အရမ်းကိုများနေပြီ။ အဲဒါကြောင့် ကျနော်တို့က စီးပွားရေး လုပ်ငန်းလုပ်ရင်းနဲ့ တတွဲတည်း စည်းကမ်းတကျဖြစ်အောင် လုပ်လိုက်တာပါ” ဟု မောင်သစ်မင်းက ပြောသည်။

MCLC Co.Ltd သည် ဂီတနှင့်ပတ်သက်သော လုပ်ငန်းများဖြစ်သည့် အသံလွှင့်လုပ်ငန်းများ၊ ရုပ်/ သံလွှင့် လုပ်ငန်းများကို ဆောင်ရွက်ပေးခြင်း၊ စီရီးခွေနှင့် သီချင်းစာအုပ်များထုတ်လုပ်ခြင်း၊ ရုပ်ရှင်သီချင်းများ လက်ခံသွင်းပေးခြင်း၊ ဇာတ်ကားများနှင့် လိုက်ဖက်မည့် တေးသီချင်းများ ရေးသားပေးခြင်း စသည်တို့ကို လုပ်ဆောင်လျက်ရှိသည်။

ယခင်က တေးသီချင်းများနှင့် ပတ်သက်၍ ရုပ်ရှင်၊ ဗီဒီယိုများတွင် ထည့်သွင်းအသုံးပြုခြင်း၊ စီးရီး ထုတ်လုပ်ခြင်းတို့အတွက်သာ တေးရေးဆရာများထံသို့ ခွင့်ပြုချက်တောင်းခံခြင်းများ ရှိခဲ့သော်လည်း စင်တင်တေးဂီပွဲစသည့် အကျိုးအမြတ်ရသော ဖျော်ဖြေပွဲများတွင် ထည့်သွင်းအသုံးပြုသည့်အတွက် ထိုက်သင့်သော ရပိုင်ခွင့်များ မရရှိခဲ့ဖူးကြောင်း သိရသည်။

မြောက်ကိုးရီးယား လက်နက်များ နအဖ အတွက် ဖြစ်နိင်ဟု ဆို

ထိုင်းနိင်ငံ ဘန်ကောက် ဒွန်မောင်းလေဆိပ် တွင် ဖမ်းဆီးခဲ့သော လေယာဉ်ပေါ်မှ လက်နက်များ ဟာ အာဖရိက သူပုန်များ သို့မဟုတ် မြန်မာ နအဖ စစ်အစိုးရ တို့ အတွက် ဖြစ်နိင်တယ်လို့ ကျွမ်းကျင်တဲ့ပညာရှင်များ က ကောက်ချက်ချလိုက်ပါတယ်။ ပြီးခဲ့တဲ့အပတ်က မြောက်ကိုးရီးယား နိင်ငံ က လက်နက်များ တင်ဆောင်လာတဲ့လေယာဉ်ဟာ ဆီဖြည့်ဖို့ ခွင့်တောင်းခဲ့ပါတယ်။ လေယာဉ် ပေါ်မှာ လက်နက်တွေပါ လာတဲ့အတွက် ထိုင်းအာဏာပိုင် တွေ က ဖမ်းဆီးခဲ့တယ်။ လေယာဉ်ပေါ်ပါလာတဲ့ ကာဇတ်ကစ်စတန် နိင်ငံသား ၄ ဦးနဲ့ ဘဲလားရုဒ် နိင်ငံသား ၁ ဦးကိုဖမ်းဆီးခဲ့တယ်။ မြောက်ကိုးရီးယားနိင်ငံကို ကုလသမဂ္ဂမှ ပိတ်ဆို့ အရေးယူထားတဲ့အတွက် မြောက်ကိုးရီးယားနိင်ငံမှ ပျံသန်းလာတဲ့လေယာဉ်ကို စစ်ဆေး ဖမ်းဆီးခဲ့ကြခြင်းဖြစ်တယ်။ စစ်ဆေးတွေ့ရှိချက်တွေကို ကုလသမဂ္ဂကိုတင်ပြမယ်လို့ ထိုင်းအာဏာပိုင်တွေ က ဆိုပါတယ်။ သိမ်းဆည်းရမိတဲ့ လက်နက်တွေ ကတော့ ဒုံးပျံဆိုင်ရာ လက်နက်များ၊ယမ်းများ ဖြစ်တယ်လို့ ဆိုတယ်။

စီးပွားရေး နိုဘယ်ဆုရှင် စတစ်ဂ်လစ်အကြောင်း သိကောင်းစရာ

Joseph Stiglitz

သုတေသန
ကျော်သိင်္ခ
တနင်္လာနေ့၊ ဒီဇင်ဘာလ 14 ရက် 2009 ခုနှစ် 20 နာရီ 04 မိနစ်

ချင်းမိုင် (မဇ္ဈိမ)။ ။ စီးပွားရေး နိုဘယ်ဆုရှင်လည်းဖြစ်၊ ကမ္ဘာ့ဘဏ်၏ အဓိက စီးပွားရေးဆိုင်ရာ အကြံပေးပုဂ္ဂိုလ်လည်း ဖြစ်ခဲ့သူ ပါမောက္ခဂျိုးဇက် စတစ်ဂ်ဂ်လစ်သည် မြန်မာနိုင်ငံ နေပြည်တော်တွင် ကျင်းပမည့် ကျေးလက်ဒေသဆိုင်ရာ ဖွံ့ဖြိုးတိုးတက်ရေး မူဝါဒဆိုင်ရာ ဆွေးနွေးပွဲသို့ မနက်ဖြန်တွင် တက်ရောက်မည်။

မစ္စတာ စတစ်ဂ်ဂ်လစ်သည် တပတ်ကြာမည့် ခရီးစဉ်အတွင်း မြန်မာနိုင်ငံ အမျိုးသား စီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီးဌာန ဝန်ကြီး ဦးစိုးသာ၊ မြန်မာ့ရေသွင်းစိုက်ပျိုးရေး လုပ်ငန်းဝန်ကြီးဌာန ဝန်ကြီး ဗိုလ်ချုပ်ဌေးဦးတို့နှင့် တွေ့ဆုံပြီး မြန်မာနိုင်ငံ ဖွံ့ဖြိုးတိုးတက်ရေးနှင့် ဆင်းရဲမွဲတေမှု ကျဆင်းရေးနှင့် ပတ်သက်ပြီး ဆွေးနွေးသွားမည်ဟု သိရသည်။

ကိုလံဘီယာတက္ကသိုလ် ပါမောက္ခဖြစ်သူ မစ္စတာ စတစ်ဂ်လစ်သည် ၁၉၉၇ ခုနှစ်မှ ၂၀၀၀ ခုနှစ်အထိ ကမ္ဘာ့ဘဏ်၏ စီးပွားရေးဆိုင်ရာ အဓိက အကြံပေးအဖြစ် တာဝန်ထမ်းဆောင်ခဲ့ပြီး အာရှ စီးပွားရေး ဖွံ့ဖြိုးတိုးတက်မှု၏ အကြောင်းရင်းများ နောက်ကွယ်မှ အကြောင်းရင်းများကို လေ့လာထားသော “Rethinking the Asian Miracle” ကို ပုံနှိပ်ရာ၌ အဓိက အခန်းကဏ္ဍမှ ပါဝင်ခဲ့သည်။

အခြေခံလူထုပါဝင်သော စီးပွားရေးစီမံကိန်းမျိုးကို ပြုလုပ်ရန် မြန်မာစစ်အစိုးရကို တိုက်တွန်းထားသည့် သူ၏ ခရီးစဉ်သည် အမေရိကန်အစိုးရနှင့် ပတ်သက်ခြင်း မရှိသော်လည်း ခရီးစဉ်နောက်ဆက်တွဲ ရလဒ်များအပေါ် ကုလသမဂ္ဂနှင့် အမေရိကန်တို့ စောင့်ကြည့်သွားလိမ့်မည်ဟု အနောက်တိုင်း သံတမန်များက တွက်ဆထားကြသည်။

ထို့ပြင် သူသည် The Economics Voice ဂျာနယ်၏ အယ်ဒီတာတဦးလည်း ဖြစ်သည်။

ကိုယ်ရေးအကျဉ်း

စတစ်ဂ်လစ်ကို ၁၉၄၃ ခုနှစ်၊ ဖေဖော်ဝါရီလ ၉ ရက်နေ့တွင် အမေရိကန်နိုင်ငံ အင်ဒီးယားနားပြည်နယ် ဂေရီမြို့၌ မွေးဖွားခဲ့သည်။

၁၉၆ဝ မှ ၁၉၆၃ ခုနှစ်အထိ အမ်းဟာ့စ်ထ် ကောလိပ် (Amherst College) တွင် လေ့လာခဲ့သည်။ ထို့နောက် သူသည် မက်ဆာချူးဆက် နည်းပညာတက္ကသိုလ် (MIT) တွင် Bachelor ဘွဲ့ ရရှိခဲ့သည်။

ထို့နောက် ၁၉၆၅ မှ ၁၉၆၆ ခုနှစ်အထိ ချီကာဂို သုတေသနအတွက် ချီကာဂို တက္ကသိုလ်သို့ ပြောင်းရွှေ့ခဲ့သည်။

တဖန် မန်ဆာချူး ဆက်တက္ကသိုလ် (MIT) တွင်ပင် ဒေါက်တာဘွဲ့အတွက် ၁၉၆၆ မှ စတင်၍ ၂ နှစ်ကြာ လေ့လာခဲ့သည်။ ဒေါက်တာဘွဲ့အတန်း တက်ရောက်နေစဉ်အတွင်း MIT တွင် တွဲဖက်ပါမောက္ခတာဝန်ကိုလည်း ထမ်းဆောင်ခဲ့သည်။

၁၉၆၉ ခုနှစ်မှ ၁၉၇ဝ ခုနှစ်တွင် ကိန်းဘရစ် တက္ကသိုလ်၌ Fulbright သုတေသနပြု ကျောင်းသားဖြစ်ခဲ့သည်။ တဆက်တည်းမှာပင် ရေးလ်၊ စတန်းဖို့ဒ်၊ ဒုခ်၊ အောက်စ်ဖို့ဒ်နှင့် ပရင်စီတန် တက္ကသိုလ်တို့၌ ပါမောက္ခရာထူးဖြင့် တာဝန်ထမ်းဆောင်ခဲ့သည်။

ထို့ပြင် Sciences Po Paris နှင့် Ecole Polytechinque ကျောင်းများတွင် “စီးပွားရေးနှင့် လူထု ပေါ်လစီ (မူဝါဒ)” ဘာသာရပ်ကို သင်ကြားခဲ့သည်။ ၂ဝဝ၅ ခုနှစ်တွင် မန်ဆာချူးဆက်တက္ကသိုလ်၏ The Brooks World Poverty Institute ၌ ကျောင်းအုပ်အဖြစ် တာဝန်ထမ်းဆောင်ခဲ့သည်။

၁၉၉၅ ခုနှစ်မှ ၁၉၉၇ ခုနှစ်အထိ သမ္မတ ကလင်တန် အစိုးရ၏ သမ္မတ စီးပွားရေးအကြံပေးကော်စီ၏ ဥက္ကဌအဖြစ် တာဝန်ထမ်းဆောင်ခဲ့သည်။ ၁၉၉၇ ခုနှစ်မှ ၂ဝဝဝ ခုနှစ်အထိ ကမ္ဘာ့ဘဏ်တွင် ဒုတိယ ဥက္ကဋ္ဌနှင့် အဓိက စီးပွားရေး အတိုင်ပင်ခံအဖြစ် တာဝန်ထမ်းဆောင်ခဲ့သည်။ ထိုအချိန်တွင် နိုင်ငံတကာ စီးပွားရေး အဖွဲ့အစည်းများကို ဆန့်ကျင်သော ဆန္ဒပြမှုတခု ဖြစ်ပွားခဲ့သည်။ သူ့ကို ကမ္ဘာ့ဘဏ်က အတိုက်အခံများအား ဘဏ်၏ ပေါ်လစီများကို ဖော်ပြသည်ဟုဆိုကာ အလုပ်ထုတ်ပစ်ခဲ့သည်။

စတစ်ဂ်လစ်သည် Collegium International အဖွဲ့အစည်းတွင်လည်း တာဝန်ထမ်းဆောင်ခဲ့သည်။ ထိုအဖွဲ့အစည်းသည် နိုင်ငံရေး၊ သိပ္ပံနှင့် လူမျိုးစုဆိုင်ရာ ကျွမ်းကျင်သူများနှင့် ဖွဲ့စည်းထားပြီး၊ အဖွဲ့အစည်း၏ ပန်းတိုင်သည် အတားအဆီးများကို ငြိမ်းချမ်း၍ တရားမျှတပြီး၊ စီးပွားရေးအရ ဆက်လက် ထိန်းသိမ်း၍ ဖြေရှင်းသည့် နည်းလမ်းသစ်ကို အထောက်အကူပေးသည်။

စတစ်ဂ်လစ်သည် အမေရိကန် သမ္မတ ဘားရက်အိုဘားမားကို စီးပွားရေးဆိုင်ရာ အကြံပေးခဲ့ဖူးသည်။ သို့သော် အကြံပေးရာတွင် ဘဏ္ဍာရေးဆိုင်ရာ ကဏ္ဍ ပြန်လည်အဖတ်ဆယ်ရေး အစီအစဉ်အတွက် ပါးနပ်စွာ ဝေဖန်ခဲ့သည်။

၂၀၀၀ ခုနှစ်တွင် စတစ်ဂ်လစ်သည် ကိုလံဘီယာ တက္ကသိုလ်၌ နိုင်ငံတကာ ဖွံ့ဖြိုးတိုးတက်ရေးကို အခြေခံသော ရှေးဦး တွေ့ဆုံဆွေးနွေးရေးပေါ်လစီ (IPD) ကို တည်ထောင်ခဲ့သည်။ ၂၀၀၁ ခုနှစ်မှစတင်၍ ကိုလံဘီယာ တက္ကသိုလ်တွင် ဌာနဆိုင်ရာ အဖွဲ့ဝင်အဖြစ် ဖြစ်လာခဲ့ပြီး၊ ၂၀၀၃ ခုနှစ်မှ စတင်၍ တက္ကသိုလ် ပါမောက္ခအဆင့်ဖြင့် တာဝန်ထမ်းဆောင်ခဲ့သည်။

၂၀၀၁ ခုနှစ်တွင် စီးပွားရေးနိုဘယ်ဆုနှင့် ၁၉၇၉ ခုနှစ်တွင် ဂျွန်ဘိတ်စ်ကလပ် မက်ဒယ်ဆု ရရှိခဲ့သည်။

ထို့ပြင် ကမ္ဘာ့ဘဏ်တွသ် ဒုတိယ ဥက္ကဋ္ဌ တာဝန်နှင့် စီးပွားရေးဆိုင်ရာ အဓိက အကြံပေးပုဂ္ဂိ်ုလ်အဖြစ် တာဝန်ထမ်းဆောင်ခဲ့သည်။

သူ၏ ကမ္ဘာလုံး စီမံခန့်ခွဲမှုဆိုင်ရာ လေ့လာဆန်းစစ်မှု၊ လွတ်လပ်သော ဈေးကွက် စီးပွားရေး ပညာရှင် (သူ့အဆိုအရ - လွတ်လပ်သော ဈေးကွက်ကို ယုံကြည်သူ) နှင့် နိုင်ငံတကာ ငွေကြေး ရန်ပုံငွေနှင့် ကမ္ဘာ့ဘဏ်တွင် တာဝန်ထမ်းဆောင်ခဲ့မှုများကြောင့် နာမည်ရရှိခဲ့သည်။

အချို့က သူ့ကို ဘောဂဗေဒ ပညာရှင် ကင်နေး ဆီးယန်း (New-Keynesian) နောက်တဦးအဖြစ် တင်စားကြသည်။

ဂျိုးဇက်စတစ်ဂ်လဇ်ကို ဆရာတင်မလို့တဲ့လား

ရဲဘော်ဖိုးသံချောင်း
၁၁ ဒီဇင်ဘာ ၂၀၀၉
ခေတ်ပြိုင်ဂျာနယ်

အမေရိကန်က နိုဘယ်လ်ဆုရ ဘောဂဗေဒပညာရှင် မစ္စတာဂျိုးဇက်စတစ်ဂ်လဇ် ဗမာပြည်ကို ရောက်လာတော့မယ်။

ယက်တောဒီပလိုမေစီ အရှိန်ရနေပါကလားလို့ တွေးစရာပါပဲ။

နအဖစစ်ဗိုလ်ချုပ်တွေကတော့ ဆီနေတာဂျင်ဝက်ဘ်လို အမေရိကန်အမတ်ကိုသာမက ဒေါက်တာစတစ်ဂ်လဇ်လို အမေရိကန် ပညာရှင်ကိုလည်း ကြပ်ပြေးကိုရောက်လာအောင် သူတို့လုပ်နိုင်စွမ်းရှိတယ်လို့ ဝင့်ဝါနေမှာမြင်ယောင်မိနေပါတယ်။ မကြာခင်မှာ မစ္စစ်ကလင်တန်၊ သမ္မတအိုဘားမားတို့ကိုပါ ကြပ်ပြေးကို ရောက်လာစေမယ်လို့များ ကြုံးဝါးနေသလားလည်း မသိပါဘူး။

ဒီမှာမေးစရာဖြစ်လာတာက ဗေဒင်ဆရာကလွဲရင် ဘယ်သူဆရာလုပ်တာကိုမှ လက်ခံလေ့မရှိတဲ့ နအဖစစ်ဗိုလ်ချုပ်တွေဟာ ဘာရည်ရွယ်ချက်တွေနဲ့ အမေရိကန်နိုင်ငံက စီးပွားရေးပါရဂူတယောက်ကို အခုလို ပင့်ခေါ်အကြံဉာဏ်တောင်းနေတာလဲ။ နအဖစစ်အစိုးရဟာ ဗမာပြည်စီးပွားရေးကို နားလည်သဘောပေါက်တဲ့ ဗမာနိုင်ငံသားစီးပွားရေးပညာရှင် ရှာမတွေ့နိုင်လို့လား။ ဒါမှမဟုတ် မရှာချင်လို့လား။

နအဖရဲ့ ဒီခြေလှမ်းရဲ့ နောက်ကွယ်မှာ စီးပွားရေးရည်ရွယ်ချက်ထက် နိုင်ငံရေးရည်ရွယ်ချက်က ပိုတယ်လို့ ထင်ပါတယ်။

သေချာနေတာတချက်ကတော့ စစ်အစိုးရဟာ ယက်တောကိစ္စကစခဲ့တဲ့ ဝါရှင်တန်နဲ့ဆက်ဆံရေးကို စိုသောလက် မခြောက် စေရအောင် ဆက်သွယ်မှုတွေ တမျိုးပြီးတမျိုး၊ ဖန်တီးဖော်ထုတ်နေတာဖြစ်ပါတယ်။ ဗိုလ်ချုပ်တွေက အမေရိကန်ကိုသွားလိုက်၊ အမေရိကန်ကလူတွေက ကြပ်ပြေးကိုလာလိုက်၊ ရွှေလမ်းငွေလမ်းပေါက်နေတယ်လို့ ပြောလို့ရအောင်၊ ကမ္ဘာက ထင်မြင်လာအောင် လုပ်နေကြတာဖြစ်ပါတယ်။ အမေရိကန်က အလံစိမ်းပြလိုက်ရင် ဥရောပဆိုတာ ခြေထောက်နဲ့သာမက ခေါင်းနဲ့တောင် လာနိုင်တယ်ဆိုတာလည်း သူတို့တွက်မိပါတယ်။ အာဆီယံလိုဟာကတော့ စကားထဲတောင် ထည့်ပြောစရာ မလိုတော့ပါဘူး။ နောက်ပြီး သူတို့အနေနဲ့ တခြားအိမ်နီးနားချင်းတွေကို လက်မထောင်ပြပြီး ဈေးဆစ်လို့လည်း ပိုကောင်းမယ်ဆိုတာ သေချာနေပါတယ်။

နောက်တချက်က သူတို့နအဖစစ်အစိုးရဟာ အိမ်ဖြူတော်ရဲ့အကြံဉာဏ်တွေကို လိုလားပါကြောင်း၊ သြဝါဒခံလိုပါကြောင်း၊ ဗိုလ်နေဝင်း လက်ထက်တုန်းက မဆလလမ်းစဉ်ကို လုံးဝစွန့်လွှတ်ပြီးဖြစ်ပါကြောင်း ဝါရှင်တန်ကပုဂ္ဂိုလ်တွေကို သိစေချင်တာဖြစ် ပါတယ်။ အမေရိကန်အနေနဲ့ နောင်မှာ ဗမာပြည်နဲ့ ကုန်သွယ်ရး၊ စီးပွားရေးအတူ လုပ်နိုင်ရေးအတွက် ကိုယ်တိုင်လာပြီး ပန္နက်ချ နိုင်ပါတယ်လို့ ဆိုချင်နေတာလည်း ဖြစ်ပါတယ်။ ဒါ့အပြင် သူတို့လည်းပဲ ပြုပြင်ပြောင်းလဲမှုတွေလုပ်ချင်ပါတယ်၊ လိုလားပါတယ်လို့ ပြောချင်တာဖြစ်ပါတယ်။ နိုင်ငံတကာအဝန်းအဝိုင်းထဲကို လူလူသူသူပြန်ရောက်လိုတဲ့သဘောပါပဲ။

ဒါ့အပြင် အလွန်အရေးကြီးတဲ့ နောက်အချက်တချက်လည်း ရှိပါသေးတယ်။ အဲဒါကတော့ သူတို့ရဲ့ဒီနိုင်ငံရေး၊ စီးပွားရေး အပြောင်းအလဲတွေဟာ သူတို့ရဲ့ ၂ဝဝ၈ အခြေခံဥပဒေချမှတ်မှု၊ ၂ဝ၁ဝ ရွေးကောက်ပွဲကျင်းပမှု၊ နောက်“အစိုးရသစ်”တရပ် ဖွဲ့စည်းမှုစတာတွေနဲ့ ဆက်စပ်နေတယ်လို့လည်း ဝါရှင်တန်ကို သိစေချင်လို့ဖြစ်ပါတယ်။

တချက်ခုတ် အများကြီးပြတ်မယ့်အကြံအစည်ပါ။

ပြန်စဉ်းစားလိုက်ရင် လွတ်လပ်ရေးဒီဘက် ဗမာပြည်သမိုင်းမှာ ဒီလိုစီမံကိန်းတွေ မရှိခဲ့တာမဟုတ်ပါဘူး။ ဖဆပလရဲ့ ပြည်တော်သာစီမံကိန်း၊ မြေ-ကျေး-ရှင်း အစီအမံ စတာတွေကို ဗမာပြည်သားတွေမမေ့သေးပါဘူး။ လူတကိုယ်တိုက်တလုံး၊ ကားတစီး၊ လခရှစ်ရာ ရမယ်ဆိုတဲ့ ဦးနုရဲ့ကေတီအေခေါ် ပြည်တော်သာစီမံကိန်းဟာ နောက်ဆုံးကျတော့ အာဏာရသူ အဆင့်ဆင့် ခြစားပစ်လိုက်တာနဲ့ ပျက်ဆီးပျောက်ကွယ်သွားခဲ့ရပါတယ်။ အခု တကယ်လို့များ စတစ်ဂ်လဇ်ရဲ့ အကြံပေးချက်နဲ့ စီးပွားရေးစီမံကိန်းတခုကို ဗမာပြည်မှာ အကောင်အထည်ဖော်ကြပြီဆိုရင် နအဖရဲ့ အဆင့်ဆင့်အာဏာရသူတွေဟာ အဲဒီလိုခြမစားပါဘူးလို့ ဘယ်သူကများ အာမခံရဲပါသလဲ။ ဗိုလ်သန်းရွှေ၊ ဗိုလ်မောင်အေးတို့တောင် သူတို့လူတွေခြမစားဘူး၊ လာဘ်မစားဘူးလို့ အာမ မခံဝံ့ဘူးထင်ပါတယ်။

ဒေါက်တာစတစ်ဂ်လဇ်လာတာဟာ ဆင်းရဲမွဲတေမှုလျှော့ချရေးနှင့် ကျေးလက်ဒေသဖွံ့ဖြိုးရေးခေါင်းစဉ်နဲ့ လာတာဖြစ်ပါတယ်။ တကယ်တော့ ဗမာပြည်က ကျေးလက်ပြည်သူတွေ ဆင်းရဲမွဲတေနေတာဟာ နအဖက အမတော်ကြေး လုံလောက်အောင် မပေးလို့၊ ဘာလို့ဆိုတဲ့ သာမန်ပြဿနာတွေကြောင့်မဟုတ်ဘူးဆိုတာ လူတိုင်းသိပါတယ်။ အမေရိကန်အစိုးရလည်းသိ၊ နိုင်ငံတကာစီးပွားရေးပညာရှင်တွေလည်းသိ၊ နအဖအစိုးရကိုယ်တိုင်လည်းသိပါတယ်။ ဗမာပြည်ရဲ့ ကျေးလက်စီးပွားရေး ပြဿနာဟာ ဒီတိုင်းပြည်မှာ ဖြစ်ပေါ်တည်ရှိနေတဲ့ အခြေခံပြဿနာနဲ့ တိုက်ရိုက်ဆက်စပ်နေတာဖြစ်ပါတယ်။ အဲဒါက စစ်အုပ်နဲ့ သူ့အပေါင်းပါတွေက နိုင်ငံ့စီးပွားရေးအားလုံးကို လက်ဝါးကြီးအုပ်ချင်တာ၊ ကျေးလက်စီးပွားရေးကို မြို့ပြမှာ အဓိကအခြေခံထားတဲ့ သူတို့ရဲ့ စီးပွားရေးတွေကို အလုပ်အကျွေးပြုတဲ့အနေအထားမှာပဲ ကန့်သတ်ထားလိုတာ စတဲ့ အကြောင်းရင်းတွေကြောင့် ဖြစ်ပါတယ်။ လယ်သမားတွေကို သူတို့အတွက် အစားအစာနဲ့ ကုန်ကြမ်းထုတ်ပေးသူတွေ အဖြစ်ကနေ တိုးတက်မလာစေချင်တာဟာ နအဖဗိုလ်ချုပ်တွေရဲ့ တကယ့် ရင်တွင်းကဆန္ဒပါ။ အခုဆိုရင် ကျေးလက် စီးပွားရေးက မြို့ပြစီးပွားရေးကို အလုပ်အကျွေးပြုရတာတင်မက မြို့ပြစီးပွားရေးအတွက် နေရာတွေ ဖယ်ပေးနေရတာတွေတောင် ဖြစ်နေပါတယ်။ နအဖနဲ့ သူတို့ဆွေသားရင်းချာတွေ၊ သူတို့နဲ့ဆက်နေတဲ့ ပြည်ပက လုပ်ငန်းရှင်တွေကြောင့် လယ်သမားတွေဆီက မြေတွေသိမ်း၊ ဈေးကွက်တွေ မှောက်လှန်နေတာတွေဟာ ကိုလိုနီခေတ်က ချစ်တီးထက်ဆိုးပါတယ်။

ဘယ်လိုပဲဖြစ်ဖြစ်၊ မှန်တာပြောရရင် နအဖဗိုလ်ချုပ်တွေ မစ္စတာစတစ်ဂ်လဇ်ရဲ့ အကြံပေးချက်တွေကို လက်ခံတာ၊ လက်မခံ တာဟာ ဒီမိုကရေစီအရေးတော်ပုံနဲ့ ဘာမှမဆိုင်ပါဘူး။ အဲဒါတွေကို လက်ခံလိုက်လို့လည်း တိုင်းပြည်တိုးတက်လာမှာ မဟုတ်သလို နအဖစစ်အုပ်စုရဲ့ တကယ့်လက္ခဏာလည်း ပြောင်းလဲမသွားပါဘူး။ ဒါပေမယ့် နအဖဗိုလ်ချုပ်တွေ အမေရိကန်နဲ့ ဆက်ဆံရေး ပုံမှန်ဖြစ်သွားတယ်ဆိုရင် အတိုက်အခံအင်အားစုတွေ ဘယ်လို ဆက်လုပ်ကြမယ်ဆိုတာကတော့ အလေးထား စဉ်းစားသင့်တဲ့ ကိစ္စလို့ ထင်ပါတယ်။ အကြောင်းက အဲဒီလိုသာဖြစ်သွားရင် ဒါဟာ ၁၉၈၈ ခုနှစ်နောက်ပိုင်း၊ ဗမာပြည်နဲ့ ပတ်သက်လို့ ဖြစ်ပေါ်ခဲ့တဲ့ အကြီးမားဆုံး နိုင်ငံတကာဆက်ဆံမှု အပြောင်းအလဲကြီး ဖြစ်လာမှာမို့ပါ။

အဲဒီအခါမှာ အတိုက်အခံတွေနဲ့ အမေရိကန်နဲ့ အနောက်နိုင်ငံတွေကို တိုင်တည်တာချည်းလုပ်နေလို့ မရတော့တာ သေချာ ပါတယ်။ (ဒီလိုတိုင်တည်ခဲ့တာတွေဟာ မှားတယ်၊ မလိုအပ်ဘူးလို့ဆိုလိုတာမဟုတ်ပါ)။ ဒီမိုကရေစီအရေးတော်ပုံအောင်မြင်ရေး အတွက် တခြားလက်တွေ့ကျတဲ့၊ ပိုမိုထိရောက်တဲ့ သေနင်္ဂဗျူဟာနဲ့ နည်းပရိယာယ်တွေ ရှာဖွေချမှတ်ရတော့မယ်လို့ ထင်ပါတယ်။ အဲဒီအချိန်ဟာ ၂ဝ၁ဝ ရွေးကောက်ပွဲလွန် နိုင်ငံရေးအခြေအနေနဲ့လည်း တထပ်တည်းကျနေမယ်ဆိုတာ သတိပြုသင့်ပါတယ်။ အခြေအနေတွေဟာ ပိုရှုပ်ထွေးလာနိုင်ပါတယ်။ ဒါပေမယ့် ရှုပ်ထွေးမှုတွေကနေ ပိုမိုကောင်းမွန်တဲ့ အဆင့်သစ်တရပ်ကို ပြောင်းလဲသွားတတ်တယ်ဆိုတာကိုလည်း စိတ်နှလုံးသွင်းထားရပါမယ်။

မြောက်ကိုရီးယား မှ စစ်လက်နက်ပစ္စည်းများတင်ဆောင်လာသော လေယာဉ် ဘန်ကောက် တွင် ဖမ်းဆီးခံရ

ဓာတ်ပုံ- ဘန်ကောက်ပို့စ်

-အောင်မိုး/ဂျေရာပွန်သော်မဆင်-
(ဘန်ကောက်)

မြောက်ကိုရီးယားနိုင်ငံ ပြုံယမ်းမြို့ ကနေ အလေးချိန် ၃၅ တန် စစ်လက်နက်ပစ္စည်းများ သယ်ဆောင်လာတဲ့ ရုရှားလုပ် Ilyushin Il-76 ဟာ ထိုင်းနိုင်ငံ ဘန်ကောက်မြို့ ဒွန်မောင်း အပြည်ပြည်ဆိုင်ရာ လေဆိပ်မှာ ဆီဝင်ဖြည့်စဉ် တရားမ၀င်လက်နက်များ သယ်ဆောင်လာခဲ့မှု ဖြင့် ဖမ်းဆီးတရားစွဲဆို ခံထားရပြီး၊ ဆက်လက်စုံစမ်းစစ်ဆေးမှုများကို ပြုလုပ်နေပါသည်။ ထိုလေယာဉ်သည် ဒုံးကျည် လက်နက် များ၊ ပေါက်ကွဲအား ပြင်းတဲ့ ယမ်းအိတ်များ၊ စစ်မြေပြင်သုံးဒုံးကျည် လက်နက်များ ကိုသယ်ဆောင်လာခဲ့ ကြောင်း သတင်းထဲတွင် ဖော်ပြထားပါသည်။ လေယာဉ်ပေါ်တွင်လိုက်ပါလာတဲ့ လူ ၅ ဦးကို တရားမ၀င် လက်နက် ပိုင်ဆိုင်မှုနဲ့ ထိုင်းနိုင်ငံက တရားစွဲဆိုထားကြောင်း သိရှိရပါသည်။ လေးဦးဟာ ကာဇတ်စတန် (Kazakhstan) နိုင်ငံကူးလက်မှတ် ကိုင်ဆောင်ထားသူများ ဖြစ်ပြီး၊ တစ်ဦးက ဘဲလားရုစ် (Belarus) နိုင်ငံကူးလက်မှတ် ကိုင်ဆောင်ထားသူဖြစ်တယ်လို့ သတင်းများတွင် ဖော်ပြထား ပါသည်။

စစ်လက်နက်များသယ်ဆောင်လာတဲ့ လေယာဉ်ဟာ ဂျော်ဂျီယာ (သို့) ရုရှားမှာ မှတ်ပုံတင်ထား တဲ့ လေယာဉ်ဖြစ်တယ်လို့ ယခင်က ခန့်မှန်းပြောဆိုနေကြပေမဲ့ ၊ ထိုင်းဝန်ကြီးချုပ် အဘီဆစ်က လေယာဉ်ဟာ ဂျော်ဂျီယာမှာ မှတ်ပုံတင်ထားတဲ့ လေယာဉ်ဖြစ်ကြောင်း သတင်းစာရှင်းလင်းပွဲ မှာ အတည်ပြု ထုတ်ဖော်ပြောဆိုသွားပါသည်။

လေယာဉ်ဟာ ထိုင်းနိုင်ငံ ဘန်ကောက်မြို့ မှ သီရိလင်္ကာ ကိုလမ်ဘိုမြို့ သို့ ပျံသန်း သွားရောက်ဖို့ အစီအစဉ်ရှိကြောင်း၊ ထိုမှတဆင့် ယူကရိန်း သို့ ပျံသန်းဖို့ ရှိကြောင်း စုံစမ်းစစ်ဆေးမှု များအရ သိရှိရပါသည်။ လေယာဉ်ပေါ်တွင်လိုက်ပါလာတဲ့ လူတစ်ဦးက လေယာဉ်ဟာ ရုရှားမှတဆင့် မြောက်ကိုရီးယားကို ပျံသန်းခဲ့ပြီး စစ်လက်နက်ပစ္စည်းများကို တင်ဆောင်လာ ခဲ့ကြောင်း ထိုင်းလုံခြုံရေးတာဝန်ရှိသူများ ကိုပြောဆိုခဲ့တယ်လို့ ဘန်ကောက်ပို့စ် သတင်းစာ ထဲတွင်ဖော်ပြထားပါသည်။

လက်နက်များကို ဘယ်နိုင်ငံသို့ တင်ပို့ရောင်းချဖို့ ရှင်းရှင်းလင်းလင်းမသိရှိရသေးပေမဲ့၊ ထိုင်းအစိုးရ က ဘန်ကောက်မြို့ရှိ ဂျော်ဂျီယာ၊ သီရိလင်္ကာ သံရုံးများကို အကြောင်းကြား ထားပြီး၊ ဆက်လက် သတင်းစုံစမ်းမှုများကို ပြုလုပ်နေပါသည်။ သီရိလင်္ကာ အစိုးရဟာ တမီးသူပုန်တွေကို နှီမ်နင်းခဲ့စဉ်က တရုတ်၊ အိန္ဒိယ၊ မြောက်ကိုရီးယား မှ စစ်လက်နက်များကို မြန်မာစစ်အစိုးရရဲ့ အကူအညီဖြင့် သယ်ဆောင်ခဲ့ဘူးပါသည်။ ယခင်ကလည်း မြန်မာပြည်သို့ ဦးတည်သွားခဲ့သော မြောက်ကိုရီးယား သင်္ဘောတစီးကြောင့် သီရိလင်္ကာ၊ မြန်မာ၊ မြောက်ကိုရီးယားဆက်ဆံမှုများကို အနီးကပ် လေ့လာစောင့်ကြည့် နေကြပါသည်။ ထိုစဉ်က တရုတ်အစိုးရ၏ ကြားဝင်ခဲ့မှုကြောင့် မြန်မာပြည်သို့ ဦးတည်လာခဲ့သော မြောက်ကိုရီးယား သင်္ဘောတစီး ဟာ လာရာလမ်းကိုပြန်လှည့်သွားခဲ့ရကြောင်း နိုင်ငံတကာ ထောက်လှမ်းရေး သတင်းများတွင်ေ�